Sɛlɛ 16:22 - BAEBOLO ANZƐƐ BULUKU NWUANZANWUANZA

²² Abɔnkye ne bazoa bɛ ɛtane ne nee bɛ amumuyɛ ne mɔ kɔsɔɔti ahɔ ɛleka solokoko wɔ fienemgbole ne anu, ɛleka mɔɔ awie biala ɛnle la.

Sɛlɛ 16:22 ပူးပေါင်းရင်းမြစ်များ

Edwɛndolɛ Buluku ne 103:10

Ɔ nee yɛ ɛnli ye kɛmɔ yɛ ɛtane ne mɔ si de la, yɛɛ ɔnnea yɛ ninyɛndane nwo ɔndua yɛ kakɛ.

Edwɛndolɛ Buluku ne 103:12

Kɛ aduduleɛ nee adɔleɛ avinli si twe la, zɔhane ala yɛɛ ɔye yɛ ɛtane ne mɔ ɔmaa yɛ nee bɛ avinli twe a.

Yizikeɛle Buluku ne 18:22

Bɛnrɛhakye ye mɛla ne mɔ mɔɔ yedo la biala. Ye kpalɛ mɔɔ yeyɛ la ati, ɔbanyia ngoane.

Yizikeɛle Buluku ne 4:4

“Akee da ɛhyɛne zo wɔ wɔ bɛne zo, na mebava Yizilayɛma amuala ɛtane nwo ndeanlɛ meagua ɛ nwo zo. Ɛbala ɛkɛ ne kenle ɛya nsa abulahɔnla wɔanwu amaneɛ wɔ bɛ ɛtane ne mɔ ati. Wɔ amaneɛnwunlɛ kenle ko biala gyi ɛkɛ maa ɛvolɛ ko biala ndeanlɛ.

Sɛlɛ 14:7

na yeakponde ye ahenle ne mɔɔ bɛnua ye la anwo fane nsuu, na akee yeado duma kɛ ɔ nwo ɛde, na yeadwula anloma anyewɔzo ne yeamaa yeahɔ.

Sɛlɛ 16:21

Ɔbava ɔ sa nwiɔ yeagua abɔnkye ne ati zo, na yeaha Yizilayɛma amumuyɛ ne mɔ mɔɔ bɛyɛ, bɛ mɛladonlɛ nee ɛtane mɔɔ bɛyɛ la amuala yeagua abɔnkye ne ati zo, na yeagyakyi ye yeamaa awie mɔɔ bɛboa bɛye ye la ava ye ahɔ fienemgbole ne anu lɔ.

Sɛlɛ 16:23

“Akee Aalɔn bara Ɛdɛnkɛma Ndanlɛ Sua ne anu, yearaye ye lenen adɛladeɛ ne mɔ mɔɔ ɔbahɔ Nwuanzanwuanza Nu Nwuanzaanwu Ɛleka ne la ɔwulale la yeagua, na akee ɔvi ɛkɛ ne yeavinde;

Maeka Buluku ne 7:19

Ɛbanwu yɛ anwunvɔne bieko, ɛbakpa yɛ ɛtane kɔsɔɔti wɔagua. Ɛbado yɛ ɛtane ne mɔ wɔagua nyevile kunlu lɔ.

Dw 1:29

Aleɛ hyenle la Dwɔn nwunle kɛ Gyisɛse ɛlɛba ɛleka mɔɔ ɔwɔ la na ɔhanle kɛ, “Bɛnlea, Nyamenle Boaneralɛ ne mɔɔ ɔbava yeabɔ azu yeaye ewiade amra ɛtane yeahɔ la ɛne!

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:13

Kelaese ɛralie ndeanlɛ muala, na yelie yɛ yevi munzule mɔɔ anrɛɛ mɛla ne fa yɛ ahɔ nu la anu, ɔluakɛ Nyamenle Edwɛkɛ ne se, “Mɔɔ bɛkɛhenda ye wɔ baka zo la munzule ɛha ye.”

Kɛlata mɔɔ bɛhɛlɛle bɛhɔmanle Hibuluma la 9:28

Zɔhane ala yɛɛ bɛvale Kelaese ɔdaye noko bɛbɔle azu kokye ala kɛ ɔranunu menli dɔɔnwo ɛtane ne mɔ a. Ɔbara bieko, na tɛ kɛ ɔ nee ɛtane bali ɔ, na ɔbalie menli ne mɔɔ ɛlɛkendɛ ye la ngoane.

1 Pit 2:24

Kelaese ɔdaye mumua ne ɔliele yɛ ɛtane ne mɔ wɔ ye sonlabaka ne anu ɔhɔle meanubaka ne azo, amaa yɛawu yɛamaa ɛtane na yɛadɛnla yɛamaa pɛlepɛlelilɛ. Bɛlua ye ɛbodalɛ nganlɛ ne mɔ azo a bɛyɛ bɛ ayile a.