Sɛlɛ 17:4 - BAEBOLO ANZƐƐ BULUKU NWUANZANWUANZA

⁴ na yeanva yeamba Ɛdɛnkɛma Ndanlɛ Sua ne anuhɔlɛ ne, yeambɔ azu yeammaa Ɛdɛnkɛma wɔ Ɛdɛnkɛma Ɛzonlenlɛ Sua ne anyunlu a, ɛnee yedo mɛla kɛ yeha mogya yegua. Sonla zɔhane, ɔwɔ kɛ bɛye ye bɛfi Nyamenle menli ne avinli.

Sɛlɛ 17:4 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 17:14

Nrenya biala mɔɔ anyɛ ye mrenyanu nzonlɛ la ɛtulu me ngyekyeleɛ ne; ɔwɔ kɛ bɛye ye bɛfi me menli ne avinli.”

Edwɛndolɛ Buluku ne 32:2

Nyilalɛ ɛha sonla ne mɔɔ Ɛdɛnkɛma ɛmbu ye ɛtane nwo mgbonda la na ɔmbɛlɛbɛla awie mɔ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 12:15

Ɛdɛnkɛma zele kɛ, “Bɛbali kpanwo mɔɔ mgbɔvonle ɛnle nu la kenle nsuu. Kenle ne mɔɔ lumua la, bɛye mgbɔvonle biala bɛvi bɛ azua nu, ɔluakɛ ɔvi kenle ne mɔɔ lumua la toonwo mɔɔ kɔdwu kenle nsuu ne la, saa awie biala di debie mɔɔ mgbɔvonle wɔ nu la a, bɛbaye ye bɛavi Yizilayɛma anu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 12:19

Kenle nsuu ne anu, bɛmmafa mgbɔvonle bɛsie bɛ azua nu, ɔluakɛ awie biala mɔɔ kɛli debie mɔɔ mgbɔvonle wɔ nu la, saa ɔle ɛyɛvolɛ o, anzɛɛ ekulomeni o, bɛbaye ye bɛavi Yizilayɛma avinli. Bɛmmadi debie biala mɔɔ bɛwula ye mgbɔvonle la. Ɛleka biala mɔɔ bɛwɔ la, bɛli kpanwo mɔɔ mgbɔvonle ɛnle nu la.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 30:33

Awie biala mɔɔ kɛyɛ ye ko ne ala bie, anzɛɛ awie biala mɔɔ kɛva bie kɛkpokpa awie gyɛne biala la, bɛye ye bɛvi ye menli ne avinli.’ ”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 30:38

Awie biala mɔɔ kɛyɛ ye ko ne ala bie kɛyɛ ɔ nwo la, bɛye ye bɛvi ye menli ne avinli.”

Ayezaya Buluku ne 66:3

“Sonla ne mɔɔ ku ɛnlankɛ la le kɛ sonla ne mɔɔ ku sonla la; mɔɔ fa boane bɔ azu la le kɛ mɔɔ bu twea kɔme ku ye la; mɔɔ fa abɛlɛ ma yɛ azubɔdeɛ la le kɛ sonla mɔɔ fa kpolike mogya yɛ azubɔdeɛ la; mɔɔ fa ɛyɛlɛ evuanlɛ yɛ ngakyelɛ azubɔdeɛ la le kɛ sonla mɔɔ sɔ amonle la. Ɛhye mɔ ɛva bɛ ndenle ɛdeɛ zo, yɛɛ bɛ nye die bɛ bɛkyi ninyɛne ne mɔ anwo.

Yizikeɛle Buluku ne 20:40

Ɔluakɛ medame Awulae Nyamenle ne, mese, wɔ me boka nwuanzanwuanza ne azo, wɔ Yizilayɛ azɛlɛ zo awoka ne mɔ anu, ɛkɛ ne yɛɛ Yizilayɛma kɔsɔɔti bazonle me a. Ɛkɛ ne yɛɛ mebalie bɛ meado nu a, yɛɛ ɛkɛ ne a mebalie bɛ ahyɛlɛ ninyɛne kpalɛ ne nee bɛ azubɔlɛ ninyɛne nwuanzanwuanza ne mɔ a.

Sɛlɛ 1:3

Saa ɔfa ɛnlankɛ yeabɔ ɛyelalɛ azu a, ɔwɔ kɛ ɔfa nyinli mɔɔ anwo ɛnlɛ dɛne la. Ɔwɔ kɛ ɔfa ɔbagyinla Ɛdɛnkɛma Ndanlɛ Sua ne anuhɔlɛ ne, amaa Ɛdɛnkɛma alie ɔdaye mumua ne ado nu.

Sɛlɛ 17:10

“Saa Yizilayɛnli biala, anzɛɛ ɛyɛvolɛ biala mɔɔ wɔ bɛ avinli la di mogya a, mebahyi sonla zɔhane mɔɔ di mogya la, na meaye ye meavi ɔdaye ye menli avinli.

Sɛlɛ 17:14

Ɔluakɛ abɔdeɛ biala ngoane wɔ ye mogya ne anu. Yemɔti meka meahile Yizilayɛma kɛ, ‘Awie biala mmadi abɔdeɛ biala mogya. Ɔluakɛ nane biala ngoane a le ye mogya ne. Mɔɔ kɛli bie la bɛbaye ye bɛavi menli ne avinli.’

Sɛlɛ 17:3

Saa Yizilayɛnli biala ku ɛnlankɛ, boane anzɛɛ abɔnkye wɔ azokoɛleɛ ɛkɛ ne, anzɛɛ azokoɛleɛ ne kandiba lɔ,

Sɛlɛ 17:5

Ɛhye kile kɛ ɔwɔ kɛ Yizilayɛma fa bɛ azubɔlɛ nane ne mɔ mɔɔ bɛku bɛ wɔ ɛleka gyɛne gyɛne la bɛlɛ Ɛdɛnkɛma. Ɔwɔ kɛ bɛfa bɛmaa sɛlɛvolɛ ne wɔ Ɛdɛnkɛma Ndanlɛ Sua ne anuhɔlɛ ne na bɛku bɛ kɛ anzonudwolɛ azubɔdeɛ bɛmaa Ɛdɛnkɛma.

Sɛlɛ 17:9

na yeanva yeamba Ɛdɛnkɛma Ndanlɛ Sua ne anuhɔlɛ ne, yeambambɔ azu ne yeammaa Ɛdɛnkɛma la, sonla zɔhane, bɛbaye ye bɛavi Nyamenle menli ne avinli.

Sɛlɛ 18:29

Ɔluakɛ awie biala mɔɔ kɛbɔ munzule ɛbɛla ɛhye mɔ bie la, bɛkɛye ye bɛkɛvi Nyamenle menli ne avinli.

Sɛlɛ 20:16

Saa raalɛ twe bikye nane bie na ɔmaa ɔfa ye a, bɛhu raalɛ ne nee nane ne; bɛ mogya ne gua bɛ ti zo.

Sɛlɛ 20:18

Saa nrenya nee raalɛ mɔɔ wɔ ɛwazɛne nu la da, ɔfa ye a, ɔwɔ kɛ bɛtu bɛdabɛ bɛ mu nwiɔ bɛfi menli ne avinli, ɔboalekɛ bɛgua bɛ nwo evinli.

Sɛlɛ 20:3

Medame mumua ne mebava me nye meawula sonla zɔhane anyunlu, na meaye ye meavi ɔdaye ye menli avinli. Mebayɛ ɛhye, ɔboalekɛ yeva ɔ ra yebɔ azu yemaa bozonle Molɛke, yegua me Ɛzonlenlɛ Ɛleka nwuanzanwuanza ne anwo evinli na yezɛkye me duma.

Sɛlɛ 3:2

Ɔwɔ kɛ ɔfa ɔ sa ɔto nane ne ati zo, na ɔku ye wɔ Ɛdɛnkɛma Ndanlɛ Sua ne anyunlu. Aalɔn amra sɛlɛvolɛma ne bado ye mogya ne agua azukponle ne anwo amuala ayia.

Sɛlɛ 7:18

Saa azubɔlɛ aleɛ ne bie ka, ɔdi kenle nsa na bɛdi a, ɔnle kɛ bɛdie ahenle mɔɔ nee azubɔdeɛ ne rale la bɛto nu, yɛɛ ɔnle kɛ bɛfa ye kɛ ɔvale debie bɔbɔ ɔrale. Ɔle munzule debie, yɛɛ mɔɔ kɛli bie la, ɛtane ne zo ɔdaye.

Dw 10:7

Yemɔti Gyisɛse hanle ye bieko kɛ, “Meka nɔhalɛ ne meahile bɛ: Mame a mele anlenkɛ ne mɔɔ bɛfa nu bɛkɔ mboane tunli ne anu la.

Dw 10:9

Mame a mele anlenkɛ ne; mɔɔ kɛlua me nwo zo kɛhɔ nu la kɛnyia ngoane mɔɔ ɛnlɛ awieleɛ. Ɔbawolo nu na yeavinde yeahɔkpondɛ aleɛ.

Dw 14:6

Gyisɛse buale ye kɛ, “Mame a mele adenle ne, nɔhalɛ ne, nee ngoane ne a; awie biala ɛnrɛhola Selɛ ne ɛkɛ ne kɔ kyesɛ ɔdua me nwo zo.”

Wulo 4:6

Zɔhane ala yɛɛ Belemgbunli Devidi ka ye wɔ sonla ne mɔɔ saa ɛye ye gyimayɛlɛ ɛsie ahane a ɛnee Nyamenle die ye to nu kɛ ɔle tenlenenli la anwo a. Ɔse:

Wulo 5:13

Ɛtane rale ewiade kolaa na bɛava mɛla ne bɛamaa, yɛɛ mɔɔ ɛnee mɛla ɛnle ɛkɛ la, bɛmbu ɛtane nwo mgbonda bɛntia awie biala.

Wulo 5:20

Bɛvale mɛla ne bɛrale ala la yɛɛ mɛladonlɛ liele ebia a; noko ɛleka mɔɔ ɛtaneyɛlɛ ne zonle la, Nyamenle ɛlolɛ ne yɛle dɔɔnwo bole zolɛ.

Mɛla 21:8

O Ɛdɛnkɛma, fa wɔ menli Yizilayɛma mɔɔ wɔlie bɛ la ɛtane kyɛ bɛ, na mmafa sonla ne mogya ne mɔɔ bɛha bɛgua la anwo ɛzonle ɛsoa bɛ. Fa ɛhunlɛ ne anwo fɔlɛlilɛ biala kyɛ bɛ.’