Sɛlɛ 18:30 - BAEBOLO ANZƐƐ BULUKU NWUANZANWUANZA

³⁰ Yemɔti bɛli me edwɛkɛ zo, na bɛmmayɛ nyɛleɛ ɛtane ne mɔ bie, na bɛbu munzule amaamuo ne mɔɔ menli mɔɔ lumuale azɛlɛ ne azo la bule la bie. Bɛmmayɛ ye zɔhane bɛgua bɛ nwo evinli. Medame a mele Ɛdɛnkɛma bɛ Nyamenle ne a.”

Sɛlɛ 18:30 ပူးပေါင်းရင်းမြစ်များ

1 Arl 14:24

yɛɛ eza mrenya wɔ ɛleka zɛhae mɔ mɔɔ bɛbɔ tuutuu ɛbɛla a. Dwudama zukoale yɛle anyiemgba nyɛleɛ ne mɔɔ menli mɔɔ Ɛdɛnkɛma voanle bɛ vile azɛlɛ ne azo la yɛle la bie.

1 Arl 21:26

Ehabe bɔle munzule; ɔdoale awozonle bo zo, kɛmɔ Amɔnoma yɛle mɔɔ yemɔti Ɛdɛnkɛma ammaa bɛannyia ɛleka bɛangyinla wɔ Yizilayɛma anyunlu la.)

Ɛzela Buluku ne 9:1

Yɛyɛle ninyɛne ɛhye mɔ yɛwiele la, Yizilayɛ mgbanyima ne bie mɔ rale me nwo ɛkɛ ne razele me kɛ Yizilayɛma, sɛlɛvolɛma, nee Livaema bie mɔ ɛtɛtwenle bɛ nwo ɛtɛfile menli mɔɔ wɔ azɛlɛ ne azo la munzule ɛbɛla ne mɔ anwo. Menli ɛhye mɔ a le Keenama, Hɛtema, Pɛlɛzema, Gyibɛsema, Amɔnoma, Mowabema, Yigyibitima, yɛɛ Amɔlema.

Sɛlɛ 18:29

Ɔluakɛ awie biala mɔɔ kɛbɔ munzule ɛbɛla ɛhye mɔ bie la, bɛkɛye ye bɛkɛvi Nyamenle menli ne avinli.

Sɛlɛ 19:1

Ɛdɛnkɛma zele Mosisi kɛ,

Sɛlɛ 20:23

Eza bɛmmadi menli mɔɔ bɛmɛ bɛ ti melɛtu bɛ la maamɛla ne mɔ azo; ɔluakɛ bɛyɛle ɛhye mɔ amuala, yemɔti a mengyile bɛ a.

Sɛlɛ 22:9

“Yemɔti bɛli me mɛla zo na anrɛɛ bɛkɛli ɛzonle na bɛkɛwu kɛ bɛvonle me mɛla ne a; medame a mele Ɛdɛnkɛma mɔɔ maa bɛ nwo te a.

Mɛla 11:1

“Zɔhane ati bɛhulo Ɛdɛnkɛma bɛ Nyamenle ne na bɛli ye mɛla nee ye ngyehyɛlɛ ne mɔ azo dahuu.

Mɛla 12:30

Saa Ɛdɛnkɛma sɛkye maanle zɔhane mɔ wie a, bɛnlea boɛ na debie andwe bɛ ammaa bɛanva menli zɔhane agyakɛ. Bɛmmabiza bɛ awozonle ne mɔ bɔbɔ abo zo na bɛanwu kɛ bɛzile bɛzonlenle bɛ la, na bɛdabɛ bɛayɛ bie.

Mɛla 12:31

Bɛmmasonle Ɛdɛnkɛma bɛ Nyamenle ne, kɛmɔ menli zɔhane mɔ si sonle bɛ awozonle ne mɔ la. Ɔluakɛ ninyɛne mɔɔ Ɛdɛnkɛma kyi la angome a bɛyɛ bɛmaa bɛ awozonle ne mɔ a. Bɛyela bɛ mra mrenya nee mraalɛ bɔbɔ bɛmaa bɛ awozonle ne mɔ.

Maanlebuvolɛma Buluku ne 20:6

Na menvale funli ne mempepɛle nu bulu nee nwiɔ, na mengyɛle memanle Yizilayɛ mbusua ekpunli ekpunli bulu nee nwiɔ ne. Ɔluakɛ bɛyɛ mɔɔ bɛnyɛ la, na bɛbɔ munzule wɔ Yizilayɛ maanle ye anu.