Sɛlɛ 18:16 - BAEBOLO ANZƐƐ BULUKU NWUANZANWUANZA

¹⁶ Ɔnle kɛ ɛfa ɛ diema nrenya aye, ɛbɔ ɛ diema nrenya ne anyiemgba.

Sɛlɛ 18:16 ပူးပေါင်းရင်းမြစ်များ

Sɛlɛ 20:21

Saa awie fa ɔ diema nrenya aye a, ɔle evinli yɛɛ eza yegua ɔ diema nrenya ne anyunlu aze; bɛnrɛwo ɛlɛ na bɛawu.

Edwɛkpa ne kɛmɔ Mateyu hɛlɛle la 22:24

Bɛrabizale Gyisɛse kɛ, “Kilehilevolɛ, Mosisi kile kɛ, ‘Saa nrenya wu na ɔgyakyi ɔ ye mɔɔ ɔ nee ye anwo la a, ɔwɔ kɛ ɔ diema nrenya gya kunlanvolɛ ne na ɔwo mralɛ ɔmaa ɔ diema ne mɔɔ ɛwu la.’

Edwɛkpa ne kɛmɔ Maake hɛlɛle la 12:19

Bɛbizale Gyisɛse kɛ, “Kilehilevolɛ, Mosisi hɛlɛle mɛla ɛhye manle yɛ, ɔse, ‘Saa nrenya wu na ɔgyakyi ɔ ye mɔɔ ɔ nee ye anwo la a, ɔwɔ kɛ ɔ diema gya kunlanvolɛ raalɛ ne na ɔ nee ye wo mralɛ maa ɔ diema ne mɔɔ ɛwu la.’

Edwɛkpa ne kɛmɔ Maake hɛlɛle la 6:17

Hɛlɔdo manle bɛhyele Dwɔn bɛguale ye nwɔnzɔnwɔnzɔ na bɛdole ye efiade wɔ ɔ diema Felepe aye Hɛlɔdease mɔɔ ɔdaye Hɛlɔdo ɔgyale ye la ati,

Edwɛkpa ne kɛmɔ Luku hɛlɛle la 3:19

Na Dwɔn hwile Hɛlɔdo mɔɔ le Galeli maanzinli zo neavolɛ la anyunlu, ɔluakɛ ɛnee Hɛlɔdo ɛgya ɔ diema aye. Raalɛ ne bɛfɛlɛ ye Hɛlɔdease; eza ɛnee Hɛlɔdo ɛyɛ ninyɛndane dɔɔnwo.

Mɛla 25:5

“Saa mediema mrenya wɔ ɛleka ko na bɛ nuhua ko anwo ralɛ nrenya na ɔwu a, ɔnle kɛ bɛbɔ raalɛ ne ewole bɛmaa awie gyɛne gya ye. Ɔwɔ kɛ mediema mrenya ne mɔ ko fa kunlanvolɛ raalɛ ne yɛ ɔ ye.