Sɛlɛ 10:3 - BAEBOLO ANZƐƐ BULUKU NWUANZANWUANZA

³ Na Mosisi zele Aalɔn kɛ, “Ɛdɛnkɛma se, ‘Mekile meamaa menli mɔɔ bikye me la anwu kɛ mele nwuanzanwuanza, na meamaa menli ne amuala anwu me anyunlunyia ne.’ ” Na Aalɔn andɛ ɔ nloa anu.

Sɛlɛ 10:3 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 18:25

Munzule ɛhɔ ɛbɔ nu, kɛ ɛkɛyɛ debie mɔɔ le zɛhae, na ɛkɛhu tenlenema ɛkɛboka amumuyɛma, na ɛkɛmaa tenlenema kɛwie ye kɛ amumuyɛma la. Ɛhye ɛmbɔnle ɛ nwo! Asoo azɛlɛ ye amuala ndɛnebuavolɛ ɛnrɛli pɛlepɛle?”

Dwobu Buluku ne 2:10

Dwobu buale ye kɛ, “Ɛtendɛ kɛ mraalɛ ahɔnwɔne ne mɔ anu ko tendɛ la. Saa Nyamenle kyɛ yɛ ninyɛne kpalɛ a, yemɔ yɛdie. Na saa anwubɛnyunlu to yɛ a, ɛnee duzu ati a ɔwɔ kɛ yɛkpo ye amunli a?” Wɔ amaneɛnwunlɛ ɛhye mɔ amuala anu Dwobu anloa anvula edwɛkɛ ɛtane antia Nyamenle.

Edwɛndolɛ Buluku ne 119:120

Wɔ ɛzulolɛ ti me nwo wozo me, yɛɛ mesulo wɔ ndɛnebualɛ ne mɔ.

Edwɛndolɛ Buluku ne 148:14

Yemaa ye menli ne anwosesebɛ, amaa Nyamenle menli ne aye ye ayɛlɛ, ye menli Yizilayɛma mɔɔ la ye ahonle nwo. Bɛye Ɛdɛnkɛma ayɛlɛ!

Edwɛndolɛ Buluku ne 39:10

Gyakyi me ɛbolɛ; wɔ adɛka ne mɔ ɛbo me nwo zo.

Edwɛndolɛ Buluku ne 39:9

Medɔ mumule, membuke me nloa, ɔluakɛ ɛdawɔ yɛɛ wɔyɛ a.

Edwɛndolɛ Buluku ne 46:10

Ɔse: “Bɛgyinla diinyi, na bɛnwu kɛ medame a mele Nyamenle a. Mebo maanle maanle kɔsɔɔti anwo zo, mebo ewiade amuala anwo zo.”

Edwɛndolɛ Buluku ne 89:7

Ɔle Nyamenle mɔɔ nwuanzanwuanzama ayia ne sulo ye a; ɔle kpole, ɔ nwo yɛ ɛzulolɛ tɛla bɛdabɛ mɔɔ bɛbɔ bɛyia ye la.

Edwɛndolɛ Buluku ne 93:5

Wɔ mɛla ne mɔ di munli; nwuanzanwuanzayɛlɛ fɛta wɔ sua nu, O Ɛdɛnkɛma, wɔ mekɛ mɔɔ ɛnlɛ awieleɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 14:17

Mebamaa Yigyibitima ahonle ayɛ se, bɛbadoa bɛ na ɛhye bamaa meali konim meanyia me nyunlu wɔ Yigyibiti belemgbunli ne nee ye ɛlɔnema, ye konle ehwili ne mɔ, nee ye konlema mɔɔ ka mgbɔnwɔ la ɛkɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 14:4

Mebamaa belemgbunli ne ahonle ayɛ se, na yeadoa bɛ, na meanyia anyunlunyia wɔ belemgbunli ne nee ye ɛlɔnema ne kɔsɔɔti anyunlu, amaa Yigyibitima anwu kɛ medame a mele Ɛdɛnkɛma a.” Na Yizilayɛma yɛle mɔɔ bɛhanle bɛhilele bɛ la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 19:22

Eza maa sɛlɛvolɛma ne mɔ mɔɔ bikye Ɛdɛnkɛma la ɛnlua bɛ nwo na anrɛɛ Ɛdɛnkɛma kɛdua bɛ kakɛ.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 19:24

Na Ɛdɛnkɛma zele yɛ kɛ, “Dwu aze na ɛ nee Aalɔn bɛrɛla. Mmamaa sɛlɛvolɛma nee menli ne tɛla anyiane ne ba medame Ɛdɛnkɛma me nwo ɛke, anrɛɛ menwɔdua bɛ kakɛ.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 30:30

Kpokpa Aalɔn nee ɔ mra mrenya ne mɔ nwole na tu bɛ sie ɛkɛ maa me maa bɛzonle me kɛ bɛle me sɛlɛvolɛma.

Ayezaya Buluku ne 39:8

Belemgbunli Hɛzikaya dele ɛhye abo kɛ ɔ nwo badɔ ye, ɔ nzo nu adwo ye wɔ mekɛ mɔɔ ɔde aze la, yemɔti ɔbuale Ayezaya kɛ, “Nrɛlaleɛ mɔɔ ɛ nee ye vi Ɛdɛnkɛma ɛkɛ ne ɛra la ɛnle ɛtane.”

Ayezaya Buluku ne 49:3

Na ɔzele me kɛ, “Ɛle me sonvolɛ, Yizilayɛ, wɔmɔ ɛ ti, menli baye me ayɛlɛ.”

Ayezaya Buluku ne 52:11

Bɛhɔ, bɛhɔ, bɛvi Babelonia bɛdwazo bɛhɔ, bɛmmafa bɛ sa bɛka debie biala mɔɔ evinli ɛha ye la. Bɛhɔ na bɛhɔnlua bɛ nwo, bɛmɛ mɔɔ bɛsoa Ɛdɛnkɛma dwora ne mɔ la.

Yizikeɛle Buluku ne 20:41

Saa me nee bɛ vi menli ngakyile nee maanle maanle mɔɔ mendole bɛ memkpondenle nu la anu sia ba a, mebalie bɛ kɛ azubɔlɛ evuanlɛ, na meahile me nwuanzanwuanzayɛlɛ ne wɔ bɛ avinli meamaa maanle maanle kɔsɔɔti anwu ye.

Yizikeɛle Buluku ne 28:22

Awulae Nyamenle ne se, ‘Saedɛn, meyɛ wɔ kpɔvolɛ, na mebamaa menli aye me ayɛlɛ wɔ wɔmɔ ɛ ti. Bɛbanwu kɛ medame a mele Ɛdɛnkɛma a, wɔ mekɛ mɔɔ me nee wɔ kɛli, kɛmɔ ɔfɛta na menwɔlua ɛ nwo zo menwɔye me nwuanzanwuanzayɛlɛ ne menwɔhile la.

Yizikeɛle Buluku ne 38:16

wɔara me menli Yizilayɛma anwo zo kɛ amungu la wɔaraheda maanle ne azo. Mekɛ ne mɔɔ li amozi la anu, mebamaa wɔara me azɛlɛ ne azo, na saa medua ɛdawɔ Gɔɔgo ɛ nwo zo meye me nwuanzanwuanzayɛlɛ ne mekile a, maanle maanle kɔsɔɔti anwu me.

Yizikeɛle Buluku ne 40:46

Ekpumgbunli ne noko mɔɔ wɔ nyiakɛ na ɔ nye kɔne ɛbɔ nu la le sɛlɛvolɛma mɔɔ yɛ gyima wɔ azukponle ne azo la ɛdeɛ. Sɛlɛvolɛma ɛhye mɔ amuala le Zeedɔko abo zo amra, na bɛmɛ ala a bɛwɔ Livae abusua ekpunli ne anu, mɔɔ ɔwɔ kɛ bɛdi gyima mɔɔ le zɛhae, bɛbikye Ɛdɛnkɛma na bɛsonle ye a.”

Yizikeɛle Buluku ne 42:13

Akee nrenya ne zele me kɛ, “Sua ne mɔɔ gyi ɛbɔ nu afoa nu nee ko ne mɔɔ gyi nyiakɛ la le azua mɔɔ anwo te a. Ɛkɛ ne ekpumgbunli ne mɔ anu yɛɛ sɛlɛvolɛma mɔɔ finde Ɛdɛnkɛma anyunlu la bali bɛ aleɛ nwuanzanwuanza ne mɔ a. Ɛkɛ ne yɛɛ bɛbava aleɛ nwuanzanwuanza ne mɔ mɔɔ le ma azubɔdeɛ, ɛtane azubɔdeɛ, yɛɛ abozozielɛ azubɔlɛ ninyɛne ne mɔ bazie a, ɔluakɛ ɛleka ne le nwuanzanwuanza.

Sɛlɛ 21:15

Saa yeanyɛ ye zɔhane a ɔ mra mɔɔ ɔbawo bɛ la, biala anwo ɛnrɛde, ɔluakɛ medame a mele Ɛdɛnkɛma mɔɔ mete ɔ nwo a.”

Sɛlɛ 21:17

“Ka kile Aalɔn kɛ ɔvi ɛnɛ mɔɔ kɔ la, wɔ bɛ awolɛndoazo ne mɔ amuala anu, ɔ bo zo amra ne anu biala mɔɔ anwo lɛ dɛne la ɛnle kɛ bikye me kɛ ɔfa aleɛ yeabɔ azu yeamaa ye Nyamenle.

Sɛlɛ 21:21

na ɔle Sɛlɛvolɛ Aalɔn abo zo amra ne bie la anwo lɛ dɛne. Ɔnle kɛ ɔbikye me kɛ ɔbɔ ɛyelalɛ azu yeamaa Ɛdɛnkɛma Suzuamgba ala mɔɔ ɔ nwo lɛ dɛne la, ɔnle kɛ ɔbikye me kɛ ɔfa aleɛ yeabɔ azu yeamaa ye Nyamenle ne.

Sɛlɛ 21:6

Ɔwɔ kɛ bɛmaa bɛ nwo te maa bɛ Nyamenle; ɔnle kɛ bɛgua bɛ Nyamenle ne anwo evinli. Ɔluakɛ bɛmɛ yɛɛ bɛbɔ ɛyelalɛ azu bɛmaa Ɛdɛnkɛma na eza bɛbɔ aleɛ azu bɛmaa bɛ Nyamenle ne a. Yemɔti ɔwɔ kɛ bɛmaa bɛ nwo te.

Sɛlɛ 21:8

Ɔwɔ kɛ ɛtu ye ɛsie ahane ɛmaa Nyamenle, ɔluakɛ ɔdaye a ɔfa aleɛ ɔbɔ azu ɔmaa wɔ Nyamenle ne a; ɔwɔ kɛ ɔ nwo te maa wɔ, ɔluakɛ medame, Ɛdɛnkɛma, mɔɔ mete ɛ nwo la, mele nwuanzanwuanza.

Sɛlɛ 22:9

“Yemɔti bɛli me mɛla zo na anrɛɛ bɛkɛli ɛzonle na bɛkɛwu kɛ bɛvonle me mɛla ne a; medame a mele Ɛdɛnkɛma mɔɔ maa bɛ nwo te a.

Sɛlɛ 8:35

Bɛdɛnla Ɛdɛnkɛma Ndanlɛ Sua ne anuhɔlɛ ne nɔɔzo nee ewiazo kenle nsuu, bɛyɛ mɔɔ Ɛdɛnkɛma ɛze bɛ la, anrɛɛ bɛkɛwu, ɔluakɛ zɔhane ala yɛɛ Ɛdɛnkɛma ɛze me a.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 16:5

ɔhanle ɔhilele Kɔla nee ɔ sa zo ne mɔ kɛ, “Ɛhyema nwonlomɔ Ɛdɛnkɛma bahile yɛ sonla holɛ ko mɔɔ le ye ɛdeɛ, na ɔle nwuanzanwuanza, na ɔkɛmaa ye adenle kɛ ɔbikye ye la; mɔɔ ɔdaye ɔkɛye ye la babikye ye.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 20:12

Na Ɛdɛnkɛma zele Mosisi nee Aalɔn kɛ, “Kɛmɔ bɛanlie me bɛanli, bɛammaa Yizilayɛma annwu me kpoleyɛlɛ ne bɛdabɛ bɛ nye zo la, bɛnrɛli menli ɛhye mɔ ati bɛ nee bɛ ɛnrɛdwu azɛlɛ ne mɔɔ meva memaa bɛ la azo.”

Edwɛkpa ne kɛmɔ Mateyu hɛlɛle la 10:37

“Mɔɔ kulo ɔ ze anzɛɛ ɔ nli tɛla me la ɛnfɛta kɛ ɔkɛyɛ me ɛdoavolɛ, yɛɛ mɔɔ kulo ɔ ra nrenya anzɛɛ ɔ ra raalɛ tɛla me la ɛnfɛta kɛ ɔkɛyɛ me ɛdoavolɛ.

Dw 12:28

Egya, maa anyunlunyia ɛha wɔ duma ne.” Ɔhanle ɛhye la, ɛnelɛ bie vi anwuma zele kɛ, “Mewula ye anyunlunyia dɛba, na mebawula ye bieko.”

Dw 14:13

yɛɛ mɔɔ bɛkɛbiza ye biala wɔ me duma nu la, mebayɛ, amaa bɛalua Ralɛ ne anwo zo bɛaye Selɛ ne anyunlunyia bɛahile.

Mɛla 32:51

Ɔboalekɛ bɛ mu nwiɔ bɛanli nɔhalɛ bɛammaa me wɔ Yizilayɛma anyunlu wɔ Mɛleba, mɔɔ zua Keedɛhye nzule ne mɔ anloa wɔ Zen fienemgbole ne anu la. Ɔboalekɛ bɛanli me eni bɛanzonle me kɛ mele nwuanzanwuanza bɛangile Yizilayɛma.

2 Tɛs 1:10

Ɛhye bazi mekɛ mɔɔ Kenle ne kɛdwu na Kelaese kɛra kɛ ɔbalie ye anyunlunyia nee enililɛ yeavi ye menli ne nee bɛdabɛ mɔɔ bɛdie ye bɛdi la ɛkɛ ne la. Bɛdabɛ noko bɛbaboka Nyamenle menli ne anwo, ɔboalekɛ bɛlie ye edwɛkɛ ne mɔɔ yɛhanle yɛhilele bɛ la bɛli.

1 Pit 4:17

Mekɛ ne ɛdwu mɔɔ ɔwɔ kɛ bɛbɔ ndɛnebualɛ ne abo a, na Nyamenle menli ne yɛɛ bɛbalumua bɛabua bɛ ndɛne a. Na saa ndɛnebualɛ ne bɔ ɔ bo wɔ yɛ nwo zo a, ɛnee kɛ ɔkɛzi ɔkɛwie ye wɔ menli mɔɔ ɛnlie Edwɛkpa ne mɔɔ vi Nyamenle ɛkɛ ne la ɛnli la anwo zo ɛ?

1 Sam 2:30

Zɔhane ati, medame, Yizilayɛ Ɛdɛnkɛma Nyamenle, mese: membɔle ɛwɔkɛ kɛ wɔ abusua ne nee ɛ bo zo amra bayɛ me sɛlɛvolɛma dahuu ɛdeɛ na kɛkala, mese wɔ kɛ ɔnrɛyɛ zɔhane bieko. Mebali menli mɔɔ di me eni la eni; na menrɛbu bɛdabɛ mɔɔ bɛkpo me la ɛhwee.

1 Sam 3:18

Yemɔti Samoɛle anva debie biala anvea ye; ɔhanle debie biala mɔɔ ɔnwunle ye nee mɔɔ ɔdele la ɔhilele ye. Na Yilae zele ye kɛ, “Ɔdaye a ɔle Ɛdɛnkɛma a; ɔyɛ debie biala mɔɔ ɔdaye ɔnea a ɔle kpalɛ la.”

1 Sam 6:20

Yemɔti Bɛte Hyimɛhyema hanle kɛ, “Nwane a kɛhola Ɛdɛnkɛma Nyamenle Nwuanzanwuanza ɛhye anyunlu gyinla a? Yɛɛ ɔvi yɛ ɛke a ɛnee nwane ɛkɛ ne yɛɛ ɔkɔ a?”