Sɛlɛ 17:14 - BAEBOLO ANZƐƐ BULUKU NWUANZANWUANZA

¹⁴ Ɔluakɛ abɔdeɛ biala ngoane wɔ ye mogya ne anu. Yemɔti meka meahile Yizilayɛma kɛ, ‘Awie biala mmadi abɔdeɛ biala mogya. Ɔluakɛ nane biala ngoane a le ye mogya ne. Mɔɔ kɛli bie la bɛbaye ye bɛavi menli ne avinli.’

Sɛlɛ 17:14 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 9:4

Debie ko ala a metua bɛ kɛ bɛmmadi a, yemɔ a le nane mɔɔ mogya ne tɛbɔ nu la, ɔboalekɛ mogya ne anu a ye ngoane wɔ a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 30:33

Awie biala mɔɔ kɛyɛ ye ko ne ala bie, anzɛɛ awie biala mɔɔ kɛva bie kɛkpokpa awie gyɛne biala la, bɛye ye bɛvi ye menli ne avinli.’ ”

Sɛlɛ 3:17

Ɔwɔ kɛ ɛhye yɛ mɛla mɔɔ wɔ ɛkɛ ne dahuu wɔ bɛ awolɛndoazo kɔsɔɔti anu, wɔ ɛleka biala mɔɔ bɛde la; ɔnle kɛ bɛdi nane ɛnlome anzɛɛ mogya.”

Ɛzoanvolɛma Gyima ne 15:20

Bɛmaa yɛhɛlɛ kɛlata yehɔmaa bɛ kɛ bɛhwe bɛ nwo bɛvi ninyɛne mɔɔ anwo ɛnde, mɔɔ le kɛ aleɛ mɔɔ bɛva bɛkpa munzule anzɛɛ bɛva bɛzɔ amonle la anwo, nee ninyɛne mɔɔ le kɛ adwɔmane ɛbɔlɛ nee nane mɔɔ bɛlofo ye bɛhu ye na bɛampɛ ɔ kɔme la ɛlilɛ nee mogya nwo.

Mɛla 12:23

Noko akee bɛnlea boɛ na bɛanli mogya ne. Ɔluakɛ mogya ne a le ngoane ne, yɛɛ ɔnle kɛ bɛfa ngoane ne bɛboka nane ne bɛdi.