Sɛlɛ 16:34 - BAEBOLO ANZƐƐ BULUKU NWUANZANWUANZA

³⁴ Ɛhye bayɛ mɛla mɔɔ bɛntulu ye ɛlɛ la amaa bɛ, amaa bɛava kenle ko wɔ ɛvolɛ biala anu bɛayɛ mgbɔdalɛ nzɛlɛlɛ bɛamaa Yizilayɛma amuala, wɔ bɛ ɛtane ne mɔ ati.” Na Mosisi yɛle mɔɔ Ɛdɛnkɛma zele ye la amuala.

Sɛlɛ 16:34 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 27:21

Aalɔn nee ɔ mra mrenya ne mɔ a ɔwɔ kɛ nea sɔ kɛnlaneɛ ne mɔɔ wɔ Ndanlɛ Sua ne anu mgbɛnu ɛdanlɛ ne mɔɔ wɔ Ngyekyeleɛ Ɛlɛka ne anyunlu la a, yɛɛ ɔwɔ kɛ ɔsɔ ɔgyinla me nyunlu ɛkɛ ɔvi nɔsolɛ toonwo alehyenlɛ. Yizilayɛma nee bɛ bo zo amra ɔwɔ kɛ sie mɛla ɛhye dahuu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 30:10

Ɛvolɛ biala ɔwɔ kɛ Aalɔn fa nane ne mɔɔ bɛkɛva bɛkɛbɔ ɛtane nwo azu ne la mogya ne bie gua azukponle ne mɛne ne azo ɔyɛ mgbɔdalɛ nzɛlɛlɛ. Ɔwɔ kɛ awolɛndoazo kɔsɔɔti yɛ ɛhye, ɔluakɛ ɔle nwuanzanwuanza kpalɛ ɔmaa medame, Ɛdɛnkɛma.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 39:43

Mosisi nleɛnleanle bɛ kɔsɔɔti na ɔnwunle kɛ bɛyɛ bɛ, kɛmɔ Ɛdɛnkɛma ɛha ɛhile ye la. Yemɔti Mosisi yilale bɛ.

Sɛlɛ 16:2

Ɛdɛnkɛma zele Mosisi kɛ, “Ka kile ɛ diema nrenya Aalɔn kɛ ɔmmaba Ɛleka Nwuanzanwuanza ne mɔɔ wɔ mgbɛnu ɛdanlɛ ne akunlu Anwunvɔnezelɛ Ebia ne mɔɔ dua Ngyekyeleɛ Ɛlɛka ne azo la anwo dahuu. Saa ɔyɛ ye zɔhane a, ɔbawu, ɔluakɛ mebaye me nwo meahile wɔ amungu ne mɔɔ wɔ Anwunvɔnezelɛ Ebia ne azo la anu.

Sɛlɛ 17:1

Ɛdɛnkɛma zele Mosisi kɛ,

Sɛlɛ 23:28

Ɔnle kɛ bɛyɛ gyima biala kenle ko ne, ɔluakɛ ɔle mgbɔdalɛlilɛ kenle mɔɔ bɛyɛ mgbɔdalɛ nzɛlɛlɛ bɛmaa bɛ wɔ Ɛdɛnkɛma bɛ Nyamenle ne anyunlu a.

Sɛlɛ 23:31

Ɔnle kɛ bɛyɛ gyima biala kenle ko ne; ɔle mɛla mɔɔ wɔ ɛkɛ ne dahuu, wɔ bɛ awolɛndoazo muala anu.

Sɛlɛ 24:23

Yemɔti Mosisi hanle mɛla ne amuala hilele Yizilayɛma amuala. Bɛvale nrenya ne mɔɔ bɔle sasa ne la bɛhɔle azokoɛleɛ ne kandiba ne na bɛzile ye awolɛ. Yizilayɛma yɛle mɔɔ Ɛdɛnkɛma luale Mosisi anwo zo hanle hilele bɛ la.

Sɛlɛ 3:17

Ɔwɔ kɛ ɛhye yɛ mɛla mɔɔ wɔ ɛkɛ ne dahuu wɔ bɛ awolɛndoazo kɔsɔɔti anu, wɔ ɛleka biala mɔɔ bɛde la; ɔnle kɛ bɛdi nane ɛnlome anzɛɛ mogya.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 29:7

“Siane nsuu ne, ye kenle bulu ne azo, bɛyia nu bɛyɛ nzɛlɛlɛ. Bɛmmadi debie yɛɛ bɛmmayɛ gyima biala.

Kɛlata mɔɔ bɛhɛlɛle bɛhɔmanle Hibuluma la 10:14

Ɔluakɛ yeva azubɔlɛ kokye yemaa bɛdabɛ mɔɔ yede bɛ nwo la ɛli munli dahuu.

Kɛlata mɔɔ bɛhɛlɛle bɛhɔmanle Hibuluma la 10:3

Na kɛ ɔde la a le kɛ, ɛvolɛ biala azubɔlɛ ne kakye bɛ ɛtane mɔɔ mekɛ biala bɛyɛ la.

Kɛlata mɔɔ bɛhɛlɛle bɛhɔmanle Hibuluma la 9:25

Dwuuma Sɛlɛvolɛ Kpanyinli ne fa mogya kɔ Nwuanzanwuanza nu Nwuanzaanwu Ɛleka ne ɛvolɛ ɛvolɛ. Na Kelaese ɛdeɛ yeangɔ fane dɔɔnwo kɛ ɔfa ɔ nwo yeahɔbɔ azu ne,

Kɛlata mɔɔ bɛhɛlɛle bɛhɔmanle Hibuluma la 9:7

noko Sɛlɛvolɛ Kpanyinli ne ala yɛɛ kɔ ndanlɛ sua ne mɔɔ wɔ sua ne mgbɛnu ne mɔɔ tɔ zolɛ nwiɔ la anzi la anu a, yɛɛ ɔkɔ ɛkɛ ne ɛvolɛ ɛvolɛ. Ɔlɛkɔ ɛkɛ a ɔfa mogya ɔkɔbɔ azu ɔmaa Nyamenle wɔ ɔdaye Sɛlɛvolɛ Kpanyinli ne nee menli kɔsɔɔti bɛ ɛtane mɔɔ bɛyɛ la ati.