Sɛlɛ 16:11 - BAEBOLO ANZƐƐ BULUKU NWUANZANWUANZA

¹¹ “Saa Aalɔn fa ɛnlankɛ nyinli ɛtane azubɔdeɛ ne bɔ azu maa ɔ nwo, na ɔyɛ mgbɔdalɛ nzɛlɛlɛ ɔmaa ɔ nwo nee ye sua nu amra ɔwie a, ɔbahu ɛnlankɛ nyinli ne yeabɔ ɛtane azu yeamaa ɔ nwo.

Sɛlɛ 16:11 ပူးပေါင်းရင်းမြစ်များ

Sɛlɛ 16:3

Kɛ ɔwɔ kɛ Aalɔn si ba Nwuanzanwuanza Ɛleka ne la ɛne: Mekɛ biala mɔɔ ɔba la, ɔva ɛnlankɛ nyinli ko ɔyɛ ɛtane azubɔdeɛ yɛɛ boane nyinli ko ɔyɛ ɛyelalɛ azubɔdeɛ ɔrabɔ azu.

Sɛlɛ 16:33

Ɔbayɛ mgbɔdalɛ nzɛlɛlɛ yeamaa Ɛleka Nwuanzanwuanza ne, ɔbayɛ bie yeamaa Ɛdɛnkɛma Ndanlɛ Sua ne nee azukponle ne, na yeayɛ bie yeamaa sɛlɛvolɛma ne nee menli ne amuala.

Sɛlɛ 16:6

Aalɔn bava ɛnlankɛ nyinli ne abɔ ɔdaye ye ɛtane nwo azu, na yeayɛ mgbɔdalɛ nzɛlɛlɛ yeamaa ɔ nwo nee ye sua nu amra.

Sɛlɛ 9:7

Mosisi zele Aalɔn kɛ, “Kɔ azukponle ne anwo, fa wɔ ɛtane azubɔdeɛ ne nee wɔ ɛyelalɛ azubɔdeɛ ne mɔ kɔ, na bɔ mgbɔdalɛ nzɛlɛlɛ azu maa ɛ nwo nee menli ne, kɛmɔ Ɛdɛnkɛma ɛze wɔ la. Na fa menli ne mɔ azubɔdeɛ ne bɔ mgbɔdalɛ azu maa bɛ.”

Kɛlata mɔɔ bɛhɛlɛle bɛhɔmanle Hibuluma la 7:27

Ɔnle kɛ sɛlɛvolɛ mgbanyinli ɛhendeɛ ne mɔ, mɔɔ ɔwɔ kɛ kɔ azukponle nwo kenle biala, kɛ bɛkabɔ bɛ ɛtane nwo azu na bɛabɔ bie bɛamaa awie mɔ la. Ɔvale ɔ nwo ɔbɔle azu ne kokye ala.

Kɛlata mɔɔ bɛhɛlɛle bɛhɔmanle Hibuluma la 9:7

noko Sɛlɛvolɛ Kpanyinli ne ala yɛɛ kɔ ndanlɛ sua ne mɔɔ wɔ sua ne mgbɛnu ne mɔɔ tɔ zolɛ nwiɔ la anzi la anu a, yɛɛ ɔkɔ ɛkɛ ne ɛvolɛ ɛvolɛ. Ɔlɛkɔ ɛkɛ a ɔfa mogya ɔkɔbɔ azu ɔmaa Nyamenle wɔ ɔdaye Sɛlɛvolɛ Kpanyinli ne nee menli kɔsɔɔti bɛ ɛtane mɔɔ bɛyɛ la ati.