Sɛlɛ 12:8 - BAEBOLO ANZƐƐ BULUKU NWUANZANWUANZA

⁸ “Saa ɔnrɛhola boane fa a, ɛnee ɔwɔ kɛ ɔfa abubule nwiɔ anzɛɛ mɔlɔnoma ngyikyi nwiɔ; bɛfa ko bɛbɔ ɛyelalɛ azu bɛmaa ye na bɛfa ko ne noko bɛyɛ ɛtane azubɔdeɛ. Sɛlɛvolɛ ne bayɛ mgbɔdalɛ nzɛlɛlɛ amaa ye, na ɔ nwo ade.”

Sɛlɛ 12:8 ပူးပေါင်းရင်းမြစ်များ

Sɛlɛ 1:14

“Saa ahenle ne azubɔdeɛ ne mɔɔ ɔfa yeamaa Ɛdɛnkɛma la le nloma ɛyelalɛ azubɔdeɛ a, ɛnee ɔwɔ kɛ ye azubɔdeɛ ne yɛ abubule anzɛɛ mɔlɔnoma mralɛ.

Sɛlɛ 12:7

Sɛlɛvolɛ ne bava ye azubɔdeɛ ne abɔ azu amaa Ɛdɛnkɛma, na yeayɛ ɔ ti mgbɔdalɛ nzɛlɛlɛ. Ɔyɛ ɛhye ɔwie a, ɛnee akee ɔ nwo ɛde ɛvi mogya ne mɔɔ dule ye la anwo. Awie mɔɔ kɛwo ralɛ nrenya anzɛɛ ralɛ raalɛ la mɛla a le ɛhye.

Sɛlɛ 13:1

Ɛdɛnkɛma zele Mosisi nee Aalɔn kɛ,

Sɛlɛ 14:21

“Na saa ahenle le ehyianli na ɔnrɛhola ninyɛne ne mɔ sesa a, ɛnee ɔbava boane nyinli ko yeayɛ fɔlɛlilɛ azubɔdeɛ mɔɔ bɛbado ye ehono bɛabɔ azu bɛayɛ mgbɔdalɛ nzɛlɛlɛ bɛamaa ye la, ma azubɔdeɛ mɔɔ bɛdi bɛyɛ esamo la kilo ko mɔɔ bɛva nwole bɛfɔtɔ la, yɛɛ ɔlivi nwole toba foa ko.

Sɛlɛ 14:22

Eza ɔwɔ kɛ ɔfa abubule nwiɔ anzɛɛ mɔlɔnoma nwiɔ, nuhua biala mɔɔ ɔkɛhola ye fa la; bɛbava ko bɛayɛ ɛtane azubɔdeɛ na bɛava ko bɛayɛ ɛyelalɛ azubɔdeɛ.

Sɛlɛ 15:14

Kenle mɔtwɛ ne azo, ɔwɔ kɛ ɔfa abubule nwiɔ anzɛɛ mɔlɔnoma nwiɔ ɔkɔ Ɛdɛnkɛma anyunlu wɔ Ɛdɛnkɛma Ndanlɛ Sua ne anuhɔlɛ ne, na ɔfa ɔmaa sɛlɛvolɛ ne.

Sɛlɛ 15:15

Sɛlɛvolɛ ne bava abɔ azu; ɔbava ko yeayɛ ɛtane azubɔdeɛ na yeava ko ne yeayɛ ɛyelalɛ azubɔdeɛ, na yeayɛ mgbɔdalɛ nzɛlɛlɛ yeamaa ye wɔ Ɛdɛnkɛma anyunlu wɔ ye mrenyanu ewule ne anwo.

Sɛlɛ 15:29

Kenle mɔtwɛ ne azo, ɔwɔ kɛ ɔfa abubule nwiɔ anzɛɛ mɔlɔnoma nwiɔ ɔbɛlɛ sɛlɛvolɛ ne, wɔ Ɛdɛnkɛma Ndanlɛ Sua ne anuhɔlɛ ne.

Sɛlɛ 4:26

Ɔbayela nane ne anu ɛnlome ne amuala wɔ azukponle ne azo, kɛmɔ bɛfa anzonudwolɛ azubɔdeɛ bɛabɔ azu a bɛyɛ ye la Yemɔti sɛlɛvolɛ ne bayɛ nzɛlɛlɛ ali ye ɛtane ne anwo mgbɔdalɛ amaa ye, na bɛkɛva ye ɛtane ne bɛkɛhyɛ ye.

Sɛlɛ 5:11

“Na saa ahenle ne angola abubule nwiɔ ne anzɛɛ mɔlɔnoma nwiɔ ne fa a, ɛnee ɔwɔ kɛ ɔfa esamo kilo nwiɔ ɔyɛ ɛtane azubɔdeɛ. Ɔnle kɛ ɔfa nwole ɔgua nu anzɛɛ ɔfa ɛyɛlɛ evuanlɛ biala ɔgua zolɛ, ɔluakɛ ɔle ɛtane azubɔdeɛ.

Sɛlɛ 5:7

“Na saa ahenle ne ɛnlɛ bie la ati ɔnrɛhola boane anzɛɛ abɔnkye fa a, ɔwɔ kɛ ɔfa abubule anzɛɛ mɔlɔnoma nwiɔ ɔyɛ fɔlɛlilɛ azubɔdeɛ ɔmaa Ɛdɛnkɛma. Nloma nwiɔ ne ko bayɛ ɛtane azubɔdeɛ na ko ayɛ ɛyelalɛ azubɔdeɛ.

Edwɛkpa ne kɛmɔ Mateyu hɛlɛle la 21:12

Gyisɛse hɔle Ɛzonlenlɛ Sua ne anu na ɔvoanle bɛdabɛ mɔɔ bɛlɛdi gua wɔ ɛkɛ ne la amuala. Ɔbutubutule menli mɔɔ senza ezukoa la ɛkponle ne mɔ, ɔhanle menli mɔɔ tɔne mɔlɔnoma la mbia ne mɔ ɔguale,

2 Kɔl 8:9

Ɔluakɛ bɛze kɛ Awulae Gyisɛse Kelaese ɛlolɛ ne si de la; ɔle sukoavolɛ, noko ɔlua bɛ ti ɔyɛle ɔ nwo ehyianli, amaa yealua ye ehyia ne azo yeayɛ bɛ sukoavolɛma.