Sɛlɛ 12:3 - BAEBOLO ANZƐƐ BULUKU NWUANZANWUANZA

³ Kenle mɔtwɛ ne azo bɛbayɛ kakula ne mrenyanu nzonlɛ.

Sɛlɛ 12:3 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 22:30

Zɔhane ala yɛɛ bɛyɛ bɛ nlankɛ nee bɛ mboane amra mɔɔ bɛkɛlumua bɛkɛwo bɛ la a. Bɛmaa bɛ nyɛmoa ne mɔ amra mɔɔ lumua la biala ɛli kenle nsuu wɔ ɔ nli anwo ɛkɛ, ye kenle mɔtwɛ ne azo, bɛva ye bɛmaa me.

Sɛlɛ 12:4

Akee raalɛ ne bahɔ zolɛ ahyi evinli ne kenle abulasa nee nsa yeavi ye ɛdane yeawie. Mekɛ ne anu, ɔnle kɛ ɔfa ɔ sa ɔka debie biala mɔɔ anwo te la, yɛɛ ɔnle kɛ ɔkɔ ɛleka nwuanzanwuanza ne, kɔkpula mekɛ ne mɔɔ ɔfa yeanlua ɔ nwo la.

Sɛlɛ 15:3

Mɛla mɔɔ wɔ mrenyanu nidehwinlɛ nwo la ɛne: saa ahenle mrenyanu tɛtwihwi nide ne anzɛɛ saa nide ne pɛ bɔbɔ a, ahenle anwo ɛnde.

Edwɛkpa ne kɛmɔ Luku hɛlɛle la 1:59

Ye kenle mɔtwɛ ne azo, bɛyɛle kakula ne mrenyanu nzonlɛ, na bɛyɛle kɛ bɛfa ye bɛado ɔ ze Zɛkalaya.

Edwɛkpa ne kɛmɔ Luku hɛlɛle la 2:21

Mɔɔ ɔlile kenle mɔtwɛ la, bɛyɛle kakula ne mrenyanu nzonlɛ na bɛdonle ye duma Gyisɛse. Duma ɛhye a Nyamenle soanvolɛ ne vale manle ye kolaa na bɛanrenzɛ ye a.

Ɛzoanvolɛma Gyima ne 15:1

Menli bie vi Dwudiya rale Anteɔko na bɛbɔle ɔ bo kɛ bɛkilehile diedima ne kɛ, “Saa bɛanyɛ bɛ mrenyanu nzonlɛ, kɛmɔ Mosisi mɛla ne kile la a bɛnrɛnyia ngoane.”

Wulo 3:19

Mɔɔ yɛnwu ye la a le kɛ, debie biala mɔɔ wɔ mɛla ne anu la wɔ ɛkɛ ne maa bɛdabɛ mɔɔ bɛwɔ mɛla ne abo la, amaa menli muala aha bɛ nloa ado nuhua kɛ bɛdi fɔlɛ wɔ Nyamenle ndɛnebualɛ ne anu.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:17

Mɔɔ meka la a le kɛ, Nyamenle nee Ebileham yɛle ngyehyɛlɛ ne na bɛhyele ɔ bo la, ɔ nzi ɛvolɛ ɛya nna abulasa yɛɛ bɛvale mɛla ne bɛmanle Dwuuma a. Ɛhye ati mɛla ne ɛngola ɛntulu ngyekyeleɛ ne na ɔnzɛkye Nyamenle ɛwɔkɛ ne.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:3

Mekakye bɛ bieko, mɔɔ kɛmaa adenle kɛmaa bɛkɛyɛ ye mrenyanu nzonlɛ la ɛmaa adenle kɛ mɛla ne ɛkyekye ye, na ɔwɔ kɛ ɔdi mɛla ne amuala azo.

Mɛla 30:6

Ɛdɛnkɛma bɛ Nyamenle ne bade bɛ ahonle nu, na yeade bɛ bo zo amra ahonle nu, amaa bɛava bɛ ahonle nee bɛ ɛkɛla muala bɛahulo Ɛdɛnkɛma bɛ Nyamenle ne, na bɛanyia ngoane.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:5

Menlile dapɛne ko ala la yɛɛ bɛyɛle me mrenyanu nzonlɛ a. Bɛwole me Yizilayɛnli, mevi Bɛngyaman abusua nu yɛɛ mele Hibulunli tɛnyetɛnye, egya nee ɔmɔ le Hibuluma, yɛɛ ɔba mɛla ne anwo edwɛkɛ a, mele Falasiinli.

Kɔlɔ 2:11

Bɛ nee Kelaese yɛle ko ala la yɛɛ bɛyɛle bɛ mrenyanu nzonlɛ a, tɛ nwonane nu, kɛmɔ menli yɛ la ɔ, ɛhye le Kelaese ɔdaye ye nzonlɛyɛlɛ mɔɔ ɔyɛ yɛ ɔfi nwonane ɛtane ɛhye mɔ tumi ne abo a.