Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Sɛlɛ 15:5 - BAEBOLO ANZƐƐ BULUKU NWUANZANWUANZA

5 Awie biala mɔɔ kɛva ɔ sa kɛha ahenle zɔhane ɛkpa la, ɔwɔ kɛ ɔkpo ye adɛladeɛ na ɔbia ɔ nwo, yɛɛ ɔwɔ evinli nu toonwo nɔsolɛ.

အခန်းကိုကြည့်ပါ။ ကော်ပီ




Sɛlɛ 15:5
31 ပူးပေါင်းရင်းမြစ်များ  

Menrinzi me sa anwo mekile kɛ menli fɔlɛ, O Ɛdɛnkɛma, na mebɔ wɔ azukponle ne mgbɔlɔka,


Nrinzi me ninyɛndane ne mɔ amuala bɔkɔɔ, na te me nwo fi me ɛtane ne anwo.


Fa nyinlanyinla nua me, na me nwo kɛde; bia me, na menwɔyɛ nwohyee menwɔdɛla ezukɔtweaba.


Na Ɛdɛnkɛma zele Mosisi kɛ, “Kɔ na kɔnlua menli ne ɛnɛ nee ɛhyema, bɛkpo bɛ nwo ninyɛne,


Bɛbia bɛyɛ bɛ nwo bɔkɔbɔkɔ, bɛye ɛtane biala mɔɔ wɔ bɛ ɛbɛla nu la bɛvi me nye zo. Bɛgyakyi ɛtaneyɛlɛ,


Tumivolɛ Ɛdɛnkɛma ɛha ɛmaa mede ye me nzo nu kɛ, “Nɔhalɛ, bɛnrɛva ɛtane ɛhye bɛnrɛhyɛ bɛ toonwo bɛkɛwu. Medame Tumivolɛ Awulae Nyamenle a mese a.”


Mebakponde nzule mɔɔ anye te la bɛ nwo, na bɛ nwo bade avi bɛ ɛtane biala nee bɛ mmonle mɔɔ bɛzonlenle la anwo.


Mebaye bɛ meavi ninyɛndane biala anwo, na meamaa bɛanyia abɛlɛ dɔɔnwo; menrɛmaa ɛhɔne ɛnrɛhu bɛ.


“Awie biala mɔɔ kɛva ɔ sa kɛha nane ɛhye mɔ bie funli la, evinli baha ye toonwo nɔsolɛ nu: nane biala mɔɔ lɛ ndwɛlɛ ndaboa mɔɔ bɛamkpakye nu noko ɔkpu ɔkposa, yɛɛ nane biala mɔɔ lɛ ɛweɛlɛ na ye ndwɛlɛ nna la, ɔwɔ kɛ awie biala mɔɔ kɛzɔ bie funli nu la kpo ye adɛladeɛ ne mɔ, noko evinli ne mɔɔ ɛha ye la bawoa ɛkɛ ne toonwo nɔsolɛ nu.


Saa bie wu, na debie biala mɔɔ ɔkɛdɔ zolɛ la, saa baka o, ɛdanlɛ o, nwoma o, kodoku o, debie biala mɔɔ bɛfa bɛyɛ debie a ɔyɛ boɛ la, ɛnee deɛ zɔhane, evinli ɛha ye; ɔwɔ kɛ bɛwula ye nzule nu, na nwolɛ ɛnrɛde toonwo nɔsolɛ na nwolɛ ade.


Kenle nsuu ne dwu a, sɛlɛvolɛ ne banleɛnlea azenra ne mɔ, na saa azenra ne mɔ ɛtɛtɛlɛdɛlɛle na bɛ nyunlu ɛnle kuma a, ɔbado duma kɛ ahenle ne anwo te. Ɔbakpo ye adɛladeɛ ne mɔ ala, ɛnee ɔ nwo ɛde.


Kenle nsuu ɛhye noko dwu a, sɛlɛvolɛ ne banleɛnlea wuleravolɛ ne anwo bieko; saa deɛ ne mɔɔ yɛle ahenle la anyunlu ɛbulubulu na ɔtɛtɛlɛle a, sɛlɛvolɛ ne bado duma kɛ ahenle anwo te na debie ala a nwunle ye a. Ahenle ne bakpo ye adɛladeɛ ne mɔ, ɛnee ɔ nwo ɛde.


na yeava ɔ sa fema ɛrɛlɛsɛka yeava nwole ne mɔɔ wɔ ɔ sa bɛne ne anu la bie yeakponde Ɛdɛnkɛma anyunlu ɛkɛ ne fane nsuu.


Saa nrenya nee raalɛ da na ɔ nwo ba a, ɔwɔ kɛ bɛ mu nwiɔ bɛbia, yɛɛ bɛ nwo ɛnrɛde toonwo nɔsolɛ.


Ɛkpa biala mɔɔ sonla mɔɔ ye mrenyanu twi nide la kɛla zolɛ anzɛɛ debie biala mɔɔ ɔkɛdɛnla zolɛ la anwo ɛnde.


Awie biala mɔɔ kɛdɛnla debie biala mɔɔ sonla ne mɔɔ ye mrenyanu twi nide la ɛdɛnla zolɛ la azo la, ɔwɔ kɛ ɔkpo ye adɛladeɛ ne mɔ na ɔbia; yɛɛ ɔwɔ evinli nu toonwo nɔsolɛ.


Ahenle mɔɔ hɔgyakyile abɔnkye ne manle ɔhɔle Azazɛle ɛkɛ ne la bakpo ye adɛladeɛ ne mɔ na yeabia kolaa na yeara azokoɛleɛ ne.


Ahenle mɔɔ kɛyela bɛ la, ɔwɔ kɛ ɔkpo ye adɛladeɛ ne mɔ na ɔbia kolaa na yeara azokoɛleɛ ne.


“Awie biala mɔɔ kɛli nane mɔɔ ɔdaye ɔ ngome yewu anzɛɛ nanemgbole bie ɛtete ye la, saa ɔle Yizilayɛnli o, ɔle ɛyɛvolɛ o, ɔwɔ kɛ ɔkpo ye adɛladeɛ ne mɔ na ɔbia, yɛɛ ɔ nwo ɛnrɛde toonwo nɔsolɛ, ɛnee bɔ zo mɔɔ ɔ nwo ɛde a.


Ɔwɔ kɛ ahenle mɔɔ kɛhuohua nzonle ne anloa la kpo ye adɛladeɛ ne mɔ, noko akee ɛnee evinli tɛbɔ ɔ nwo, kyesɛ nɔsolɛ nu kolaa na yeawie ye evinli ne tu. Mɛla ɛhye gyi ɛkɛ maa Yizilayɛma nee nyɛvolɛ mɔɔ de bɛ avinli la, wɔ mekɛ biala anu.


Debie biala mɔɔ sonla mɔɔ evinli ɛha ye la kɛzɔ nu la ɛnee evinli ɛha ye, yɛɛ awie mɔɔ kɛva ɔ sa kɛha deɛ ne la anwo ɛnde toonwo ɔkɔdwu nɔsolɛ.”


bɛmaa yɛva ahonle kpalɛ nee diedi mɔɔ si pi, ahonle mɔɔ bɛde nwolɛ bɛvi adwenle nu fɔlɛlilɛ nwo, nee sonlabaka mɔɔ bɛva nzule anye komikomi bɛbia ye la yɛhwe yɛbikye Nyamenle.


Kɛmɔ ɛhye le nɔhalɛ la, ɛnee ɛnea a ɛkɛnwu kɛ Kelaese mogya ne kola di gyima kpole maa ɔbo zolɛ. Yelua Sunsum ne mɔɔ ɛnwu ɛlɛ la azo yeva ɔ nwo yebɔ azu mɔɔ di munli la yemaa Nyamenle. Ye mogya ne bade yɛ adwenle nu avi nyɛleɛ mgbane mgbane mɔɔ fa yɛ kɔ ewule nu la anwo na yɛazonle tease Nyamenle ne.


ɔluakɛ saa ɔle zɔhane a, anrɛɛ ɔkile kɛ ɔwɔ kɛ Kelaese nwu amaneɛ fane dɔɔnwo, ɔvi ewiade mɔlebɛbo ne. Noko ɔrale kokye wɔ mekɛ mɔɔ ninyɛne kɔsɔɔti ɛlɛkɔ awieleɛ la, na ɔvale ye mogya ɔbɔle azu ne ɔnununle ɛtane muala.


Bɛhwe bɛbikye Nyamenle, na ɔdaye noko ɔkɛbikye bɛ. Bɛmɛ ɛtanevolɛma, bɛhakyi bɛ subane! Bɛde bɛ ahonle nu, bɛmɛ nabalabama!


Membuale ye kɛ, “Yɛmenle, ɛdawɔ yɛɛ ɛze a.” Na ɔzele me kɛ, “Menli ɛhye mɔ a le bɛdabɛ mɔɔ bɛho bɛdɔ zolɛ wɔ amaneɛnwunlɛ kpole ne anu la. Bɛkpole bɛ adɛladeɛ ne mɔ nwohyee wɔ Boaneralɛ ne mogya ne anu.


Kenle ko ne Sɔɔlo anga ɛhwee, ɔdwenlenle kɛ edwɛkɛ bie mɔɔ ɛmmaa Devidi anwo ɛnde la ɛzi ɔ nwo zo.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ