Sɛlɛ 10:9 - BAEBOLO ANZƐƐ BULUKU NWUANZANWUANZA

⁹ “Mmano nza nwanye anzɛɛ nza ɛsesebɛ. Ɛdawɔ o, anzɛɛ ɛ mra mrenya ne mɔ o, bɛmmano nza kolaa na bɛahɔ Ɛdɛnkɛma Ndanlɛ Sua ne anu, anrɛɛ bɛkɛwu. Ɛhye bayɛ mɛla ala ɛkɛ dahuu amaa wɔ awolɛndoazo kɔsɔɔti.

Sɛlɛ 10:9 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 27:21

Aalɔn nee ɔ mra mrenya ne mɔ a ɔwɔ kɛ nea sɔ kɛnlaneɛ ne mɔɔ wɔ Ndanlɛ Sua ne anu mgbɛnu ɛdanlɛ ne mɔɔ wɔ Ngyekyeleɛ Ɛlɛka ne anyunlu la a, yɛɛ ɔwɔ kɛ ɔsɔ ɔgyinla me nyunlu ɛkɛ ɔvi nɔsolɛ toonwo alehyenlɛ. Yizilayɛma nee bɛ bo zo amra ɔwɔ kɛ sie mɛla ɛhye dahuu.

Mrɛlɛbulɛ Buluku ne 20:1

Nwanye ɛnlonlɛ maa bɛsi sonla amgbu; nza ɛsesebɛ ɛnlonlɛ maa sonla gyibi; sonla mɔɔ kɛmaa nza kɛgya ye la ɛnze nrɛlɛbɛ.

Ayezaya Buluku ne 28:7

Menli ɛhye mɔ noko no nwanye bo yɛɛ bɛno nza ɛsesebɛ bɛtinda. Sɛlɛvolɛma nee Nyamenle kpɔmanvolɛma no nza ɛsesebɛ tinda. Nwanye maa bɛ adwenle ka bɔ nu yɛɛ nza ɛsesebɛ maa bɛtinda. Bɛfo wɔ bɛ ɛnyelɛzodeɛnwunlɛ nu, yɛɛ bɛmbua ndɛne fɔɔnwo.

Yizikeɛle Buluku ne 44:21

Ɔnle kɛ sɛlɛvolɛ biala no nza na yeahɔwolo Ɛzonlenlɛ Sua ne akunlu lɔ.

Hozia Buluku ne 4:11

Ɛdɛnkɛma se, “Nwanye, dɛba o, fofolɛ o, sɛkye me menli ne ndelebɛbo!

Sɛlɛ 10:8

Na Ɛdɛnkɛma dendɛle hilele Aalɔn kɛ,

Sɛlɛ 3:17

Ɔwɔ kɛ ɛhye yɛ mɛla mɔɔ wɔ ɛkɛ ne dahuu wɔ bɛ awolɛndoazo kɔsɔɔti anu, wɔ ɛleka biala mɔɔ bɛde la; ɔnle kɛ bɛdi nane ɛnlome anzɛɛ mogya.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 6:20

Akee sɛlɛvolɛ ne to bɛ ehono maa Ɛdɛnkɛma kɛ ehono azubɔdeɛ. Bɛle azubɔdeɛ nwuanzanwuanza mɔɔ le sɛlɛvolɛ ne ɛdeɛ na bɛfa bɛboka boane nyinli ne akɛnrazo ne nee ye ndwɛlɛ ne mɔɔ le maamɛla kɛ sɛlɛvolɛ ne ɛdeɛ ɔ la anwo. Ɛhye wie a, sonla ne mɔɔ dule ɔ nwo ziele ɛkɛ manle Ɛdɛnkɛma la kola no nza.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 6:3

ɔnle kɛ ɔno nwanye nee nza ɛsesebɛ biala. Ɔnle kɛ ɔno nzanvinli anzɛɛ nza biala mɔɔ bo la, anzɛɛ debie mɔɔ bɛva vanye ma nzule bɛyɛ la, yɛɛ ɔmmadi vanye ma amolɛ anzɛɛ welera.

Edwɛkpa ne kɛmɔ Luku hɛlɛle la 1:15

Ɔbayɛ sonlakpole wɔ Awulae anyunlu. Ɔnle kɛ ɔno nwanye anzɛɛ nza ɛsesebɛ biala. Sunsum Nwuanzanwuanza ne bawolo ye, bɔbɔ, wɔ mekɛ mɔɔ ɔla ɔ nli akunlu la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:18

Bɛgyakyi nza ɛbolɛ na ɔsɛkye bɛ; bɛmaa Sunsum ne ɛyi bɛ tɛkɛɛ.

1 Tem 3:3

ɔnle kɛ ɔyɛ nzanli anzɛɛ ɔdi mgbonde; ɔwɔ kɛ ɔyɛ sonla bɛtɛɛ mɔɔ kyi manzonle; ɔnle kɛ ɔ nye bolo ezukoa.

1 Tem 3:8

Zɔhane ala yɛɛ ɔwɔ kɛ asɔne nu boavolɛma yɛ menli mɔɔ lɛ subane kpalɛ na bɛdi nɔhalɛ a; ɔnle kɛ bɛyɛ nzama anzɛɛ bɛyɛ ezukoa nwo anyebolo.

1 Tem 5:23

Mmano nzule ngome ala, ɛ ko ne nee ɛ nwo ne mɔɔ toto wɔ wazowazo la ati, anrɛɛ no nwanye ekyi.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:7

Ɔluakɛ, kɛmɔ asɔne neavolɛ ne gyi Nyamenle gyima ne ati la, ɔnle kɛ ɔ nwo nyia ngehanleɛ, ɔnle kɛ ɔmemaa ɔ nwo zo anzɛɛ ɔnyia ahonle kpole. Ɔnle kɛ ɔyɛ nzanli anzɛɛ ɔ sa yɛ kpokpo, ɔnle kɛ ɔ nye bolo ezukoa.