Sɛlɛ 10:19 - BAEBOLO ANZƐƐ BULUKU NWUANZANWUANZA

¹⁹ Aalɔn buale Mosisi kɛ, “Nea, ɛnɛ bɔbɔ mɔɔ bɛva bɛ ɛtane azubɔdeɛ nee bɛ ɛyelalɛ azubɔdeɛ bɛra Ɛdɛnkɛma anyunlu la, nea mɔɔ ɛzi me nwo zo la. Saa menlile ɛtane azubɔdeɛ ne ɛnɛ a, anrɛɛ ɛnee ɛnea a, ɔkɛzɔ Ɛdɛnkɛma anye ɔ?”

Sɛlɛ 10:19 ပူးပေါင်းရင်းမြစ်များ

Ayezaya Buluku ne 1:11

Ɔse, “Bɛ azubɔlɛ bebelebe ne ɛnzɔ me nye. Bɛ mboane ɛyelalɛ azubɔdeɛ ne mɔ nee bɛ nane mɔɔ ɛlɔ la anu ɛnlome azubɔdeɛ ne mɔɔ bɛfa bɛmaa me la ɛyɛ boɛ. Me nye ɛnlie nlankɛ, mboane mralɛ anzɛɛ mbɔnkye nyinli mogya nwo bieko.

Ayezaya Buluku ne 1:15

“Saa bɛtɛlɛ bɛ sa nu kɛ bɛyɛ nzɛlɛlɛ a, mebaye me nye meado ɛbɔ nu. Bɛyɛ nzɛlɛlɛ dɔɔnwo kɛyɛ nyɛ bɔbɔ a, menrɛdie. Bɛ sa anwo le mogya ngome.

Gyɛlɛmaya Buluku ne 14:12

Saa bɛkye nwolɛ ɛhɔne bɔbɔ a, menrɛdie bɛ ɛzunlɛ, yɛɛ saa bɛfa ɛyelalɛ azubɔdeɛ anzɛɛ ma azubɔdeɛ bɛba me nyunlu a, me nye ɛnrɛzɔ ye. Mebava mealua konle, ɛhɔne, yɛɛ anwonyane nu meayela bɛ wee.”

Gyɛlɛmaya Buluku ne 6:20

Kɛ meyɛ ɛyɛlɛ ne mɔɔ bɛ nee ye vi Hyiba ɛrɛlɛ me la ɛ? Anzɛɛ kɛ meyɛ aleɛdonlɛ ninyɛne evuanlɛ mɔɔ bɛ nee bɛ vi maanle zo moa moa ɛrɛlɛ me la ɛ? Menrɛlie bɛ ɛyelalɛ azubɔdeɛ ne mɔ, yɛɛ bɛ azubɔlɛ ne mɔ ɛnzɔ me nye.”

Hozia Buluku ne 9:4

Wɔ maanle zɔhane mɔ anu, bɛnrɛgua nwanye aze bɛnrɛye ɛdɛne bɛnrɛmaa Ɛdɛnkɛma, yɛɛ bɛ azubɔlɛ ne mɔ ɛnrɛzɔ ɔ nye. Bɛ aleɛ bayɛ kɛ ɛzɛne aleɛ; awie biala mɔɔ kɛli bie la, evinli baha ye, ɔluakɛ bɛbali bɛava bɛakpɔda bɛ ko ala; bɛnrɛva bie bɛnrɛyɛ azubɔdeɛ bɛnrɛhɔ Ɛdɛnkɛma Ɛzonlenlɛ Sua ne anu.

Sɛlɛ 10:20

Mɔɔ Mosisi dele ɛhye la, ɔ kunlu dwole.

Sɛlɛ 9:12

Akee Aalɔn hunle ɛyelalɛ azubɔdeɛ ne; ɔ mra mrenya ne mɔ vale mogya ne hɔmanle ye, na ɔdole ɔguale azukponle ne anwo amuala ɔyiale.

Sɛlɛ 9:8

Yemɔti Aalɔn hɔle azukponle ne anwo na ɔhunle ɔdaye ye ɛtane azubɔdeɛ ɛnlankɛ ne.

Malakae Buluku ne 1:10

Ɛdɛnkɛma se, “Anrɛɛ bɛ nuhua ko ahɔtoto Ɛzonlenlɛ Sua ne nlenkɛ ne mɔ anu amaa bɛanzɔ senle wɔ me azukponle ne azo mgbane mgbane. Me kunlu ɛndwo bɛ nwo yɛɛ menrɛlie bɛ sa nu azubɔdeɛ biala.

Malakae Buluku ne 1:13

Bɛmɛ, bɛ edwɛkɛ a le kɛ, ‘Duzu ɛvɛlɛ a le ɛhye?’ Bɛka ɛhye na bɛakpobi bɛ nloa. “Saa bɛbabɔ azu a bɛfa nane mɔɔ bɛwuale, anzɛɛ ɛbubu anzɛɛ ewule ɛha ye la a bɛyɛ azubɔdeɛ bɛbɛlɛ me a. Asoo medie ɛhye a ɔyɛ boɛ?

Malakae Buluku ne 2:13

Debie bieko mɔɔ eza bɛyɛ la ɛne: Bɛtwi monle wɔ Ɛdɛnkɛma azukponle ne azo. Bɛsu na bɛdi nyane bɛ nuhua kɛ ɛnɛ ɔnlie bɛ azubɔlɛ ninyɛne ne mɔ, yɛɛ ɔ nye ɛnlie nwolɛ.

Mɛla 12:7

Na ɛkɛ ne, wɔ Ɛdɛnkɛma bɛ Nyamenle ne mɔɔ ɛyila bɛ la anyunlu, bɛ nee bɛ sua nu amra bali na bɛ nye alie wɔ ninyɛne kpalɛ mɔɔ Ɛdɛnkɛma ɛva ɛmaa bɛ la ati.

Mɛla 26:14

Nyane dole me la, meanli ngyɛnu bulu ɛkpɔ ko ne bie. Evinli hanle me wɔ me nyamenlezonlenlɛ nu la, meangɔ nwolɛ meangɔnye bie, yɛɛ meanva bie meambɔ azu meammaa mɔwuamra. Medie Ɛdɛnkɛma me Nyamenle ne ane na meyɛ mɔɔ ɛhyehyɛle ɛmanle me la amuala.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:4

Bɛmaa bɛ nye ɛlie dahuu kɛ bɛle Awulae ɛdeɛ a; mesi zo bieko: bɛmaa bɛ nye ɛlie!

Kɛlata mɔɔ bɛhɛlɛle bɛhɔmanle Hibuluma la 7:27

Ɔnle kɛ sɛlɛvolɛ mgbanyinli ɛhendeɛ ne mɔ, mɔɔ ɔwɔ kɛ kɔ azukponle nwo kenle biala, kɛ bɛkabɔ bɛ ɛtane nwo azu na bɛabɔ bie bɛamaa awie mɔ la. Ɔvale ɔ nwo ɔbɔle azu ne kokye ala.

Kɛlata mɔɔ bɛhɛlɛle bɛhɔmanle Hibuluma la 9:8

Sunsum Nwuanzanwuanza ne ngilehilelɛ mɔɔ wɔ ngyekyeleɛ ɛhye anwo la kile kɛ suzuamgba ala mɔɔ findezo ndanlɛ sua ne ɛtɛyele ɛkɛ ne la, adenle biala ɛnle ɛkɛ mɔɔ bɛfa nu bɛkɔ Nwuanzanwuanza nu Nwuanzaanwu Ɛleka ne a.