Sɛlɛ 13:47 - BAEBOLO ANZƐƐ BULUKU NWUANZANWUANZA

⁴⁷ “Saa tɛladeɛ mɔɔ bɛva dwɛsɛ nyɛma anzɛɛ mboane enrinli nyɛma bɛnwo la anu bɔ adubue,

Sɛlɛ 13:47 ပူးပေါင်းရင်းမြစ်များ

Ayezaya Buluku ne 59:6

Bɛ ndendane ne mɔ ɛnrɛyɛ ɛdanlɛ ɛlɛ, yɛɛ awie ɛnrɛva bɛ ndanlɛ mɔɔ bɛnwo la bie ɛnrɛgua ɔ nwo ɛlɛ. Bɛ sa anloa gyima le atisesebɛ gyima, yɛɛ konle ala a bɛzo bɛlua a.

Ayezaya Buluku ne 64:6

Yɛ muala yɛyɛ menli mɔɔ anwo ɛnde a, yɛɛ yɛ ɛbɛla kpalɛ biala le kɛ tɛladeɛ mɔɔ ɛhu la. Yɛ muala yɛwu kɛ ɛyɛne, yɛɛ yɛ ɛtane ne mɔ ɛyɛ kɛ anwoma la, bɛpia yɛ bɛkɔ.

Yizikeɛle Buluku ne 16:16

Bɛvale bɛ adɛladeɛ ngɛnlɛma ne mɔ bie bɛzieziele bɛ mmonle azua nu, bɛbɔle tuutuu ɛbɛla bie mɔɔ bie ɛtɛsile, yɛɛ bie ɛnrɛzi ɛlɛ la wɔ ɛkɛ.

Sɛlɛ 13:46

Saa ewule ne mɔɔ wɔ ɔ nwo la ɛtɛkɔle a, ɔ nwo ɛnrɛde ɛlɛ. Kɛmɔ ɔ nwo ɛnde la ati, ɔwɔ kɛ ɔte ɔ nwo ɔkɔtɛnla kpɔda bie abo wɔ azokoɛleɛ ne kandiba.

Sɛlɛ 13:48

saa bɛnwu bie wɔ ndanlɛ nyɛma mɔɔ bɛzinlezinla la anu, anzɛɛ nwoma nu anzɛɛ debie biala mɔɔ bɛva nwoma bɛyɛ la anu,

Sɛlɛ 13:52

Sɛlɛvolɛ ne bamaa bɛayela tɛladeɛ ne. Saa ewule ne wɔ mboane enrinli anzɛɛ dwɛsɛ ɛdanlɛ nu o, ndanlɛ nyɛma nu o, nwoma nu o anzɛɛ debie biala mɔɔ bɛva nwoma bɛyɛ la anu o, ewule ne le kokobɛ nzane; ɔwɔ kɛ bɛgua ye senle nu bɛyela ye.

Sɛlɛ 13:59

Ɛnee mɛla mɔɔ fane ewule kokobɛ mɔɔ wɔ dwɛsɛ anzɛɛ mboane enrinli ndanlɛ nu, ndanlɛ nyɛma, nwoma anzɛɛ debie biala mɔɔ bɛva nwoma bɛyɛ la anu, nee kɛ bɛkɛzi bɛkɛnwu kɛ deɛ ne anwo te anzɛɛ nwolɛ ɛnde la, yemɔ ɛne.

Sɛlɛ 14:55

ndanlɛ anzɛɛ adɛladeɛ nu adubue nee sua nu nzenzemile,

Wulo 13:12

Aledwolɛ ne asɛɛ ɛze, alehyenlɛ ɛbikye; zɔhane ati bɛmaa yɛgyakyi awozinli nu nyɛleɛ ne mɔ, na yɛva wienyi nu konle tɛladeɛ mɔɔ bamaa yɛahola ko la yɛwula.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:22

Zɔhane ati, bɛdu bɛ su dɛba ne mɔɔ manle bɛbɔle ɛbɛla mɔɔ bɛdabɛ bɛkulo na ɔvale ye atiakunluwɔzo ɛtane ne ɔzɛkyele bɛ la bɛgua.

Kɔlɔ 3:3

Ɔluakɛ bɛwu na bɛva bɛ ngoane bɛboka Kelaese ɛdeɛ ne bɛvea Nyamenle anu.

Dwuudu Kɛlata ne 1:23

Bɛhwe bie mɔ bɛvi sendɔlɔra ne anu, bɛlie bɛ ngoane. Bɛva ɛzulolɛ bɛze bie mɔ anwunvɔne, na bɛhyi bɛ adɛladeɛ ne mɔ mɔɔ bɛ ɛtane atiakunluwɔzo ɛheha nu la.