Sɛlɛ 17:11 - BAEBOLO ANZƐƐ BULUKU NWUANZANWUANZA

¹¹ Ɔluakɛ nwonane ne ngoane wɔ mogya ne anu, yɛɛ meva memaa kɛ bɛva bɛbɔ azu wɔ azukponle ne azo bɛyɛ mgbɔdalɛ nzɛlɛlɛ bɛmaa bɛ, ɔluakɛ mogya ne a maa mgbɔdalɛ ne di munli a, ɔboalekɛ ngoane wɔ nu.

Sɛlɛ 17:11 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 9:4

Debie ko ala a metua bɛ kɛ bɛmmadi a, yemɔ a le nane mɔɔ mogya ne tɛbɔ nu la, ɔboalekɛ mogya ne anu a ye ngoane wɔ a.

Sɛlɛ 1:5

Akee ahenle ne ɛhu ɛnlankɛ ne wɔ Ɛdɛnkɛma anyunlu ɛkɛ na Aalɔn amra sɛlɛvolɛma ne ɛva mogya ne ɛmaa Ɛdɛnkɛma, na bɛdo bɛgua azukponle ne mɔɔ gyi Ɛdɛnkɛma Ndanlɛ Sua ne anlenkɛ ne anloa la anwo amuala.

Sɛlɛ 16:11

“Saa Aalɔn fa ɛnlankɛ nyinli ɛtane azubɔdeɛ ne bɔ azu maa ɔ nwo, na ɔyɛ mgbɔdalɛ nzɛlɛlɛ ɔmaa ɔ nwo nee ye sua nu amra ɔwie a, ɔbahu ɛnlankɛ nyinli ne yeabɔ ɛtane azu yeamaa ɔ nwo.

Sɛlɛ 17:12

Yemɔti meha mehile Yizilayɛma kɛ, ‘Bɛ nuhua biala mmadi mogya, yɛɛ ɔnle kɛ ɛyɛvolɛ mɔɔ wɔ bɛ avinli la di mogya.’

Sɛlɛ 17:14

Ɔluakɛ abɔdeɛ biala ngoane wɔ ye mogya ne anu. Yemɔti meka meahile Yizilayɛma kɛ, ‘Awie biala mmadi abɔdeɛ biala mogya. Ɔluakɛ nane biala ngoane a le ye mogya ne. Mɔɔ kɛli bie la bɛbaye ye bɛavi menli ne avinli.’

Sɛlɛ 4:25

Akee sɛlɛvolɛ ne ɛva ɔ sa ɛrɛlɛsɛka ɛva ɛtane azubɔdeɛ ne mogya ne bie na ɔva ɔpepe ɛyelalɛ azukponle ne abati kpokpɔkoo ne mɔ azo, na ɔwola mogya ne mɔɔ kɛha la ɔgua ɛyelalɛ azukponle ne abo ne anwo.

Sɛlɛ 4:26

Ɔbayela nane ne anu ɛnlome ne amuala wɔ azukponle ne azo, kɛmɔ bɛfa anzonudwolɛ azubɔdeɛ bɛabɔ azu a bɛyɛ ye la Yemɔti sɛlɛvolɛ ne bayɛ nzɛlɛlɛ ali ye ɛtane ne anwo mgbɔdalɛ amaa ye, na bɛkɛva ye ɛtane ne bɛkɛhyɛ ye.

Sɛlɛ 8:15

Mosisi hunle ye na ɔvale mogya ne, ɔvale ɔ sa. ɛrɛlɛsɛka ɔbɔle nu na ɔvale ɔpepenle azukponle ne abati kpokpɔkoo ne mɔ mɔɔ gyigyi zolɛ la azo ɔyiale, ɔvale ɔnluanle azukponle ne, na akee ɔwolale mogya ne mɔɔ hale la ɔguale azukponle ne abo ne anwo, ɔdule ɔmanle Nyamenle ɔyɛle mgbɔdalɛ nzɛlɛlɛ ɔmanle ye.

Edwɛkpa ne kɛmɔ Mateyu hɛlɛle la 20:28

ɔluakɛ medame Sonla Ra bɔbɔ, meamba kɛ bɛzonle me; membale kɛ mebazonle, na meava me ngoane meayɛ ɛkpɔnedeɛ meamaa menli dɔɔnwo.”

Edwɛkpa ne kɛmɔ Mateyu hɛlɛle la 26:28

ɛhye a le me mogya ne mɔɔ bɛhwi bɛgua wɔ menli dɔɔnwo bɛ ɛtane fakyɛ ti, na ɔsɔ Nyamenle ngyekyeleɛ ne anloa la.

Edwɛkpa ne kɛmɔ Maake hɛlɛle la 14:24

na ɔzele kɛ, “Ɛhye a le me mogya ne mɔɔ bɛbahwi bɛamaa menli dɔɔnwo na ɔsɔ Nyamenle ngyekyeleɛ ne anloa la.

Wulo 3:25

Nyamenle ɔdaye ɔvale Gyisɛse ɔmanle, amaa ɔlua ye ewule ne azo yeayɛ menli ɛtane nwo mgbɔdalɛ boane, wɔ bɛ diedi mɔɔ bɛkɛnyia ye wɔ ye nu la azo. Nyamenle yɛle ɛhye vale hilele ye tenleneyɛlɛ ne. Mɔmoane, ɔzile abotane na ɔbule ɔ nye ɔguale menli ɛtane zo;

Wulo 5:9

Nyamenle ɛlua Kelaese ewule zo ɛmaa yɛzɔ ɔ nye; fane nyɛ yɛɛ akee ɔnrɛlua Kelaese anwo zo ɔnrɛlie yɛ ɔnrɛvi ye ɛya ne anu ɛ?

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:7

Ɔluakɛ Kelaese ewule ne ati bɛva yɛ ɛtane ne mɔ bɛhyɛ yɛ na yɛnyia yɛ ti. Nyamenle ɛlolɛ ne

Mɛla 12:23

Noko akee bɛnlea boɛ na bɛanli mogya ne. Ɔluakɛ mogya ne a le ngoane ne, yɛɛ ɔnle kɛ bɛfa ngoane ne bɛboka nane ne bɛdi.

Kɔlɔ 1:14

na yelua ɔ nwo zo yekpɔne yɛ, yeva yɛ ɛtane yehyɛ yɛ.

Kɔlɔ 1:20

Ɛhye ati, ɔlua Ralɛ ne anwo zo, Nyamenle ɛbɔ kpɔkɛ kɛ ɔdie aleɛabo ninyɛne kɔsɔɔti mɔɔ wɔ anwuma nee aze la yeamaa ɔ nwo na yealua ɔ Ra ne ewule mɔɔ ɔwule meanubaka ne azo la azo ɔ nee bɛ ayɛ ko.

Kɛlata mɔɔ bɛhɛlɛle bɛhɔmanle Hibuluma la 13:12

Zɔhane ala yɛɛ Gyisɛse wule suakpole ne kandiba lɔ, amaa yeava ye mogya ne yeanrinzi menli ne ɛtane ne mɔ.

Kɛlata mɔɔ bɛhɛlɛle bɛhɔmanle Hibuluma la 9:22

Nɔhalɛ, mɛla ne kile kɛ mogya ala a bɛfa bɛte debie biala anwo a, yɛɛ ɔwɔ kɛ bɛtwi mogya na bɛava bɛali ɛtane nwo mgbɔdalɛ.

1 Pit 1:2

Nyamenle Selɛ ne luale ye bodane ne azo kpale nu yele bɛ na ɔluale ye Sunsum ne azo ɔyɛle bɛ menli mɔɔ anwo te la, kɛ bɛyɛ tieyɛ bɛmaa Gyisɛse Kelaese na ye mogya ne ade bɛ nwo. Nyamenle ɛlo bɛ na ɔmaa bɛ anzonudwolɛ molozo.

1 Dw 1:7

Na saa yɛdua wienyi nu, kɛmɔ Nyamenle de wienyi nu la a, ɛnee yɛle agɔnwolɛma, na ɔ Ra Gyisɛse mogya ne mɔɔ ɔhwinle ɔguale la te yɛ nwo fi ɛtane biala anwo.

1 Dw 2:2

Kelaese a le sonla mɔɔ yɛlua ɔ nwo zo mɔɔ bɛva yɛ ɛtane ne mɔ bɛhyɛ yɛ a, yɛɛ tɛ yɛ ngome, na menli mɔɔ wɔ ewiade la amuala boka nwolɛ.

Yekile 1:5

Akee Gyisɛse Kelaese, nɔhalɛ dasevolɛ ne, mɔɔ le Ralɛ ne mɔɔ bɛlumua bɛdwazo ye bɛvi ewule nu na ɔsie azɛlɛ ye azo arelemgbunli kɔsɔɔti la ɛlo bɛ na ɔmaa bɛ anzonudwolɛ. Gyisɛse Kelaese kulo yɛ, yeva ye mogya yelie yɛ yevi yɛ ɛtane nu,