Sɛlɛ 11:44 - BAEBOLO ANZƐƐ BULUKU NWUANZANWUANZA

⁴⁴ Ɔluakɛ medame a mele Ɛdɛnkɛma bɛ Nyamenle ne a. Bɛmaa bɛ nwo ɛde nwuanzaanwu, ɔluakɛ mele nwuanzanwuanza. Ɔnle kɛ bɛfa debie biala mɔɔ kola fo anwuma na eza ɔtwenle ɔ nwo aze wɔ azɛlɛ ye azo la bɛgua bɛ nwo evinli.

Sɛlɛ 11:44 ပူးပေါင်းရင်းမြစ်များ

Edwɛndolɛ Buluku ne 99:5

Bɛhanvo Ɛdɛnkɛma yɛ Nyamenle ne; bɛzonle ye wɔ ɔ gyakɛ abo! Ɔle nwuanzanwuanza.

Edwɛndolɛ Buluku ne 99:9

Bɛhanvo Ɛdɛnkɛma yɛ Nyamenle ne, bɛzonle ye wɔ ye boka nwuanzanwuanza ne azo; ɔluakɛ Ɛdɛnkɛma yɛ Nyamenle ne le nwuanzanwuanza.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 16:12

“Mede Yizilayɛma ɛdendɛlɛ mɔɔ bɛtendɛ bɛtia me la; ka kile bɛ kɛ: Nɔsolɛ nu bɛbali nane na nwonlomɔ bɛali kpanwo; akee bɛbanwu kɛ medame a mele Ɛdɛnkɛma bɛ Nyamenle ne a.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 19:10

Na Ɛdɛnkɛma zele Mosisi kɛ, “Kɔ na kɔnlua menli ne ɛnɛ nee ɛhyema, bɛkpo bɛ nwo ninyɛne,

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 19:6

Bɛbayɛ me maanle nwuanzanwuanza na bɛazonle me kɛ bɛle me sɛlɛvolɛma. Ɛhye a le edwɛkɛ mɔɔ ɛbaha wɔahile Yizilayɛma a.’ ”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 20:2

“Mame a mele Ɛdɛnkɛma bɛ Nyamenle ne, mɔɔ yele bɛ vile Yigyibiti azɛlɛ zo, vile akɛlɛzonlenlɛ nu la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 22:30

Zɔhane ala yɛɛ bɛyɛ bɛ nlankɛ nee bɛ mboane amra mɔɔ bɛkɛlumua bɛkɛwo bɛ la a. Bɛmaa bɛ nyɛmoa ne mɔ amra mɔɔ lumua la biala ɛli kenle nsuu wɔ ɔ nli anwo ɛkɛ, ye kenle mɔtwɛ ne azo, bɛva ye bɛmaa me.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 22:31

“Bɛbayɛ menli mɔɔ bɛdu bɛ bɛmaa me, yemɔti bɛmmadi nane mɔɔ ɛbɔ nu nane ɛhu ye la; bɛva bɛmaa ahwea ɛli.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:25

Bɛzonle me ngomekye, Ɛdɛnkɛma bɛ Nyamenle ne, na mebayila bɛ aleɛ nee bɛ nzule zo; eza mebaye anwondolɛ meavi bɛ avinli.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 6:7

Mebava bɛmɛ Yizilayɛma meayɛ me menli, na meayɛ bɛ Nyamenle, na bɛanwu kɛ medame a mele Ɛdɛnkɛma bɛ Nyamenle ne mɔɔ ɛye bɛ ɛvi Yigyibitima adesoa ne mɔ abo la.

Ayezaya Buluku ne 43:3

Ɔluakɛ medame a mele Ɛdɛnkɛma bɛ Nyamenle ne, Yizilayɛ Nwuanzanwuanza Ko ne, bɛ Dievolɛ ne a. Mefa Yigyibiti meyɛ bɛ ɛkpɔnedeɛ, mefa Sudan nee Siba memaa na medie bɛ.

Ayezaya Buluku ne 51:15

“Medame a mele Ɛdɛnkɛma bɛ Nyamenle ne, mɔɔ maa nyevile azɛlɛkye kulu. Me duma a le Tumivolɛ Ɛdɛnkɛma.

Sɛlɛ 10:3

Na Mosisi zele Aalɔn kɛ, “Ɛdɛnkɛma se, ‘Mekile meamaa menli mɔɔ bikye me la anwu kɛ mele nwuanzanwuanza, na meamaa menli ne amuala anwu me anyunlunyia ne.’ ” Na Aalɔn andɛ ɔ nloa anu.

Sɛlɛ 11:43

Ɔnle kɛ bɛdi ninyɛne ɛhye mɔ anzi, bɛdi bie na bɛyɛ kyibadeɛ. Eza ɔnle kɛ bɛtoa bɛ bɛmaa evinli ka bɛ.

Sɛlɛ 18:2

“Ka kile Yizilayɛma kɛ: Mame a mele Ɛdɛnkɛma bɛ Nyamenle ne a.

Sɛlɛ 19:10

Bɛtete bɛ vanye ma a, bɛmmatete dedee bɛmaa ɔka mbaka mgbane ne ala, yɛɛ mɔɔ kɛtete kɛgua la, bɛmmasesa. Ɔwɔ kɛ bɛgyakyi bie zolɛ bɛmaa ehyianvolɛma nee nyɛvolɛ. Medame a mele Ɛdɛnkɛma bɛ Nyamenle ne a.

Sɛlɛ 19:2

“Ka kile Yizilayɛma amuala kɛ: Ɔwɔ kɛ bɛmaa bɛ nwo te, ɔluakɛ Medame, Ɛdɛnkɛma bɛ Nyamenle, mele nwuanzanwuanza.

Sɛlɛ 19:3

Ɔwɔ kɛ bɛ nuhua biala di ɔ ze nee ɔ nli eni, na bɛsie me Ɛnwomenlelielɛ Kenle ne mɔ. Medame a mele Ɛdɛnkɛma bɛ Nyamenle ne a.

Sɛlɛ 19:4

“Bɛmmagyakyi me bɛkɔsonle awozonle na bɛyɛ ananze mmonle biala bɛmaa bɛ nwo. Medame a mele Ɛdɛnkɛma bɛ Nyamenle ne a.

Sɛlɛ 20:26

Ɔwɔ kɛ bɛmaa bɛ nwo te maa me, ɔluakɛ medame Ɛdɛnkɛma, mele nwuanzanwuanza, yɛɛ meye bɛ mevi menli kɔsɔɔti avinli mezie ahane, kɛ bɛle me ɛdeɛ mekɛ biala.

Sɛlɛ 20:7

Zɔhane ati bɛmaa bɛ nwo ɛde saanwu, ɔluakɛ medame a mele Ɛdɛnkɛma bɛ Nyamenle ne a.

Sɛlɛ 21:8

Ɔwɔ kɛ ɛtu ye ɛsie ahane ɛmaa Nyamenle, ɔluakɛ ɔdaye a ɔfa aleɛ ɔbɔ azu ɔmaa wɔ Nyamenle ne a; ɔwɔ kɛ ɔ nwo te maa wɔ, ɔluakɛ medame, Ɛdɛnkɛma, mɔɔ mete ɛ nwo la, mele nwuanzanwuanza.

Emɔzo Buluku ne 3:3

Menli nwiɔ ɛngola ɛmbɔ nu ɛndu adenle, kyesɛ bɛka bɛsie.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 15:40

“Yemɔti bɛhakye na bɛli me mɛla ne mɔ kɔsɔɔti azo, na bɛdu bɛ nwo bɛzie ahane bɛmaa me.

Edwɛkpa ne kɛmɔ Mateyu hɛlɛle la 5:48

Zɔhane ati, kɛmɔ bɛ Ze mɔɔ wɔ anwuma la anwo te la, bɛmaa bɛdabɛ noko bɛ nwo ɛde bɔkɔɔ.

Mɛla 14:2

Ɔluakɛ bɛle Ɛdɛnkɛma bɛ Nyamenle ne menli mɔɔ anwo te a. Ɛdɛnkɛma ɛkpa nu ɛye bɛ wɔ menli kɔsɔɔti mɔɔ wɔ ewiade la avinli kɛ ɔdaye ye menli a le bɛ.

1 Tɛs 4:7

Nyamenle anvɛlɛ yɛ kɛ yɛrabɔ ɛbɛla mgbane mgbane, ɔvɛlɛle yɛ kɛ yɛrayɛ menli mɔɔ anwo te a.

Dwɔhyua Buluku ne 24:19

Dwɔhyua zele menli ne mɔ kɛ, “Bɛnrɛhola Ɛdɛnkɛma sonle! Ɔle Nyamenle Nwuanzanwuanza yɛɛ ɔnrɛva bɛ ɛtane ɔnrɛhyɛ bɛ. Ɔngulo ahola ɛzilɛ,

1 Pit 2:9

Bɛmɛ a bɛle menli mɔɔ Nyamenle ɛkpa nu ɛye bɛ a. Bɛle Belemgbunli ne sɛlɛvolɛma, maanle nwuanzanwuanza, Nyamenle ɔdaye ye menli mɔɔ yeboɔboa yekpondɛ bɛ bo zo na yevɛlɛ bɛ kɛ bɛvi awozinli nu bɛrɛla ye wienyi ne anu na bɛbɔ ye nwanwane gyima ne nolo a.

Yekile 22:11

Mɔɔ le musuɔfoɔ la ɛhɔ zo ɛyɛ ye munzule ninyɛne ne, mɔɔ yɛ ninyɛne ɛtane ɛtane la ɛhɔ zo ɛyɛ. Mɔɔ le kpalɛ noko la ɛhɔ zo ɛyɛ ye ahunlunyele gyima ne, yɛɛ mɔɔ anwo te nwuanzaanwu la ɛhɔ zo ɛyɛ nwuanzanwuanza.”

1 Sam 2:2

“Awie ɛnle nwuanzanwuanza kɛ wɔmɔ Ɛdɛnkɛma angome ala, awie ɛnle ɛkɛ kɛ ɛ ngomekye ala; boavolɛ biala ɛnle ɛkɛ kɛ wɔmɔ yɛ Nyamenle ne ala.

1 Sam 6:20

Yemɔti Bɛte Hyimɛhyema hanle kɛ, “Nwane a kɛhola Ɛdɛnkɛma Nyamenle Nwuanzanwuanza ɛhye anyunlu gyinla a? Yɛɛ ɔvi yɛ ɛke a ɛnee nwane ɛkɛ ne yɛɛ ɔkɔ a?”