Sɛlɛ 18:3 - BAEBOLO ANZƐƐ BULUKU NWUANZANWUANZA

³ Ɔnle kɛ bɛyɛ nyɛleɛ ne mɔɔ Yigyibitima mɔɔ ɛnee bɛde bɛ avinli la yɛ la bie. Eza ɔnle kɛ bɛyɛ nyɛleɛ mɔɔ Keenama mɔɔ melɛfa bɛ meara bɛ avinli la yɛ la bie. Ɔnle kɛ bɛdi menli zɔhane amaamuo zo.

Sɛlɛ 18:3 ပူးပေါင်းရင်းမြစ်များ

2 Arl 17:8

bɛzukoale bɛyɛle ninyɛne mɔɔ menli mɔɔ Ɛdɛnkɛma dule bɛ azɛlɛ ne azo la yɛ la bie. Ɛdɛnkɛma dule menli mɔɔ wɔ azɛlɛ ne azo la wɔ mekɛ mɔɔ Yizilayɛma ba la. Eza bɛlile amaamuo mɔɔ bɛ arelemgbunli ne mɔ hyehyɛle manle bɛ la angome azo.

Edwɛndolɛ Buluku ne 106:35

na bɛ nee bɛ bɔle nu dɛnlanle, na bɛzukoale bɛyɛle mɔɔ maanle ne anu amra yɛ la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:24

bɛmmabɔ bɛ ti aze bɛmaa bɛ nyamenle ne mɔ yɛɛ bɛmmasonle bɛ, anzɛɛ bɛmmayɛ bɛ ɛzonlenlɛ ne mɔ bie. Bɛzɛkye bɛ na bɛbubu bɛ ɛzonlenlɛ mpila ne mɔ dwɔkɔdwɔkɔ.

Yizikeɛle Buluku ne 23:8

Yeangyakyi ye tuutuulilɛ ne mɔɔ ɔlile wɔ Yigyibiti la anzi ɛlilɛ, ɔluakɛ ɔvi ye mbɛlɛra nu, mrenya nee ye lale na bɛsosɔle ɔ nyɛfo, na bɛyɛle ye kɛmɔ bɛkɛyɛ tuutuunli ala la.

Sɛlɛ 20:23

Eza bɛmmadi menli mɔɔ bɛmɛ bɛ ti melɛtu bɛ la maamɛla ne mɔ azo; ɔluakɛ bɛyɛle ɛhye mɔ amuala, yemɔti a mengyile bɛ a.

Wulo 12:2

Bɛmmamaa ewiade amaamuo di bɛ adwenle. Bɛmaa Nyamenle ɛhakyi bɛ adwenle bɔkɔɔ, na bɛahola bɛanwu Nyamenle ɛhulolɛdeɛ kpalɛ ne mɔɔ le kpalɛ, ɔsɔ ɛnyelɛ, na ɔdi munli la.

Mɛla 12:4

“Bɛmmasonle Ɛdɛnkɛma bɛ Nyamenle ne, kɛmɔ menli ɛhye mɔ sonle bɛ awozonle ne mɔ la.

Mɛla 29:17

Bɛnwu bɛ nyɛleɛ ɛtane ɛtane ne mɔ mɔɔ yɛ ayahanlɛ la, bɛ awolɛ nee mbaka awozonle ne mɔ, nee bɛ dwɛtɛ fufule nee ezukoa nvutuke awozonle ne mɔ.

Mɛla 9:4

“Saa Ɛdɛnkɛma bɛ Nyamenle ne maa bɛgua ndwɛlɛ aze wɔ bɛ nyunlu a, bɛmmaka kɛ asɛɛ bɛ kpalɛ mɔɔ bɛle la ati yɛɛ yeva bɛ yera kɛ bɛrava azɛlɛ ne bɛdɛnla zolɛ a. Menli mɔɔ de azɛlɛ ne azo la amumuyɛ mɔɔ le la ati yɛɛ Ɛdɛnkɛma ɛlɛtu bɛ yeava azɛlɛ ne yeamaa bɛmɛ a.