Sɛlɛ 2:12 - BAEBOLO ANZƐƐ BULUKU NWUANZANWUANZA

¹² Bɛkola bɛfa bɛ ma mɔɔ bɛkɛlumua bɛkɛnyia ye la bɛbɛlɛ Ɛdɛnkɛma kɛ bɛ azubɔdeɛ ɔ, noko ɔnle kɛ bɛfa bɛkɔ azukponle ne azo kɛ ɔle ɛyelalɛ azubɔdeɛ.

Sɛlɛ 2:12 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 23:17

Yemɔti Yifolɔn azɛlɛ ne mɔɔ wɔ Makepilaa, bolɛ bɔne ne mɔɔ wɔ zolɛ, yɛɛ mbaka kɔsɔɔti mɔɔ wɔ zolɛ la

2 Edk 31:5

Mɔɔ edwɛkɛ ɛhye kpondenle na ɔdwule amaanvoa la, Yizilayɛma vale bɛ ma mɔɔ bɛlumuale bɛdele la, nwanye, nwole, wolɛ, nee bɛ bɛyɔba biala dɔɔnwo rale, yɛɛ bɛvale bɛ ninyɛne ngyɛnu bulu ɛkpɔ ko ne bɛrale.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 22:29

“Bɛmmatwenlehwenle bɛ bo aze wɔ bɛ bɛyɔba azubɔlɛ ne mɔ anwo. “Bɛva bɛ mra mrenya mɔɔ lumua la bɛmaa me.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:19

“Bɛyɔba mɔɔ kɛlumua kɛvinde bɛ ɛya avule ne mɔ anu la, bɛva bɛrɛla medame Ɛdɛnkɛma bɛ Nyamenle ne sua nu. “Bɛmmato boane anzɛɛ abɔnkye ralɛ wɔ ɔ nli nyɛfonzule nu bɛdi.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 34:22

“Saa bɛbɔ ɔ bo kɛ bɛte hwiiti a, bɛli Bɛyɔba Ɛvoyia ne, yɛɛ saa ɛvolɛ awieleɛ ma nloa ɛboɔboalɛ ne wie a, bɛli Kpɔda Bo Ɛdɛnlanlɛ Ɛvoyia ne.

Sɛlɛ 23:17

Bɛva kpanwo ahunguma nwiɔ mɔɔ bɛva esamo kilo nwiɔ a bɛyɛ la bɛvi sua nu bɛrɛla bɛrabɔ ehono azu bɛmaa Ɛdɛnkɛma Ɔwɔ kɛ bɛfa mgbɔvonle bɛwula esamo ne anu na bɛado, na bɛva bɛyɛ ma mɔɔ lumua la azubɔdeɛ bɛmaa Ɛdɛnkɛma.

Sɛlɛ 7:13

Ɔwɔ kɛ ahenle fa kpanwo ndɛbandɛba mɔɔ mgbɔvonle wɔ nu la boka ye anzonudwolɛ azubɔdeɛ ne anwo ɔbabɔ azu ne.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 15:20

Saa bɛbu abɛlɛ na ɛdɔkɛ mɔɔ bɛkɛlumua bɛkɛva bɛkɛyɛ la, bɛloa bie bɛyɛ azubɔdeɛ bɛmaa Ɛdɛnkɛma kɛ ɔvi ma ɛwozolɛ ɛleka ne.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 18:12

“Ɛvolɛ biala egyinli nu bɛyɔba mɔɔ Yizilayɛma kɛlumua kɛbu na bɛkɛva bɛkɛmaa me la, ɔlivi nwole kpalɛ, nwanye nee abɛlɛ, meva memaa wɔ.

1 Kɔl 15:20

Na nɔhalɛ ne a le kɛ Nyamenle ɛdwazo Kelaese ɛvi ewule nu, na ɛhye maa yɛsi pi kɛ Nyamenle badwazo bɛdabɛ mɔɔ bɛwu la amuala.

Mɛla 26:10

Ɛhye ati meva me aleɛ mɔɔ ɛdawɔ Ɛdɛnkɛma wɔva wɔmaa me la anu mɔɔ lumua la melɛbɛlɛ wɔ.’ “Akee ɛbazokoɛ wɔazie Ɛdɛnkɛma wɔ Nyamenle ne anyunlu ɛkɛ na wɔazonle ye,

Yekile 14:4

Bɛmɛ a bɛle menli mɔɔ bɛzie bɛ nwo bɔkɔbɔkɔ mɔɔ bɛanva bɛ nwo bɛanga raalɛ biala a; bɛle amunli bɔkɔɔ. Bɛmɛ yɛɛ ɛleka biala mɔɔ Boaneralɛ ne ɛlɛkɔ la bɛdoa ye a. Bɛmɛ a bɛlie bɛ ngoane bɛvi aleɛabo amra avinli kɛ bɛle menli mɔɔ bɛlumua bɛva bɛ bɛrɛlɛ Nyamenle nee Boaneralɛ ne a.