Sɛlɛ 17:10 - BAEBOLO ANZƐƐ BULUKU NWUANZANWUANZA

¹⁰ “Saa Yizilayɛnli biala, anzɛɛ ɛyɛvolɛ biala mɔɔ wɔ bɛ avinli la di mogya a, mebahyi sonla zɔhane mɔɔ di mogya la, na meaye ye meavi ɔdaye ye menli avinli.

Sɛlɛ 17:10 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 9:4

Debie ko ala a metua bɛ kɛ bɛmmadi a, yemɔ a le nane mɔɔ mogya ne tɛbɔ nu la, ɔboalekɛ mogya ne anu a ye ngoane wɔ a.

2 Sam 23:17

na ɔzele kɛ, “O Ɛdɛnkɛma, menrɛhola nzule ɛhye no. Saa meyɛ ye zɔhane a ɛnee menlo menli ne mɔɔ vale bɛ ngoane dole nzeleba hɔzale la mogya.” Yemɔti yeanno. Ɛhye a le ninyɛne mgbole mɔɔ katakyiema nsa ne yɛle a.

Edwɛndolɛ Buluku ne 34:16

Ɛdɛnkɛma fa ɔ nye wula nindavoma anyunlu, kɛ ɔminli bɛ bo zo wɔ ewiade.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 30:33

Awie biala mɔɔ kɛyɛ ye ko ne ala bie, anzɛɛ awie biala mɔɔ kɛva bie kɛkpokpa awie gyɛne biala la, bɛye ye bɛvi ye menli ne avinli.’ ”

Gyɛlɛmaya Buluku ne 21:10

Ɔluakɛ meva me nye mezie suakpole ɛhye anwo kɛ memaa munzule ado bɛdabɛ mɔɔ bɛwɔ zolɛ la. Menrɛmaa kpalɛ ɛnrɛdo bɛ. Mebaye bɛ meamaa Babelonia belemgbunli ne na meamaa yeado senle zolɛ yeayela ye. Medame Ɛdɛnkɛma a mese a.”

Gyɛlɛmaya Buluku ne 44:11

“Yemɔti, medame Tumivolɛ Ɛdɛnkɛma, Yizilayɛ Nyamenle ne, mese: Bɛ ɛtane ne ati mebava me nye meawula bɛ nyunlu na meabɔ Dwuda bɔkɔɔ.

Yizikeɛle Buluku ne 14:8

Mebava me nye meawula sonla zɔhane anyunlu na meamaa yeayɛ sɛkɛlɛneɛ nee ɛfenle wɔ menli anloa anu, na meaye ye meavi me menli ne anu; na bɛbanwu kɛ medame a mele Ɛdɛnkɛma a.

Yizikeɛle Buluku ne 15:7

Mebava me nye meawula bɛ nyunlu kpalɛ, mɔɔ saa bɛ bie mɔ nriandi fi senle ne anu bɔbɔ a, senle ala a bayela bɛ a, na bɛanwu kɛ medame a mele Ɛdɛnkɛma a, na mefa me nye mewula ɛ nyunlu a ɛnee meva me nye mewula ɛ nyunlu.

Yizikeɛle Buluku ne 33:25

“Yemɔti ka kile bɛ kɛ, kɛ Awulae Nyamenle ne se la ɛne: Mɔɔ bɛdi nane mɔɔ ye mogya ne wɔ nu, bɛsonle bɛ mmonle ne mɔ, na bɛka mogya bɛgua la, asoo bɛkɛhola azɛlɛ ne fa yɛ bɛ ɛdeɛ bɔkɔɔ?

Yizikeɛle Buluku ne 44:7

Bɛgyakyi kɛ bɛkɛmaa nyɛvolɛ mɔɔ ɛsolo na bɛnze Nyamenle la kɛwolo me Ɛleka Nwuanzanwuanza ne bɛkɛhɔgua ɛkɛ ne evinli wɔ mekɛ mɔɔ bɛfa me aleɛ, nane ɛnlome nee mogya ne bɛarɛlɛ me la. Bɛyɛ ɛhye bɛtulu me ngyekyeleɛ ne bɛboka bɛ ninyɛndane bebelebe ne mɔ mɔɔ bɛyɛ la anwo.

Sɛlɛ 17:11

Ɔluakɛ nwonane ne ngoane wɔ mogya ne anu, yɛɛ meva memaa kɛ bɛva bɛbɔ azu wɔ azukponle ne azo bɛyɛ mgbɔdalɛ nzɛlɛlɛ bɛmaa bɛ, ɔluakɛ mogya ne a maa mgbɔdalɛ ne di munli a, ɔboalekɛ ngoane wɔ nu.

Sɛlɛ 19:26

“Bɛmmadi nane biala mɔɔ mogya ne gyi nu la. Ɔnle kɛ bɛye ngonyia anzɛɛ bɛbɔ ayɛne ɛbɛla biala.

Sɛlɛ 26:17

Mebava me nye meawula bɛ nyunlu, meamaa bɛ kpɔvolɛma ali bɛ nwo zo konim. Menli ne mɔɔ kyi bɛ la bazie bɛ, na bɛbanriandi wɔ mekɛ mɔɔ awie ɛndoa bɛ la.

Sɛlɛ 3:17

Ɔwɔ kɛ ɛhye yɛ mɛla mɔɔ wɔ ɛkɛ ne dahuu wɔ bɛ awolɛndoazo kɔsɔɔti anu, wɔ ɛleka biala mɔɔ bɛde la; ɔnle kɛ bɛdi nane ɛnlome anzɛɛ mogya.”

Emɔzo Buluku ne 9:4

Saa bɛ kpɔvolɛma kye bɛ nuokɛ a, mebamaa bɛahu bɛ. Mezi pi kɛ mesɛkye bɛ, tɛ kɛ meboa bɛ ɔ.”

Ɛzoanvolɛma Gyima ne 15:20

Bɛmaa yɛhɛlɛ kɛlata yehɔmaa bɛ kɛ bɛhwe bɛ nwo bɛvi ninyɛne mɔɔ anwo ɛnde, mɔɔ le kɛ aleɛ mɔɔ bɛva bɛkpa munzule anzɛɛ bɛva bɛzɔ amonle la anwo, nee ninyɛne mɔɔ le kɛ adwɔmane ɛbɔlɛ nee nane mɔɔ bɛlofo ye bɛhu ye na bɛampɛ ɔ kɔme la ɛlilɛ nee mogya nwo.

Ɛzoanvolɛma Gyima ne 15:29

Bɛmmadi aleɛ mɔɔ bɛva bɛkpa munzule anzɛɛ bɛva bɛzɔ amonle la; bɛmmadi mogya; bɛmmadi nane mɔɔ bɛlofo ye na bɛampɛ ɔ kɔme la, na bɛhwe bɛ nwo bɛvi adwɔmane ɛbɔlɛ nwo. Saa bɛtwe bɛ nwo bɛfi ɛhye mɔ anwo a ɛnee bɛlua adenle fɔɔnwo ne anu. Yɛbiza bɛ ahye.”

Mɛla 12:16

Noko akee anrɛɛ bɛmmadi bɛ mogya ne. Bɛhwi bɛgua aze kɛ nzule la.

Mɛla 12:23

Noko akee bɛnlea boɛ na bɛanli mogya ne. Ɔluakɛ mogya ne a le ngoane ne, yɛɛ ɔnle kɛ bɛfa ngoane ne bɛboka nane ne bɛdi.

Mɛla 15:23

Noko bɛmmadi ye mogya ne; bɛhwi bɛgua aze kɛ asɛɛ nzule la.

Kɛlata mɔɔ bɛhɛlɛle bɛhɔmanle Hibuluma la 10:29

Ɛnee ɛdawɔ fa ɛ nye to na nea sonla mɔɔ kɛkpo Nyamenle Ara ne, na yeambu mogya ne mɔɔ bɛlua zo a bɛ nwo te na Nyamenle vale zɔle ngyekyeleɛ ne anloa, na ɔkɛva Nyamenle ɛlolɛ Sunsum ne anyunlu ɔkɛkyikyi aze la ɛ? Ye ndeanlɛ mɔɔ ɔbanyia ye la le kpole kpalɛ.

1 Sam 14:32

yemɔti bɛzile bɛlɔle nu bɛhyele mboane, nlankɛ, mgbole nee ngyikyi, bɛhunle bɛ na bɛlile bɛ nee bɛ mogya ne kɔsɔɔti.

1 Sam 14:33

Bɛhanle bɛhilele Sɔɔlo kɛ, “Menli ne ɛlɛyɛ ɛtane atia Ɛdɛnkɛma. Bɛlɛdi nane nee ye mogya ne.” Sɔɔlo deanle nu, “Bɛle ngunzi; bɛhundo bolɛ kpole ko bɛrɛlɛ me ɛke.”