Sɛlɛ 11:39 - BAEBOLO ANZƐƐ BULUKU NWUANZANWUANZA

³⁹ “Saa nane biala mɔɔ bɛdi la bie wu na ɛdawɔ mɔɔ ɛkɛva ɛ sa ɛkɛha ye la, evinli baha wɔ toonwo nɔsolɛ nu.

Sɛlɛ 11:39 ပူးပေါင်းရင်းမြစ်များ

Yizikeɛle Buluku ne 4:14

Na membuale kɛ, “Kyɛkyɛ, Awulae Nyamenle! Nɔhalɛ, ɔvi me ngakula nu toonwo mɔɔ yeradwu ɛnɛ la metɛdile debie mɔɔ ɔdaye ɔ ngome yewu anzɛɛ nane kpole bie ɛtete ye nu la, yɛɛ debie nvoanle biala ɛtɛkpulale me nloa na evinli aha me.”

Sɛlɛ 11:24

“Awie biala mɔɔ kɛva ɔ sa kɛha nane ɛhye mɔ bie funli la, evinli baha ye toonwo nɔsolɛ nu: nane biala mɔɔ lɛ ndwɛlɛ ndaboa mɔɔ bɛamkpakye nu noko ɔkpu ɔkposa, yɛɛ nane biala mɔɔ lɛ ɛweɛlɛ na ye ndwɛlɛ nna la, ɔwɔ kɛ awie biala mɔɔ kɛzɔ bie funli nu la kpo ye adɛladeɛ ne mɔ, noko evinli ne mɔɔ ɛha ye la bawoa ɛkɛ ne toonwo nɔsolɛ nu.

Sɛlɛ 11:31

Bɛ nwo ɛnde ɛmmaa bɛ; awie biala mɔɔ kɛva ɔ sa kɛha bie funli la, evinli baha ye toonwo nɔsolɛ nu.

Sɛlɛ 11:38

Na saa bɛgua nzule ma ne azo na bie funli foa ko bie tɔ zolɛ a, nwolɛ ɛnde ɛmmaa bɛ.

Sɛlɛ 11:40

Awie mɔɔ kɛli nane funli ne bie la, evinli baha ye toonwo nɔsolɛ nu; yɛɛ eza ɔwɔ kɛ ɔkpo ye adɛladeɛ ne mɔ, yɛɛ evinli baha ye toonwo nɔsolɛ nu.

Sɛlɛ 14:46

Ɔba ye zɛhae a awie biala mɔɔ kɛwolo sua ne anu, wɔ mekɛ mɔɔ bɛdo nu la, evinli baha ye na ɔ nwo ɛnrɛde toonwo nɔsolɛ.

Sɛlɛ 15:15

Sɛlɛvolɛ ne bava abɔ azu; ɔbava ko yeayɛ ɛtane azubɔdeɛ na yeava ko ne yeayɛ ɛyelalɛ azubɔdeɛ, na yeayɛ mgbɔdalɛ nzɛlɛlɛ yeamaa ye wɔ Ɛdɛnkɛma anyunlu wɔ ye mrenyanu ewule ne anwo.

Sɛlɛ 15:5

Awie biala mɔɔ kɛva ɔ sa kɛha ahenle zɔhane ɛkpa la, ɔwɔ kɛ ɔkpo ye adɛladeɛ na ɔbia ɔ nwo, yɛɛ ɔwɔ evinli nu toonwo nɔsolɛ.

Sɛlɛ 15:7

Awie biala mɔɔ anwo kɛha sonla mɔɔ ye mrenyanu twi nide la, ɔwɔ kɛ ɔkpo ye adɛladeɛ na ɔbia, yɛɛ ɔwɔ evinli nu toonwo nɔsolɛ.

Sɛlɛ 16:26

Ahenle mɔɔ hɔgyakyile abɔnkye ne manle ɔhɔle Azazɛle ɛkɛ ne la bakpo ye adɛladeɛ ne mɔ na yeabia kolaa na yeara azokoɛleɛ ne.

Sɛlɛ 17:15

“Awie biala mɔɔ kɛli nane mɔɔ ɔdaye ɔ ngome yewu anzɛɛ nanemgbole bie ɛtete ye la, saa ɔle Yizilayɛnli o, ɔle ɛyɛvolɛ o, ɔwɔ kɛ ɔkpo ye adɛladeɛ ne mɔ na ɔbia, yɛɛ ɔ nwo ɛnrɛde toonwo nɔsolɛ, ɛnee bɔ zo mɔɔ ɔ nwo ɛde a.

Sɛlɛ 22:4

“Aalɔn abo zo sonla biala mɔɔ le kokobɛvolɛ anzɛɛ anwo twihwi nzule la ɛnlɛ adenle ɛnli aleɛ nwuanzanwuanza ne mɔ bie, kyesɛ ɔ nwo ɛza na ɔ nwo ɛde. Eza awie mɔɔ kɛva ɔ sa kɛha funli anzɛɛ awie mɔɔ anla boɛ la, evinli ɛha ye.

Sɛlɛ 22:6

Awie biala mɔɔ evinli kɛha ye wɔ ndenle zɛhae mɔ bie anu la anwo ɛnrɛde toonwo aledwolɛ, yɛɛ ɔnle kɛ ɔdi aleɛ nwuanzanwuanza ne bie, kyesɛ ɔbia kolaa.

Sɛlɛ 22:8

Debie mɔɔ ɔdaye ɔ ngome ɔkɛwu anzɛɛ nanemgbole bie kɛtete ye la, saa bɛfa bɛ sa bɛka ye a, ɛnee evinli ɛha bɛ Medame a mele Ɛdɛnkɛma a.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 19:11

“Awie biala mɔɔ kɛva ɔ sa kɛha funli la ɛnee evinli ɛha ye toonwo kenle nsuu.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 19:16

Saa awie fa ɔ sa ka sonla mɔɔ bɛhu ye anzɛɛ ɛwu ɔ ti anwo ewule wɔ ɛbɔ nu anzɛɛ saa awie fa ɔ sa ka sonla funli bowule anzɛɛ ɔfa ɔ sa ɔka sɛka a, ɛnee evinli ɛha ye toonwo kenle nsuu.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 19:7

Ɔyɛ ɛhye ɔwie a akee ɔkpo ye adɛladeɛ ne mɔ, ɔbia ɔ nwo na ɔzia ɔhɔ azokoɛleɛ ne bieko, noko ɛnee ɔtɛbɔ evinli nu, kyesɛ nɔsolɛ nu kolaa na yeawie ye evinli ne tu.