Sɛlɛ 16:2 - BAEBOLO ANZƐƐ BULUKU NWUANZANWUANZA

² Ɛdɛnkɛma zele Mosisi kɛ, “Ka kile ɛ diema nrenya Aalɔn kɛ ɔmmaba Ɛleka Nwuanzanwuanza ne mɔɔ wɔ mgbɛnu ɛdanlɛ ne akunlu Anwunvɔnezelɛ Ebia ne mɔɔ dua Ngyekyeleɛ Ɛlɛka ne azo la anwo dahuu. Saa ɔyɛ ye zɔhane a, ɔbawu, ɔluakɛ mebaye me nwo meahile wɔ amungu ne mɔɔ wɔ Anwunvɔnezelɛ Ebia ne azo la anu.

Sɛlɛ 16:2 ပူးပေါင်းရင်းမြစ်များ

1 Arl 6:16

Eza ɔvale sida ndaboa ɔpɛle sua ne anu wɔ sua ne abo nehane, mɔɔ ye tɛtɛlɛ le mita ngɔnla la na ɔvale ɛkɛ ne ɔyɛle Nwuanzanwuanza Nu Nwuanzaanwu Ɛleka.

1 Arl 8:6

Akee sɛlɛvolɛma ne mɔ vale Ɛdɛnkɛma Ngyekyeleɛ Ɛlɛka ne raziele Ɛzonlenlɛ Sua ne Nwuanzanwuanza Nu Nwuanzaanwu Ɛleka ne wɔ abɔdeɛ nwiɔ ne mɔɔ lɛ ndɛbalɛ la abo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 30:10

Ɛvolɛ biala ɔwɔ kɛ Aalɔn fa nane ne mɔɔ bɛkɛva bɛkɛbɔ ɛtane nwo azu ne la mogya ne bie gua azukponle ne mɛne ne azo ɔyɛ mgbɔdalɛ nzɛlɛlɛ. Ɔwɔ kɛ awolɛndoazo kɔsɔɔti yɛ ɛhye, ɔluakɛ ɔle nwuanzanwuanza kpalɛ ɔmaa medame, Ɛdɛnkɛma.”

Sɛlɛ 16:13

Ɛkɛ ne, ɔbava ɛyɛlɛ ne yeagua senle ne anu wɔ Ɛdɛnkɛma anyunlu, amaa ɛyɛlɛ ne esike ne aheda Anwunvɔnezelɛ Ebia ne mɔɔ dua Ngyekyeleɛ Ɛlɛka ne azo la azo, amaa yeannwu ye na yeawu.

Sɛlɛ 16:34

Ɛhye bayɛ mɛla mɔɔ bɛntulu ye ɛlɛ la amaa bɛ, amaa bɛava kenle ko wɔ ɛvolɛ biala anu bɛayɛ mgbɔdalɛ nzɛlɛlɛ bɛamaa Yizilayɛma amuala, wɔ bɛ ɛtane ne mɔ ati.” Na Mosisi yɛle mɔɔ Ɛdɛnkɛma zele ye la amuala.

Sɛlɛ 23:27

“Siane nsuu ɛhye ala kenle bulu ne le mgbɔdalɛ nzɛlɛlɛ kenle. Ɔle mekɛ mɔɔ ɔwɔ kɛ bɛyia nuhua bɛyɛ nzɛlɛlɛ a. Ɔwɔ kɛ bɛkye ɛhɔne na bɛfa ɛyelalɛ azubɔdeɛ bɛbɛlɛ Ɛdɛnkɛma.

Sɛlɛ 8:35

Bɛdɛnla Ɛdɛnkɛma Ndanlɛ Sua ne anuhɔlɛ ne nɔɔzo nee ewiazo kenle nsuu, bɛyɛ mɔɔ Ɛdɛnkɛma ɛze bɛ la, anrɛɛ bɛkɛwu, ɔluakɛ zɔhane ala yɛɛ Ɛdɛnkɛma ɛze me a.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 17:10

Ɛdɛnkɛma zele Mosisi kɛ, “Fa Aalɔn baka ɛdeɛ ne sia kɔdo Ngyekyeleɛ Ɛlɛka ne anyunlu. Bɛva bɛzie bɛmaa ɔyɛ kɔkɔbɔlɛ ɔmaa Yizilayɛma mɔɔ te atua la kɛ, saa bɛangyakyi bɛ ɛdendɛlɛ mɔɔ bɛtendɛ bɛtia me la a, bɛbawu.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 18:7

Na ɛdawɔ nee ɛ mra mrenya noko bayɛ bɛ sɛlɛvolɛ gyima ne mɔɔ fane azukponle ne nee Nwuanzanwuanza Nu Nwuanzaanwu ɛleka ne anwo la. Ɛhye mɔ le bɛ gyima, ɔboalekɛ meva sɛlɛvolɛlilɛ ne kɛ ahyɛlɛdeɛ la memaa bɛ. Awie gyɛne biala mɔɔ kɛbikye ninyɛne nwuanzanwuanza ne mɔ la, ɔwɔ kɛ bɛku ye.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 4:19

Amaa ɛhye anzi la, Aalɔn nee ɔ mra mrenya ne mɔ ɛhile awie biala ye gyima mɔɔ ɔwɔ kɛ ɔyɛ nee ye ɛzonle mɔɔ la ɔ nwo zo la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 4:5

Saa mekɛ dwu mɔɔ ɔwɔ kɛ bɛfi azokoɛleɛ ne a, Aalɔn nee ɔ mra mrenya ne mɔ ɛhɔ Ɛdɛnkɛma Ndanlɛ Sua ne anu. Bɛye mgbɛnu ɛdanlɛ ne mɔɔ wa Ngyekyeleɛ Ɛlɛka ne anye la, na bɛva bɛkyekye nwo.

Edwɛkpa ne kɛmɔ Mateyu hɛlɛle la 27:51

Ɛkɛ ne ala Ɛzonlenlɛ Sua ne anu mgbɛnu ɛdanlɛ ne dele ebule nwiɔ, ɔvi anwuma ɔpenle aze. Azɛlɛ kpusule, awolɛ kpukekpukele,

Kɛlata mɔɔ bɛhɛlɛle bɛhɔmanle Hibuluma la 6:19

Anyelazo ɛhye le kɛ sɛkɛ maa yɛ ɛkɛla. Ɔgyi pi, na ɔgyi ye kpundii ɔkɔpe anwuma lɔ ɛzonlenlɛ sua ne mgbɛnu ɛdanlɛ ne anu na ɔkɔdua ɔ nwo wɔ ɛleka nwuanzanwuanza ne.

Kɛlata mɔɔ bɛhɛlɛle bɛhɔmanle Hibuluma la 9:25

Dwuuma Sɛlɛvolɛ Kpanyinli ne fa mogya kɔ Nwuanzanwuanza nu Nwuanzaanwu Ɛleka ne ɛvolɛ ɛvolɛ. Na Kelaese ɛdeɛ yeangɔ fane dɔɔnwo kɛ ɔfa ɔ nwo yeahɔbɔ azu ne,

Kɛlata mɔɔ bɛhɛlɛle bɛhɔmanle Hibuluma la 9:3

Wɔ mgbɛnu ne mɔɔ tɔ zolɛ nwiɔ la anzi, ndanlɛ sua ko noko wɔ ɛkɛ; bɛfɛlɛ ɛkɛ ne Nwuanzanwuanza nu Nwuanzaanwu Ɛleka.

Kɛlata mɔɔ bɛhɛlɛle bɛhɔmanle Hibuluma la 9:5

Akee anyunlunyia abɔdeɛ mɔɔ lɛ ndɛbalɛ la zinze Ɛlɛka ne azo anwuma na bɛdɛlɛdɛlɛ bɛ ndɛba anu wɔ anwunvɔnezelɛ ebia ne azo, bɛlɛkile kɛ Nyamenle wɔ ɛkɛ. Na kɛkala, mekɛ ɛtɛdwule mɔɔ yɛkilehile debie biala mɔɔ wɔ ɛkɛ ne la anu ngoko ngoko a.

Yekile 15:8

Nyamenle anyunlunyia ne nee ye tumi ne manle esike ngome yile sua ne, mɔɔ awie biala ɛngola nu wolo a, kyesɛ amaneɛnwunlɛ ngakyile nsuu ne mɔɔ li amozi, mɔɔ Nyamenle soanvolɛma nsuu ne lɛ la abo ɛdu.