Sɛlɛ 19:3 - BAEBOLO ANZƐƐ BULUKU NWUANZANWUANZA

³ Ɔwɔ kɛ bɛ nuhua biala di ɔ ze nee ɔ nli eni, na bɛsie me Ɛnwomenlelielɛ Kenle ne mɔ. Medame a mele Ɛdɛnkɛma bɛ Nyamenle ne a.

Sɛlɛ 19:3 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 48:12

Na Dwosefi manle ngakula ne mɔ zo vile ɔ ze agyakɛ azo, na ɔbutule ɔ ze anyunlu ɔvale ɔ nye ɔbutule aze.

Nihɛmaya Buluku ne 9:14

Ɛhilele bɛ kɛ bɛzie Ɛnwomenlelielɛ Kenle ne nwuanzanwuanza, na ɛluale wɔ sonvolɛ Mosisi anwo zo ɛvale mɛla ne ɛmanle bɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 16:29

Bɛnlea! Ɛdɛnkɛma ɛmaa bɛ ɛnwomenlelielɛ kenle, yemɔti kenle nsia ne azo ɔmaa bɛ kenle nwiɔ aleɛ, zɔhane ati kenle nsuu ne azo, awie biala ɛdɛnla ye sua nu; yɛɛ awie biala mmatu ɔ gyakɛ.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 20:12

“Bɛli bɛ ze mɔ nee bɛ nli mɔ eni, amaa bɛ mekɛ awa wɔ azɛlɛ ne mɔɔ medame Ɛdɛnkɛma bɛ Nyamenle ne melɛfa meamaa bɛ la azo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 20:8

“Bɛhakye kɛ bɛkɛzie Ɛnwomenlelielɛ Kenle ne nwuanzanwuanza.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 21:15

“Awie biala mɔɔ kɛbɔ ɔ ze anzɛɛ ɔ nli la, bɛhu ye.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 21:17

“Awie biala mɔɔ kɛwa ɔ ze anzɛɛ ɔ nli amonle la, bɛhu ye.

Mrɛlɛbulɛ Buluku ne 1:8

Me ra nrenya, tie ɛ ze ngilehilelɛ, yɛɛ mmakpo ɛ nli folɛdulɛ,

Mrɛlɛbulɛ Buluku ne 23:22

Tie ɛ ze mɔɔ wole wɔ la edwɛkɛ, yɛɛ ɛ nli yɛ ɛrelera a, mmakpo ye.

Mrɛlɛbulɛ Buluku ne 30:11

Menli bie wɔ ɛkɛ mɔɔ bɛwa bɛ ze mɔ amonle yɛɛ bɛmbu mɔɔ bɛ nli mɔ yɛ maa bɛ la.

Mrɛlɛbulɛ Buluku ne 30:17

Awie biala mɔɔ si ɔ ze amgbu na ɔmbu ɔ nli bie la, mbɔnza nu ahɔhɔsɛlɛ badudu ɔ nye na mgbɔtɛ arali.

Ayezaya Buluku ne 58:13

Ɛdɛnkɛma se, “Saa bɛsia bɛ nzi bɛsie Ɛnwomenlelielɛ Kenle ne, bɛgyakyi bɛdabɛ bɛ ngome bɛ kpalɛyɛlɛ nwo gyimayɛlɛ wɔ me kenle nwuanzanwuanza ne, bɛmaa bɛ nye die Ɛnwomenlelielɛ Kenle ne ɛzielɛ nwo, na bɛbu medame Ɛdɛnkɛma me kenle nwuanzanwuanza ne bie, saa bɛdi kenle ne eni na bɛanyɛ mɔɔ bɛdabɛ bɛkulo la, anzɛɛ bɛamkpondɛ bɛ ngome bɛ anyelielɛ, bɛandendɛ ɛdendɛlɛ mgbane mgbane a,

Yizikeɛle Buluku ne 20:12

Eza menvale me Ɛnwomenlelielɛ Kenle ne mɔ memanle bɛ, kɛ ɔle sɛkɛlɛneɛ mɔɔ la me nee bɛ avinli a, amaa bɛanwu kɛ medame Ɛdɛnkɛma a mete bɛ nwo a.

Sɛlɛ 11:44

Ɔluakɛ medame a mele Ɛdɛnkɛma bɛ Nyamenle ne a. Bɛmaa bɛ nwo ɛde nwuanzaanwu, ɔluakɛ mele nwuanzanwuanza. Ɔnle kɛ bɛfa debie biala mɔɔ kola fo anwuma na eza ɔtwenle ɔ nwo aze wɔ azɛlɛ ye azo la bɛgua bɛ nwo evinli.

Sɛlɛ 19:25

Na ye ɛvolɛ nnu ne azo bɛkola bɛdi nzoleɛ ne bie. Ɛhye bamaa mbaka ne mɔ azo dɔɔnwo amaa bɛ; medame a mele Ɛdɛnkɛma bɛ Nyamenle ne a.

Sɛlɛ 19:30

Ɔwɔ kɛ bɛsie me Ɛnwomenlelielɛ Kenle ne mɔ na bɛdi me ɛleka nwuanzanwuanza ne eni; medame a mele Ɛdɛnkɛma a.

Sɛlɛ 19:31

“Bɛmmabiza bɛ nwo wɔ menli mɔɔ tendɛ nwomenle nloa azo la anzɛɛ nyɛnema ɛkɛ. Bɛmmakpondɛ bɛ bo zo bɔbɔ na evinli aha bɛ; medame a mele Ɛdɛnkɛma bɛ Nyamenle ne a.

Sɛlɛ 19:34

Ɛyɛvolɛ mɔɔ bɛ nee ye a lua la bɛyɛ ye kɛmɔ bɛkɛyɛ bɛdabɛ bɛ nuhua bie ala la. Eza bɛhulo ye kɛ bɛdabɛ bɛ nwo la. Ɔluakɛ ɛnee bɛdabɛ bɛle nyɛvolɛ wɔ Yigyibiti azɛlɛ zo; medame a mele Ɛdɛnkɛma bɛ Nyamenle ne a.

Sɛlɛ 23:3

Bɛbayɛ gyima kenle nsia; kenle nsuu ne le Ɛnwomenlelielɛ Kenle mɔɔ ɔwɔ kɛ bɛfa bɛdie bɛ ɛnwomenle a Ɔle kenle mɔɔ ɔwɔ kɛ bɛyia nu bɛyɛ ɛzonlenlɛ nwuanzanwuanza Ɔnle kɛ bɛyɛ gyima biala wɔ nu. Ɔle Ɛdɛnkɛma Ɛnwomenlelielɛ Kenle wɔ ɛleka biala mɔɔ bɛwɔ la.

Sɛlɛ 26:2

Bɛzie me Ɛnwomenlelielɛ Kenle ne mɔ, na bɛli ɛleka nwuanzanwuanza ne mɔɔ bɛsonle me la eni. Medame a mele Ɛdɛnkɛma a.

Malakae Buluku ne 1:6

Tumivolɛ Ɛdɛnkɛma biza bɛ kɛ, “Ralɛ di ɔ ze eni yɛɛ akɛlɛ di ɔ menle eni. Na saa mele bɛ ze a, ɛnee eni mɔɔ bɛdi me la a le boni? Yɛɛ saa mele bɛ menle a, ɛnee ɛzulolɛ mɔɔ bɛsulo me la wɔ nienwu? Bɛmɛ sɛlɛvolɛma bɔbɔ yɛɛ bɛsɛkye me duma a. Noko bɛmɛ bɛbiza kɛ, ‘Ɛnee kɛ yɛzi yɛzɛkye wɔ duma ɛ?’

Mɛla 27:16

“ ‘Munzule ɛha sonla mɔɔ yeanli ɔ ze nee ɔ nli eni la.’ “Menli ne amuala baha kɛ, ‘Amen!’

Mɛla 5:16

“ ‘Bɛli bɛ ze nee bɛ nli eni, kɛmɔ Ɛdɛnkɛma bɛ Nyamenle zele bɛ la, amaa bɛ mekɛ mɔɔ bɛbali la awa na yeayɛ boɛ yeamaa bɛ wɔ azɛlɛ ne mɔɔ medame, Ɛdɛnkɛma bɛ Nyamenle mebava meamaa bɛ la azo.

Kɛlata mɔɔ bɛhɛlɛle bɛhɔmanle Hibuluma la 12:9

Saa yɛ ze mɔ mɔɔ wole yɛ la tea yɛ a, yɛdi bɛ eni. Fane nyɛ yɛɛ akee yɛnrɛli yɛ sunsum nu Selɛ ne eni na yɛnrɛnyia ngoane a?