Sɛlɛ 16:10 - BAEBOLO ANZƐƐ BULUKU NWUANZANWUANZA

¹⁰ Ko ne mɔɔ hɔle Azazɛle ɛkɛ ne la, bɛbava ye anyewɔzo bɛamaa Ɛdɛnkɛma na yeayɛ mgbɔdalɛ nzɛlɛlɛ yeagua zolɛ, amaa bɛava bɛahɔ fienemgbole ne anu bɛahɔgyakyi ye bɛamaa Azazɛle.

Sɛlɛ 16:10 ပူးပေါင်းရင်းမြစ်များ

Sɛlɛ 14:7

na yeakponde ye ahenle ne mɔɔ bɛnua ye la anwo fane nsuu, na akee yeado duma kɛ ɔ nwo ɛde, na yeadwula anloma anyewɔzo ne yeamaa yeahɔ.

Sɛlɛ 16:8

Ɔbagua mbɔnkye nwiɔ ne ati nzeleba, yeaye ko yeamaa Ɛdɛnkɛma na ko ne noko ahɔ Azazɛle ɛkɛ ne.

Sɛlɛ 16:9

Aalɔn bava abɔnkye ne mɔɔ hɔle Ɛdɛnkɛma ɛkɛ ne la amaa Ɛdɛnkɛma na yeava yeabɔ ɛtane azu.

Wulo 3:25

Nyamenle ɔdaye ɔvale Gyisɛse ɔmanle, amaa ɔlua ye ewule ne azo yeayɛ menli ɛtane nwo mgbɔdalɛ boane, wɔ bɛ diedi mɔɔ bɛkɛnyia ye wɔ ye nu la azo. Nyamenle yɛle ɛhye vale hilele ye tenleneyɛlɛ ne. Mɔmoane, ɔzile abotane na ɔbule ɔ nye ɔguale menli ɛtane zo;

Wulo 4:25

Bɛyele Gyisɛse bɛmanle ɔwule wɔ yɛ ɛtane ti na bɛdwazole ye bɛrale ngoane nu, amaa bɛalie yɛ kɛ yɛsɔ Nyamenle anye.

2 Kɔl 5:21

Kelaese anyɛ ɛtane, noko ɔlua yɛmɛ yɛ ti Nyamenle vale ye yɛle ɛtane mumua ne, amaa ɔlua ɔ nwo zo yɛanyia Nyamenle kpalɛyɛlɛ ne.

1 Dw 2:2

Kelaese a le sonla mɔɔ yɛlua ɔ nwo zo mɔɔ bɛva yɛ ɛtane ne mɔ bɛhyɛ yɛ a, yɛɛ tɛ yɛ ngome, na menli mɔɔ wɔ ewiade la amuala boka nwolɛ.

1 Dw 3:16

Kɛ ɛhulolɛ de la ɛne: Kelaese dole ye ngoane aze manle yɛ, yemɔti ɔwɔ kɛ yɛdayɛ noko yɛto yɛ ngoane aze yɛmaa yɛ mediema.