Sɛlɛ 16:12 - BAEBOLO ANZƐƐ BULUKU NWUANZANWUANZA

¹² Akee ɔbava kyɛnze mɔɔ bɛfa bɛkpu ɛyɛlɛ la yeavula samɛnlankɛ wɔ Ɛdɛnkɛma azukponle ne azo, na eza yeavula ɛyɛlɛ evuanlɛ mɔɔ bɛnlu ye ekyii la ɔ sa nwiɔ yeara mgbɛnu ɛdanlɛ ne akunlu wɔ Nwuanzanwuanza nu Nwuanzaanwu Ɛleka ne.

Sɛlɛ 16:12 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 31:11

ɛkpokpalɛ nwole ne, yɛɛ Ɛleka Nwuanzanwuanza ne ɛyɛlɛ evuanlɛ ne; ninyɛne ɛhye mɔ kɔsɔɔti, ɔwɔ kɛ bɛyɛ bɛ kɛ mɔɔ meze wɔ la.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 37:29

Ɔyɛle ɛkpokpalɛ nwole nwuanzanwuanza ne nee ɛyɛlɛ evuanlɛ ne kɛnlɛma kpalɛ kɛ mɔɔ menli mɔɔ yɛ ninyɛne evuanlɛ la kɛyɛ ala la.

Sɛlɛ 10:1

Na Aalɔn amra mrenya ne mɔ nwiɔ, Needabe nee Abaehu vale bɛ dwora ne mɔ mɔɔ bɛfa bɛkpu ɛyɛlɛ la na bɛguale senle nu, bɛvulale ɛyɛlɛ bɛguale nu, na bɛvale senle mɔɔ ɛnle nwuanzanwuanza la bɛvindele Ɛdɛnkɛma anyunlu, wɔ mekɛ mɔɔ bɛanze bɛ zɔhane la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 16:18

Yemɔti awie biala vale ye ɛyɛlɛkpunlɛ kyɛnze ne, ɔvale senle ɔguale nu, ɔvale ɛyɛlɛ ɔguale nu na ɔragyinlanle Mosisi nee Aalɔn anwo ɛkɛ wɔ Ɛdɛnkɛma Ndanlɛ Sua ne anlenkɛ ne anloa.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 16:46

na Mosisi hanle hilele Aalɔn kɛ, “Fa wɔ ɛyɛlɛkpunlɛ kyɛnze ne, fa senle wɔ azukponle ne azo gua nuhua, na fa ɛyɛlɛ gua senle ne anu. Akee ka ɛ nwo ndɛndɛ fa kɔ menli ne anwo lɔ na kɔyɛ mgbɔdalɛ nzɛlɛlɛ maa bɛ. Maa ɔyɛ ndɛ! Ɛdɛnkɛma ɛya ne ɛdwu aze, yɛɛ ewulenzane ɛbɔ ɔ bo.”

Mɛla 33:10

Bɛbahilehile Gyekɔbo abo zo amra wɔ ngyehyɛlɛ ne mɔ; bɛahilehile Yizilayɛma wɔ mɛla ne mɔ; bɛbakpu ɛyɛlɛ bɛamaa wɔ, bɛayela nane mumua bɛabɔ azu bɛamaa wɔ.

Kɛlata mɔɔ bɛhɛlɛle bɛhɔmanle Hibuluma la 9:14

Kɛmɔ ɛhye le nɔhalɛ la, ɛnee ɛnea a ɛkɛnwu kɛ Kelaese mogya ne kola di gyima kpole maa ɔbo zolɛ. Yelua Sunsum ne mɔɔ ɛnwu ɛlɛ la azo yeva ɔ nwo yebɔ azu mɔɔ di munli la yemaa Nyamenle. Ye mogya ne bade yɛ adwenle nu avi nyɛleɛ mgbane mgbane mɔɔ fa yɛ kɔ ewule nu la anwo na yɛazonle tease Nyamenle ne.

Kɛlata mɔɔ bɛhɛlɛle bɛhɔmanle Hibuluma la 9:7

noko Sɛlɛvolɛ Kpanyinli ne ala yɛɛ kɔ ndanlɛ sua ne mɔɔ wɔ sua ne mgbɛnu ne mɔɔ tɔ zolɛ nwiɔ la anzi la anu a, yɛɛ ɔkɔ ɛkɛ ne ɛvolɛ ɛvolɛ. Ɔlɛkɔ ɛkɛ a ɔfa mogya ɔkɔbɔ azu ɔmaa Nyamenle wɔ ɔdaye Sɛlɛvolɛ Kpanyinli ne nee menli kɔsɔɔti bɛ ɛtane mɔɔ bɛyɛ la ati.

1 Dw 1:7

Na saa yɛdua wienyi nu, kɛmɔ Nyamenle de wienyi nu la a, ɛnee yɛle agɔnwolɛma, na ɔ Ra Gyisɛse mogya ne mɔɔ ɔhwinle ɔguale la te yɛ nwo fi ɛtane biala anwo.

Yekile 8:5

Nyamenle soanvolɛ ne akee vale azu mokyea ne anu samɛnlankɛ ne bie guale ɛyɛlɛ dwora ne anu na ɔvuandinle dwora ne ɔdole azɛlɛ ye azo. Na maanle nu hulule mgbole bie, ɛsɛlɛmanye kpakyele, na azɛlɛ kpusule.