Sɛlɛ 18:2 - BAEBOLO ANZƐƐ BULUKU NWUANZANWUANZA

² “Ka kile Yizilayɛma kɛ: Mame a mele Ɛdɛnkɛma bɛ Nyamenle ne a.

Sɛlɛ 18:2 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 17:7

“Me nee wɔ nee ɛ bo zo amra bayɛ ngyekyeleɛ mɔɔ baha awolɛndoazo ne mɔ amuala la, na yeayɛ ngyekyeleɛ mɔɔ bɛntulu ye ɛlɛ a. Mebayɛ wɔ Nyamenle na meayɛ ɛ bo zo amra noko Nyamenle.

Edwɛndolɛ Buluku ne 33:12

Nyilalɛ ɛha maanle ne mɔɔ Ɛdɛnkɛma le ye Nyamenle la, nyilalɛ ɛha menli ne mɔɔ yeye bɛ yeyɛ bɛ ye menli la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 20:2

“Mame a mele Ɛdɛnkɛma bɛ Nyamenle ne, mɔɔ yele bɛ vile Yigyibiti azɛlɛ zo, vile akɛlɛzonlenlɛ nu la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 6:7

Mebava bɛmɛ Yizilayɛma meayɛ me menli, na meayɛ bɛ Nyamenle, na bɛanwu kɛ medame a mele Ɛdɛnkɛma bɛ Nyamenle ne mɔɔ ɛye bɛ ɛvi Yigyibitima adesoa ne mɔ abo la.

Yizikeɛle Buluku ne 20:5

Ka kile bɛ kɛ, medame Awulae Nyamenle mese: Kenle mɔɔ memkpale nu menyele Yizilayɛma la, menganle ndane mengilele Gyekɔbo abo zo amra ne, na mengilele bɛ kɛ mesi mede la wɔ Yigyibiti azɛlɛ zo. Menganle ndane na menganle kɛ mame a mele Ɛdɛnkɛma bɛ Nyamenle ne a.

Yizikeɛle Buluku ne 20:7

Na menganle mengilele bɛ kɛ, bɛvuandi ninyɛne ɛtane ɛtane ne mɔ mɔɔ mekyi na bɛva bɛ nye bɛzie nwolɛ la bɛgua, bɛmmasonle Yigyibiti awozonle ne mɔ bie bɛgua bɛ nwo evinli, ɔboalekɛ medame a mele Ɛdɛnkɛma bɛ Nyamenle ne a.

Sɛlɛ 11:44

Ɔluakɛ medame a mele Ɛdɛnkɛma bɛ Nyamenle ne a. Bɛmaa bɛ nwo ɛde nwuanzaanwu, ɔluakɛ mele nwuanzanwuanza. Ɔnle kɛ bɛfa debie biala mɔɔ kola fo anwuma na eza ɔtwenle ɔ nwo aze wɔ azɛlɛ ye azo la bɛgua bɛ nwo evinli.

Sɛlɛ 18:1

Ɛdɛnkɛma zele Mosisi kɛ,

Sɛlɛ 18:30

Yemɔti bɛli me edwɛkɛ zo, na bɛmmayɛ nyɛleɛ ɛtane ne mɔ bie, na bɛbu munzule amaamuo ne mɔɔ menli mɔɔ lumuale azɛlɛ ne azo la bule la bie. Bɛmmayɛ ye zɔhane bɛgua bɛ nwo evinli. Medame a mele Ɛdɛnkɛma bɛ Nyamenle ne a.”

Sɛlɛ 18:4

Ɔwɔ kɛ bɛdi me mɛla ne mɔ azo, na bɛsie me ngyehyɛlɛ ne mɔ, bɛdi zolɛ. Medame a mele Ɛdɛnkɛma bɛ Nyamenle ne a.

Sɛlɛ 19:10

Bɛtete bɛ vanye ma a, bɛmmatete dedee bɛmaa ɔka mbaka mgbane ne ala, yɛɛ mɔɔ kɛtete kɛgua la, bɛmmasesa. Ɔwɔ kɛ bɛgyakyi bie zolɛ bɛmaa ehyianvolɛma nee nyɛvolɛ. Medame a mele Ɛdɛnkɛma bɛ Nyamenle ne a.

Sɛlɛ 19:34

Ɛyɛvolɛ mɔɔ bɛ nee ye a lua la bɛyɛ ye kɛmɔ bɛkɛyɛ bɛdabɛ bɛ nuhua bie ala la. Eza bɛhulo ye kɛ bɛdabɛ bɛ nwo la. Ɔluakɛ ɛnee bɛdabɛ bɛle nyɛvolɛ wɔ Yigyibiti azɛlɛ zo; medame a mele Ɛdɛnkɛma bɛ Nyamenle ne a.

Sɛlɛ 20:23

Eza bɛmmadi menli mɔɔ bɛmɛ bɛ ti melɛtu bɛ la maamɛla ne mɔ azo; ɔluakɛ bɛyɛle ɛhye mɔ amuala, yemɔti a mengyile bɛ a.

Sɛlɛ 20:7

Zɔhane ati bɛmaa bɛ nwo ɛde saanwu, ɔluakɛ medame a mele Ɛdɛnkɛma bɛ Nyamenle ne a.