Sɛlɛ 11:41 - BAEBOLO ANZƐƐ BULUKU NWUANZANWUANZA

⁴¹ “Debie biala mɔɔ kola fo anwuma wɔ ewiade ye anu la le kyibadeɛ maa bɛ. Ɔnle kɛ bɛdi.

Sɛlɛ 11:41 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 1:20

Na Nyamenle zele kɛ, “Nzule nu anyewɔzo abɔdeɛ ngakyile muala ɛrɛla, na nloma mɔɔ tu dua anwomanyunlu la ɛrɛla.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 7:21

Abɔdeɛ biala mɔɔ wɔ azɛlɛ ye azo la, nloma, nyɛmoa, nanemgbole nee ngɛkɛba, yɛɛ menli kɔsɔɔti wule.

Sɛlɛ 11:20

“Kɛkɛba biala mɔɔ lɛ ndɛbalɛ na ɔtia egyakɛ nna azo la le kyibadeɛ maa bɛ.

Sɛlɛ 11:23

Na ngɛkɛba mɔɔ ɛha mɔɔ lɛ ndɛbalɛ nee egyakɛ nna la kɔsɔɔti le kyibadeɛ.

Sɛlɛ 11:29

“Ninyɛne mɔɔ kola fo anwuma mɔɔ anwo ɛnde na ɔnle kɛ bɛdi la a le ɛhye mɔ: abotokila, kila, kekelebetile nee ye ɛsaso, ɛbɔlɔme, ɛlɛnrɛne, bonze, awudabɛ anzɛɛ ahulukpu, yɛɛ bɔmɔnra.

Sɛlɛ 11:42

Debie biala mɔɔ twenle ɔ nwo aze anzɛɛ nane ekyi biala mɔɔ tia ndwɛlɛ nna azo anzɛɛ lɛ egyakɛ dɔɔnwo, debie biala mɔɔ kola fo anwuma wɔ azɛlɛ ye azo la, bɛmmadi, ɔluakɛ bɛle kyibadeɛ.