Sɛlɛ 11:32 - BAEBOLO ANZƐƐ BULUKU NWUANZANWUANZA

³² Saa bie wu, na debie biala mɔɔ ɔkɛdɔ zolɛ la, saa baka o, ɛdanlɛ o, nwoma o, kodoku o, debie biala mɔɔ bɛfa bɛyɛ debie a ɔyɛ boɛ la, ɛnee deɛ zɔhane, evinli ɛha ye; ɔwɔ kɛ bɛwula ye nzule nu, na nwolɛ ɛnrɛde toonwo nɔsolɛ na nwolɛ ade.

Sɛlɛ 11:32 ပူးပေါင်းရင်းမြစ်များ

Sɛlɛ 11:31

Bɛ nwo ɛnde ɛmmaa bɛ; awie biala mɔɔ kɛva ɔ sa kɛha bie funli la, evinli baha ye toonwo nɔsolɛ nu.

Sɛlɛ 14:46

Ɔba ye zɛhae a awie biala mɔɔ kɛwolo sua ne anu, wɔ mekɛ mɔɔ bɛdo nu la, evinli baha ye na ɔ nwo ɛnrɛde toonwo nɔsolɛ.

Sɛlɛ 15:12

Dwora biala mɔɔ ahenle mɔɔ ye mrenyanu twi nide la kɛva ɔ sa kɛha ye la, ɔwɔ kɛ bɛbɔ ye. Saa dwora ne le baka dwora a, yemɔ ɔwɔ kɛ bɛkpuda nu kpalɛ kpalɛ.

Sɛlɛ 15:15

Sɛlɛvolɛ ne bava abɔ azu; ɔbava ko yeayɛ ɛtane azubɔdeɛ na yeava ko ne yeayɛ ɛyelalɛ azubɔdeɛ, na yeayɛ mgbɔdalɛ nzɛlɛlɛ yeamaa ye wɔ Ɛdɛnkɛma anyunlu wɔ ye mrenyanu ewule ne anwo.

Sɛlɛ 16:26

Ahenle mɔɔ hɔgyakyile abɔnkye ne manle ɔhɔle Azazɛle ɛkɛ ne la bakpo ye adɛladeɛ ne mɔ na yeabia kolaa na yeara azokoɛleɛ ne.

Sɛlɛ 17:15

“Awie biala mɔɔ kɛli nane mɔɔ ɔdaye ɔ ngome yewu anzɛɛ nanemgbole bie ɛtete ye la, saa ɔle Yizilayɛnli o, ɔle ɛyɛvolɛ o, ɔwɔ kɛ ɔkpo ye adɛladeɛ ne mɔ na ɔbia, yɛɛ ɔ nwo ɛnrɛde toonwo nɔsolɛ, ɛnee bɔ zo mɔɔ ɔ nwo ɛde a.

Sɛlɛ 22:6

Awie biala mɔɔ evinli kɛha ye wɔ ndenle zɛhae mɔ bie anu la anwo ɛnrɛde toonwo aledwolɛ, yɛɛ ɔnle kɛ ɔdi aleɛ nwuanzanwuanza ne bie, kyesɛ ɔbia kolaa.

Sɛlɛ 6:28

Siase ne mɔɔ bɛkɛdo ye nu la, ɔwɔ kɛ bɛbɔ ye. Na saa bɛto ye wɔ kɔbele siase nu a, ɔwɔ kɛ bɛtwi nu na bɛfa nzule bɛnrinzi nu.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 19:15

Dwora anzɛɛ buakɛ biala mɔɔ ɛnlɛ ɔ ti na ɔwɔ ndanlɛ sua ne anu la ɛnee evinli ɛha ye.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 19:7

Ɔyɛ ɛhye ɔwie a akee ɔkpo ye adɛladeɛ ne mɔ, ɔbia ɔ nwo na ɔzia ɔhɔ azokoɛleɛ ne bieko, noko ɛnee ɔtɛbɔ evinli nu, kyesɛ nɔsolɛ nu kolaa na yeawie ye evinli ne tu.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:14

Gyisɛse Kelaese vale ɔ nwo manle wɔ yɛ ti kɛ ɔbaye yɛ yeavi amumuyɛ muala anu, na yeayɛ yɛ ye menli mɔɔ anwo te na yɛle ɔ ngomekye ye ɛdeɛ la, amaa yɛ nye abolo kɛ yɛkɛyɛ kpalɛ.

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:5

ɔliele yɛ ngoane. Tɛ gyima kpalɛ mɔɔ yɛyɛle la ati ɔ, na ɔse anwunvɔne la ati ɔ. Ɔluale nzule awolɛ fofolɛ ne, mɔɔ le ɛbɛlabɔlɛ fofolɛ ne mɔɔ Sunsum Nwuanzanwuanza ne fa maa la azo a ɔwole yɛ bieko a.