Sɛlɛ 19:16 - BAEBOLO ANZƐƐ BULUKU NWUANZANWUANZA

¹⁶ Ɔnle kɛ bɛduolua bɛ gɔnwo mɔ akɔme nu bɛkeha awie mɔ anwo edwɛkɛ mɔɔ ɛnle nɔhalɛ la, yɛɛ bɛmmadi daselɛ adalɛ bɛtia bɛ gɔnwo bɛmaa ɔminli ye ngoane. Medame a mele Ɛdɛnkɛma a.

Sɛlɛ 19:16 ပူးပေါင်းရင်းမြစ်များ

Dwobu Buluku ne 17:5

Awie biala mɔɔ pepɛ ɔ gɔnwo mɔ agyakɛ anzi die bɛ agyadeɛ ne bie la, ɔ mra anye bazi.

Edwɛndolɛ Buluku ne 101:5

Awie biala mɔɔ fea sɛkye ɔ gɔnwo duma la, mebazɛkye ye. Sonla mɔɔ tu ɔ nwo, ɔbu ɔ nwo la, menrɛkponle ye.

Edwɛndolɛ Buluku ne 15:3

sonla zɔhane ɛmbɔ awie mɔ anwo nzekue, ɔnyɛ ɔ gɔnwo mɔ ɛtane yɛɛ ɔnzɛkye ɔ gɔnwo duma.

Edwɛndolɛ Buluku ne 50:20

Bɛtɛnla bɛye bɛ mediema mrenya ndɛne; bɛbɔ bɛdabɛ bɛ nli amra mrenya anwo nzekue.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 20:16

“Bɛmmadi daselɛ adalɛ bɛtia bɛ gɔnwo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:1

“Bɛmmabɔ nzekue. Bɛmmadi daselɛ adalɛ bɛboa sonla mɔɔ le amumuyɛ la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:7

Bɛmmato awie ɛzonle, bɛmmaku sonla mɔɔ ɛnze nwolɛ bie na ɔdi pɛlepɛle la, ɔluakɛ menrɛgyakyi amumuyɛnli ne dwɔɔ.

Mrɛlɛbulɛ Buluku ne 10:18

Sonla biala mɔɔ fea ɛkpɔlɛ zo la le adalɛ, yɛɛ mɔɔ le ngunzi la le koasea.

Mrɛlɛbulɛ Buluku ne 11:13

Sonla mɔɔ duolua nuhua toamatoama keha edwɛkɛ la fa fealera nu edwɛkɛ finde, na sonla mɔɔ bɛkola bɛfa bɛ rɛle bɛwula ye nu la fa edwɛkɛ sie.

Mrɛlɛbulɛ Buluku ne 20:19

Sonla mɔɔ tendɛ somasoma la ɛngola ɛnvea edwɛkɛ zo; yemɔti ɛ nee sonla mɔɔ tendɛ somasoma la mmatu.

Gyɛlɛmaya Buluku ne 6:28

Bɛ muala bɛte atua anzosesebɛ nu; bɛ nee alane asiayɛma a tu a. Bɛyɛ se kɛ kɔbele nee bulalɛ. Bɛ ɛbɛla ɛzɛkye.

Gyɛlɛmaya Buluku ne 9:4

Awie biala ɛnlea ɔ gɔnwo boɛ, ɔmmafa ɔ rɛle ɔwula ɔ diema biala nu, ɔluakɛ adiema biala le mɛlɛbɛla sonla, agɔnwolɛ biala yɛ ɔ gɔnwo anwo asiayɛ.

Yizikeɛle Buluku ne 22:9

Menli wɔ bɛ avinli mɔɔ pɛ nwondomgbɔ na bɛka mogya bɛgua a; menli wɔ bɛ avinli mɔɔ bɔ azu maa awozonle na bɛdidi awoka ne mɔ azo lɔ a, yɛɛ menli wɔ bɛ avinli mɔɔ ɛnze nyiane wɔ adwɔmane ɛbɛla mgbane mgbane ɛbɔlɛ nwo a.

Edwɛkpa ne kɛmɔ Mateyu hɛlɛle la 27:4

na ɔzele bɛ kɛ, “Meyɛ ɛtane kɛ meye sonla mɔɔ ɛnze nwolɛ bie la memaa kɛ bɛhu ye a!” Bɛbuale ye kɛ, “Na ɛhye fane yɛ nwo ɔ? Ɛdawɔ wɔ edwɛkɛ ɔ!”

Mɛla 27:25

“ ‘Munzule ɛha sonla mɔɔ kɛlie ndoloboa kɛhu awie mɔɔ ɛnze nwolɛ bie la.’ “Menli ne amuala baha kɛ, ‘Amen!’

1 Tem 3:11

Zɔhane ala yɛɛ bɛ ye mɔ noko ɔwɔ kɛ yɛ mraalɛ mɔɔ bɛ nye gyi bɛ ti anwo na bɛdi nɔhalɛ wɔ debie biala anu a.

2 Tem 3:3

bɛ ti bayɛ se, bɛnrɛze anwunvɔne, bɛbabɔ nzekue, bɛbali mgbonde, bɛbava ɛya mgbane mgbane na bɛahyi kpalɛ,

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:3

Zɔhane ala noko yɛɛ maa mraalɛ mgbanyinli ne mɔ ɛnwu ye na bɛbɔ ɛbɛla mɔɔ kile kɛ bɛze Nyamenle la a. Bɛmmayɛ ngunzi anzɛɛ bɛmmayɛ bɛ nwo akɛlɛ bɛmaa nza. Ɔwɔ kɛ bɛkilehile mɔɔ le kpalɛ la,

1 Pit 2:1

Zɔhane ati, bɛhwe bɛ nwo bɛvi ɛtane muala anwo; bɛmmabɔ adalɛ, bɛmmayɛ ngunzi, bɛmmatwe nungule, bɛmmayɛ aholoba.

1 Sam 24:10

Nea, ɛnɛ demua ye, wɔ bɔne ye anu, Ɛdɛnkɛma yele wɔ manle me. Me ɛlɔnema ne bie mɔ zele me kɛ mengu wɔ, noko menzele wɔ anwunvɔne. Menzele kɛ, ‘Menrɛhu wɔ, ɔluakɛ wɔmɔ yɛɛ Ɛdɛnkɛma ɛkpa nu ɛye wɔ kɛ ɛle belemgbunli a.’