27 Kenle nsuu ne dwu a, sɛlɛvolɛ ne eza banleɛnlea ye bieko. Saa nganlɛ ne mɔ ɛlɛtɛlɛdɛlɛ a, sɛlɛvolɛ ne bado duma kɛ ahenle anwo ɛnde; kokobɛ ɛdila ye.
“Saa debie nwu awie, anzɛɛ hanlɛ tu ye anzɛɛ saa nyila bie nwu ye na ɔkakyi kokobɛ wɔ ahenle anwo a, ɔwɔ kɛ bɛfa ye bɛkɔ Aalɔn anzɛɛ ɔ mra sɛlɛvolɛma ne mɔ bie ɛkɛ,
Na saa sɛlɛvolɛ ne neɛnlea ye na ɔnwu kɛ enrinli ne mɔ ɛtɛyɛle fufule, nganlɛ ne mɔ anyunlu ɛnle kuma na bɛ nyunlu ɛbulubulu a, sɛlɛvolɛ ne bamaa bɛawula ye sua nu kenle nsuu.
Na saa nganlɛ ne mɔ andɛlɛdɛlɛ na bɛ nyunlu ɛbulubulu a, ɛnee ɛyelalɛ nganlɛ ne mɔ yɛɛ ɛnwunwu a. Sɛlɛvolɛ ne bado duma kɛ ahenle anwo te, ɔluakɛ ɛnee ɛyelalɛ nganlɛ ne mɔ ahapenle ɔ.
Na saa deɛ ne mɔɔ nwunle ahenle la tɛlɛ nzinlii, wɔ mekɛ mɔɔ ɔvale ɔ nwo ɔhilele sɛlɛvolɛ ne la anzi a, eza ɔwɔ kɛ ɔfa ɔ nwo ɔkɔkile sɛlɛvolɛ ne bieko.