Sɛlɛ 19:12 - BAEBOLO ANZƐƐ BULUKU NWUANZANWUANZA

¹² Eza bɛmmafa me duma bɛka adalɛ ndane bɛgua bɛ Nyamenle ne duma ne anwo evinli. Medame a mele Ɛdɛnkɛma a.

Sɛlɛ 19:12 ပူးပေါင်းရင်းမြစ်များ

Edwɛndolɛ Buluku ne 15:4

Ɔkyi menli mɔɔ Nyamenle ɛkpo bɛ la, na ɔdi bɛdabɛ mɔɔ bɛsulo Ɛdɛnkɛma la eni, ɔbɔ ɛwɔkɛ a ɔdi zolɛ yɛɛ ɔngakyi ɔ nloa.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 20:7

“Bɛmmabɔ medame Ɛdɛnkɛma bɛ Nyamenle ne duma mgbane mgbane, ɔluakɛ medame Ɛdɛnkɛma, menrɛmaa mɔɔ bɔ me duma mgbane mgbane la ɛnrɛva ɔ nwo dwɔɔ.

Ayezaya Buluku ne 48:1

O Gyekɔbo abo zo amra, bɛdie ɛhye, bɛfa Yizilayɛ duma bɛfɛlɛ bɛ, yɛɛ bɛle Dwuda mogya ne bie; bɛfa Ɛdɛnkɛma duma bɛka ndane, na bɛbɔ Yizilayɛ Nyamenle ne duma, noko bɛmbɔ ye nɔhalɛ nu nee fɔɔnwo zo.

Gyɛlɛmaya Buluku ne 34:16

Nzinlii bɛnyianle adwenle ngakyile na bɛguale me duma ne anwo evinli. Bɛ nuhua ko biala ziale ɔ nzi hyele ye ahanra mrenya nee mraalɛ wɔ mekɛ mɔɔ ɛnee bɛnyia bɛ ti kɛmɔ bɛkpondɛ la ɔ nee bɛ rale na bɛrayɛle ye ahanra bieko.

Gyɛlɛmaya Buluku ne 4:2

na bɛka ndane kɛ, ‘Meka Ɛdɛnkɛma’ nɔhalɛ nu, pɛlepɛle nu, nee tenlene nu a, ɛnee bɛhakye kɛ maanle maanle baze me kɛ menyila bɛ, na bɛbaye me ayɛlɛ.”

Gyɛlɛmaya Buluku ne 5:2

Bɛka ndane kɛ, “Meka Ɛdɛnkɛma” bɔbɔ ɛdeɛ, noko bɛka ndane ne adalɛ nu.

Gyɛlɛmaya Buluku ne 7:9

Bɛwua, bɛku menli, bɛto awuvolɛvalɛ mɛla ne, bɛdi amonle bɛbɔ adalɛ, bɛkpu ɛyɛlɛ bɛmaa bozonle Beeyale, bɛsonle nyamenle gyɛne gyɛne mɔɔ bɛnze bɛ la,

Sɛlɛ 18:21

Ɔnle kɛ bɛtu bɛ mra ne mɔ anu biala bɛsie ahane bɛmaa kɛ bɛyela ye bɛbɔ azu bɛmaa bozonle Molɛke. Bɛyɛ ɛhye a, ɛnee bɛbɔ bɛ Nyamenle ne anyiemgba. Medame a mele Ɛdɛnkɛma a.

Sɛlɛ 20:3

Medame mumua ne mebava me nye meawula sonla zɔhane anyunlu, na meaye ye meavi ɔdaye ye menli avinli. Mebayɛ ɛhye, ɔboalekɛ yeva ɔ ra yebɔ azu yemaa bozonle Molɛke, yegua me Ɛzonlenlɛ Ɛleka nwuanzanwuanza ne anwo evinli na yezɛkye me duma.

Sɛlɛ 6:3

anzɛɛ yenwu debie mɔɔ ɛminli la na ɔkeda zolɛ ɔbɔ adalɛ, ɔka nwolɛ ndane, wɔ debie biala mɔɔ menli yɛ nwolɛ ɛtane la anu,

Zɛkalaya Buluku ne 5:3

Nyamenle soanvolɛ ne zele me kɛ, “Munzule mɔɔ bahɔ ewiade amuala la wɔ nwoma ɛhye azo. Bɛhɛlɛ zolɛ kɛ awie biala mɔɔ kɛyɛ awule la, ɔwɔ kɛ bɛtu ye bɛfi azɛlɛ ne azo, yɛɛ awie biala mɔɔ kɛha ndane adalɛ la, ɔwɔ kɛ bɛtu ye bɛfi azɛlɛ ne azo.

Zɛkalaya Buluku ne 5:4

Tumivolɛ Ɛdɛnkɛma se ɔbazoa ye yeamaa yeawolo awule awuke biala nee bɛdabɛ mɔɔ bɛfa ye duma bɛka ndane adalɛ la biala awuke nu, na ɔbadɛnla ɛkɛ ne toonwo kɔkpula kɛ sua zɔhane kɛyɛ suadu, na nuhua mbaka nee awolɛ kɛgologolo kɛgua la.”

Malakae Buluku ne 3:5

Tumivolɛ Ɛdɛnkɛma se, “Mebahwe meabikye bɛ na meabua bɛ ndɛne. Mebadea ngonyiama, awuvolɛvalɛma nee bɛdabɛ mɔɔ bɛka ndane mgbane mgbane la ndɛndɛ zo. Mebadea bɛdabɛ mɔɔ bɛsisi gyimayɛvoma wɔ bɛ kakɛdualɛ nu, bɛdabɛ mɔɔ bɛsisi ahunlanvolɛ nee nrisa, bɛdabɛ mɔɔ bɛmbu nyɛvolɛ yɛɛ bɛdabɛ mɔɔ bɛnzulo me la.”

Mɛla 5:11

“ ‘Bɛmmabɔ Ɛdɛnkɛma bɛ Nyamenle ne duma mgbane mgbane, ɔluakɛ medame, Ɛdɛnkɛma, menrɛmaa mɔɔ bɔ me duma mgbane mgbane la ɛnrɛva ɔ nwo dwɔɔ.

Gyemise Kɛlata ne 5:12

Me mediema, mɔɔ hyia kpole kpalɛ la a le kɛ, bɛmmaka ndane hweledede; bɛmmaka anwuma anzɛɛ aze anzɛɛ debie gyɛne biala bɔbɔ. Bɛmaa bɛ “Ɛhɛe” ɛyɛ ɛhɛe, bɛ “Kyɛkyɛ” ɛyɛ kyɛkyɛ, amaa Nyamenle andea bɛ.