Sɛlɛ 18:5 - BAEBOLO ANZƐƐ BULUKU NWUANZANWUANZA

⁵ Yemɔti ɔwɔ kɛ bɛdi me mɛla nee me ngyehyɛlɛ ne mɔ azo Yemɔ yɛɛ saa bɛyɛ a, bɛkɛnyia ngoane a: Medame a mele Ɛdɛnkɛma a.

Sɛlɛ 18:5 ပူးပေါင်းရင်းမြစ်များ

Nihɛmaya Buluku ne 9:29

Ɛbɔle bɛ kɔkɔ kɛ bɛli wɔ ngilehilelɛ ne mɔ azo, na mgbanyizonle nu ala bɛkpole wɔ mɛla nee wɔ ngyehyɛlɛ ne mɔ; noko wɔ mɛla zo ɛlilɛ ne a le ngoane adenle ne a. Adubɛnwo nee anzosesebɛ nu, bɛkpole kɛ bɛnrɛli zolɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 6:2

Na Nyamenle zele Mosisi kɛ, “Medame a mele Ɛdɛnkɛma a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 6:29

ɔzele Mosisi kɛ, “Medame a mele Ɛdɛnkɛma a. Ka edwɛkɛ mɔɔ melɛka meahile wɔ la amuala kile Yigyibiti belemgbunli ne.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 6:6

Yemɔti ka kile Yizilayɛma kɛ, ‘Medame a mele Ɛdɛnkɛma ne a. Mebazokoɛ bɛ adesoa ne mɔɔ Yigyibitima ɛva ɛzoa bɛ la, mebaye bɛ meavi akɛlɛzonlenlɛ nu. Mebava tumi kpole mealie bɛ na meadua Yigyibitima kakɛ.

Ayezaya Buluku ne 55:3

“Bɛrɛla, bɛyɛ ɛnzonlɛ bɛdie me; bɛdie, amaa bɛanyia ngoane, na me nee bɛ bakyekye ngyekyeleɛ mɔɔ ɛntulu ɛlɛ, na bɛanyia me ɛhulolɛ kpundii ne mɔɔ menvale mengulole Belemgbunli Devidi la.

Yizikeɛle Buluku ne 18:9

ɔdi me mɛla zo na ɔnea ɔdi me ngyehyɛlɛ ne mɔ kɔsɔɔti azo a, sonla zɛhae, ɔle tenlenenli, ɔbadɛnla ngoane nu, medame Awulae Nyamenle a mese a.

Yizikeɛle Buluku ne 20:11

Menvale me mɛla ne memanle bɛ na mengilehilele bɛ me ngyehyɛlɛ ne mɔ mɔɔ sonla di zolɛ a ɔnyia ngoane la.

Yizikeɛle Buluku ne 20:13

Noko Yizilayɛma dele me nwo atua wɔ fienemgbole ne anu. Bɛanli me mɛla ne mɔ azo, bɛkpole me ngyehyɛlɛ ne mɔ mɔɔ bɛdi zolɛ a bɛkɛnyia ngoane la, yɛɛ bɛambu me Ɛnwomenlelielɛ Kenle ne mɔ bie. Menyɛle me adwenle kɛ mewola me ɛya ne meagua bɛ nwo zo wɔ fienemgbole ne anu, na meabɔ bɛ bo zo bɔkɔɔ.

Yizikeɛle Buluku ne 20:21

“Noko bɛ awolɛndoazo zɔhane dele me nwo atua. Bɛanli me mɛla ne mɔ azo, yɛɛ bɛanli me ngyehyɛlɛ ne mɔ mɔɔ bɛdi zolɛ a bɛkɛnyia ngoane la azo. Eza bɛambu me Ɛnwomenlelielɛ Kenle ne mɔ bie. Menyɛle me adwenle kɛ mewola me ɛya ne meagua bɛ nwo zo, na meazɛkye bɛ wɔ fienemgbole ne anu.

Sɛlɛ 18:6

“Ɔnle kɛ bɛ nuhua biala nee ɔ nwo amra ne bie yɛ raalɛ nee nrenya. Medame a mele Ɛdɛnkɛma a.

Malakae Buluku ne 3:6

Ɛdɛnkɛma se, “Medame Ɛdɛnkɛma, mengakyi ɛlɛ. Yemɔti bɛmɛ Gyekɔbo abo zo amra, bɛ bo zo ɛtɛbɔle bɔkɔɔ.

Edwɛkpa ne kɛmɔ Mateyu hɛlɛle la 19:17

Gyisɛse buale ye kɛ, “Duzu ati a ɛlɛbiza me edwɛkɛ mɔɔ fane debie kpalɛ nwo la ɛ? Sonla kokye ala a le kpalɛ a. Saa ɛkpondɛ ngoane a ɛnee di mɛla ne mɔ azo.”

Edwɛkpa ne kɛmɔ Luku hɛlɛle la 10:28

Gyisɛse zele ye kɛ, “Wɔbua ye boɛ; yɛ ye zɔhane ala na ɛkɛnyia ngoane mɔɔ ɛnlɛ awieleɛ.”

Wulo 10:5

Wɔ mɛla ne azolilɛ nu, Mosisi hanle kɛ sonla mɔɔ kɛyɛ mɔɔ mɛla ne kpondɛ la balua zolɛ anyia ngoane.

Wulo 7:10

na menwule. Na mɛla ko ne ala mɔɔ anrɛɛ ɔwɔ kɛ bɛlɛ me ngoane la, rayɛle ewule manle me.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:12

Noko mɛla ne azo ɛlilɛ nee Nyamenle mɔɔ ɛdie ye wɔali la ɛnle ko. Ɔluakɛ, Nyamenle Edwɛkɛ ne se, “Awie mɔɔ di mɛla ne amuala azo la a banyia ngoane a.”

Mɛla 30:20

Bɛhulo Ɛdɛnkɛma bɛ Nyamenle ne, bɛdie ɔ ne na bɛdudu bɛhisa ye, ɔluakɛ saa bɛyɛ ye zɔhane a ɔle ngoane ɔmaa bɛ, yɛɛ bɛbanyi bɛahyɛ, wɔ azɛlɛ ne mɔɔ Ɛdɛnkɛma vale bɔle bɛ ze mɔ, Ebileham, Ayezeke, nee Gyekɔbo ɛwɔkɛ kɛ ɔbava yeamaa bɛ la azo.”

Mɛla 30:6

Ɛdɛnkɛma bɛ Nyamenle ne bade bɛ ahonle nu, na yeade bɛ bo zo amra ahonle nu, amaa bɛava bɛ ahonle nee bɛ ɛkɛla muala bɛahulo Ɛdɛnkɛma bɛ Nyamenle ne, na bɛanyia ngoane.

Mɛla 4:1

Na Mosisi zele menli ne kɛ, “Yizilayɛma, kɛkala, akee bɛdie mɛla nee ngyehyɛlɛ mɔɔ melɛkilehile bɛ la na bɛli zolɛ, amaa bɛanyi bɛahyɛ na bɛahɔva azɛlɛ ne mɔɔ Ɛdɛnkɛma, bɛ ze mɔ Nyamenle ne ɛlɛfa amaa bɛ la.