Sɛlɛ 14:12 - BAEBOLO ANZƐƐ BULUKU NWUANZANWUANZA

¹² Sɛlɛvolɛ ne bava mboane nyinli ne mɔ ko nee ɔlivi nwole toba foa ko ne ayɛ fɔlɛlilɛ anzɛɛ abozozielɛ azubɔdeɛ, abɔ ehono azu amaa Ɛdɛnkɛma.

Sɛlɛ 14:12 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 29:22

“Eza ɛbayeye boane nyinli ne akunlu ɛnlome ne, dualɛ dɔlera ne, ɛnlome ne mɔɔ wɔ ɔ kunlu ninyɛne ne mɔ anwo, ye ezizira nwiɔ ne nee nwolɛ ɛnlome ne, nee ye ɛbolɛ ne anwo ninyɛne ne amuala, yɛɛ ye ɛzɔlɛ fema ne (ɔluakɛ ɔle sɛlɛvolɛ ɛwulalɛ boane).

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 29:24

na fa ninyɛne ɛhye mɔ amuala wula Aalɔn nee ɔ mra mrenya ne mɔ asa anu maa bɛdo bɛ ehono, kɛ bɛle ehono azubɔdeɛ wɔ Ɛdɛnkɛma anyunlu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 29:26

“Ɛbaye boane nyinli ne mɔɔ bɛvale bɛdule Aalɔn bɛmanle me la akɛnrazo ne na wɔado ye ehono kɛ ɔle ehono azubɔdeɛ. Nane kpɔkɛ ɛhye bayɛ wɔ ɛdeɛ.

Ayezaya Buluku ne 53:10

Ɛdɛnkɛma se, “Noko ɔle me ɛhulolɛ kɛ bɛkɛbodɛboda ye, na ɔkɛnwu amaneɛ dɔɔnwo; na ɔkɛva ɔ nwo ɔkɛbɔ azu ɔkɛmaa ɛtane. Ɔbanyi yeahyɛ na yeanwu ɔ bo zo amra, na ɔlua ɔ nwo zo Ɛdɛnkɛma ɛhulolɛ ne ali munli.

Sɛlɛ 14:10

“Kenle mɔtwɛ ne azo, ɔwɔ kɛ ɔfa mboane nyinli nwiɔ mɔɔ anwo ɛnlɛ dɛne la, boane belɛ ko mɔɔ ɛli ɛvolɛ ko na ɔ nwo ɛnlɛ dɛne la, ma azubɔdeɛ mɔɔ bɛdi bɛyɛ ye esamo na bɛva ɔlivi nwole bɛfɔtɔ la kilo nsa, yɛɛ ɔlivi nwole toba foa ko ɔbɛlɛ sɛlɛvolɛ ne.

Sɛlɛ 14:11

Akee sɛlɛvolɛ ne bava ahenle mɔɔ bɛnua ye la nee ninyɛne ɛhye mɔ ahɔ Ɛdɛnkɛma anyunlu wɔ Ɛdɛnkɛma Ndanlɛ Sua ne anuhɔlɛ ne.

Sɛlɛ 14:19

“Sɛlɛvolɛ ne akee babɔ ɛtane azubɔdeɛ azu ne ayɛ mgbɔdalɛ nzɛlɛlɛ amaa ahenle mɔɔ bɛnua ye la wɔ evinli mɔɔ hanle ye la anwo. Ɛhye anzi, ɔbahu ɛyelalɛ azubɔdeɛ ne.

Sɛlɛ 5:15

“Saa awie anye ɛnla nwolɛ na ɔyɛ ɛtane kɛ yebu ɔ nye yegua ye diedi gyima zo, mɔɔ fane Ɛdɛnkɛma ninyɛne nwuanzanwuanza ne mɔ anwo a, ɔwɔ kɛ ɔfa fɔlɛlilɛ azubɔdeɛ ɔbɛlɛ Ɛdɛnkɛma. Ɔwɔ kɛ ɔfa boane nyinli mɔɔ anwo ɛnlɛ dɛne, na ɛdawɔ ɛkɛnlea ɛkɛpɛ ye bolɛ wɔ dwɛtɛ fufule nu, kɛmɔ bɛdi ye wɔ ɛleka nwuanzanwuanza ne la; ɔle fɔlɛlilɛ azubɔdeɛ.