Sɛlɛ 14:8 - BAEBOLO ANZƐƐ BULUKU NWUANZANWUANZA

⁸ Akee ahenle mɔɔ bɛnua ye la bakpo ye adɛladeɛ, yeakpa ɔ nwo enrinli kɔsɔɔti na yeabia; ɛnee ɔ nwo ɛde. Ɛhye anzi ɔbara sua zo, noko ɔnrɛhɔ ye ndanlɛ sua ne anu. Ɔbala alie nwo toonwo kenle nsuu.

Sɛlɛ 14:8 ပူးပေါင်းရင်းမြစ်များ

2 Edk 26:21

Belemgbunli Ɛzaya kokobɛ ne angɔ toonwo ɔwule, yɛɛ kɛmɔ ɛnee ɔle kokobɛvolɛ la ati, bɛammaa yeangɔ Ɛdɛnkɛma Ɛzonlenlɛ Sua ne anu bieko, yɛɛ ɔvile belemgbunli suakunlu ɛkɛ ne ɔhɔdɛnlanle ɔdaye ye sua nu. Ɔ ra Dwotam a nleanle belemgbunli suakunlu ɛkɛ ne na ɔziele menli ne amuala a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 19:10

Na Ɛdɛnkɛma zele Mosisi kɛ, “Kɔ na kɔnlua menli ne ɛnɛ nee ɛhyema, bɛkpo bɛ nwo ninyɛne,

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 19:14

Yemɔti Mosisi vi boka ne azo dwule rale menli ne anwo ɛkɛ na ɔranluanle bɛ, na bɛkpole bɛ nwo ninyɛne.

Sɛlɛ 14:20

Sɛlɛvolɛ ne babɔ ɛyelalɛ azubɔdeɛ nee ma azubɔdeɛ azu ne mɔ wɔ azukponle ne azo. Zɛhae debie yɛɛ sɛlɛvolɛ ne bayɛ yeava yeayɛ mgbɔdalɛ nzɛlɛlɛ yeamaa ahenle ne na ahenle anwo ade saanwu a.

Sɛlɛ 14:9

Kenle nsuu ne azo ɔbakpa ɔ ti bieko, yeakpa ɔ kɛsa, ɔ nye anzi nee ɔ nwo enrinli biala. Ɔbakpo ye adɛladeɛ ne mɔ na yeabia, ɛnee akee ɔ nwo ɛde.

Sɛlɛ 15:13

“ ‘Saa awie mɔɔ ye mrenyanu twi nide la te kpɔkɛ a, ɔwɔ kɛ ɔtia kenle nsuu, na akee ɔkpo ye adɛladeɛ ne mɔ na ɔbia azudenle nu anzɛɛ ɔfa nzule amolɛ ɔbia na ɔ nwo ade.

Sɛlɛ 8:6

Akee Mosisi vale Aalɔn nee ɔ mra ne mɔ rale, na ɔvale nzule ɔbiale bɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 6:9

“Saa arɛlevilɛ nu awie wu ɔ sa nu na evinli ka ɔ ti enrinli nwuanzanwuanza ne a, ɔhendɛ toonwo kenle nsuu ne mɔɔ ɔnua ɔ nwo la na ɔkpa ɔ ti nee ɔ kɛsa na ɔ nwo ade.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 8:7

Na kɛ ɛbazi wɔanlua bɛ la ɛne: Fa ɛnluanlɛ nzule ne kponde bɛ nwo, maa bɛkpa bɛ nwo enrinli biala, na bɛkpo bɛ nwo ninyɛne, na bɛ nwo kɛde.

Mɛla 21:12

ɛnee fa ye kɔ sua nu, maa ɔkpa ɔ ti na ɔpepɛ ɔ sa nee ɔ gyakɛ ati.

1 Pit 3:21

Ɛzɔnenlɛ le sɛkɛlɛneɛ mɔɔ gyi ɛkɛ maa nzule ne a. Ɔnle sonlabaka nwo evinli ɛnrinzinlɛ, ɔle Nyamenle nyunlu modolɛ kɛ ɔmaa bɛ adwenle mɔɔ anu la ɛkɛ ne wienyi la, amaa ɔlua Awulae Gyisɛse Kelaese ewudwazo ne azo bɛalie bɛ ngoane.

Yekile 7:14

Membuale ye kɛ, “Yɛmenle, ɛdawɔ yɛɛ ɛze a.” Na ɔzele me kɛ, “Menli ɛhye mɔ a le bɛdabɛ mɔɔ bɛho bɛdɔ zolɛ wɔ amaneɛnwunlɛ kpole ne anu la. Bɛkpole bɛ adɛladeɛ ne mɔ nwohyee wɔ Boaneralɛ ne mogya ne anu.