Sɛlɛ 10:13 - BAEBOLO ANZƐƐ BULUKU NWUANZANWUANZA

¹³ Ɔwɔ kɛ bɛdi ye wɔ ɛleka mɔɔ te la, ɔboalekɛ ɔle ɛdawɔ nee ɛ mra mrenya ne mɔ afoa nu ɛdeɛ, mɔɔ vi ɛyelalɛ azubɔdeɛ ne mɔɔ bɛvale bɛmanle Ɛdɛnkɛma la anu. Ɔluakɛ zɔhane yɛɛ bɛze me a.

Sɛlɛ 10:13 ပူးပေါင်းရင်းမြစ်များ

Yizikeɛle Buluku ne 42:13

Akee nrenya ne zele me kɛ, “Sua ne mɔɔ gyi ɛbɔ nu afoa nu nee ko ne mɔɔ gyi nyiakɛ la le azua mɔɔ anwo te a. Ɛkɛ ne ekpumgbunli ne mɔ anu yɛɛ sɛlɛvolɛma mɔɔ finde Ɛdɛnkɛma anyunlu la bali bɛ aleɛ nwuanzanwuanza ne mɔ a. Ɛkɛ ne yɛɛ bɛbava aleɛ nwuanzanwuanza ne mɔ mɔɔ le ma azubɔdeɛ, ɛtane azubɔdeɛ, yɛɛ abozozielɛ azubɔlɛ ninyɛne ne mɔ bazie a, ɔluakɛ ɛleka ne le nwuanzanwuanza.

Sɛlɛ 10:12

Mosisi zele Aalɔn nee ɔ mra mrenya nwiɔ ne mɔɔ ɛha la, Ɛlieza nee Yetamaa kɛ, “Bɛva ma azubɔdeɛ ne mɔɔ bɛyelale bɛbɔle azu bɛmanle Ɛdɛnkɛma la abo ne mɔɔ ɛha la, bɛmmafa mgbɔvonle bɛwula nu, na bɛli wɔ azukponle ne anwo ɛkɛ, ɔluakɛ ɔle nwuanzanwuanza kpalɛ kpalɛ.

Sɛlɛ 10:14

Na nane ne akɛnra azo ne mɔɔ bɛdo ye ehono la nee ye ɛzɔlɛ ne mɔɔ bɛva bɛbɔ azu ne la, bɛli wɔ ɛleka mɔɔ te la Ɛdawɔ, ɛ mra ne mɔ, yɛɛ ɛ mra mraalɛ ne mɔ a ɔwɔ kɛ di a Ɔluakɛ bɛva bɛmaa kɛ ɛdawɔ nee ɛ mra mrenya ne mɔ afoa nu ɛdeɛ mɔɔ vi Yizilayɛma anzonudwolɛ azubɔdeɛ azubɔlɛ ne anu la

Sɛlɛ 2:3

Esamo ne mɔɔ kɛha la le Aalɔn nee ɔ mra ne mɔ ɛdeɛ. Ɔle ɛyelalɛ azubɔdeɛ mɔɔ bɛva bɛmaa Ɛdɛnkɛma na nwolɛ te kpole kpalɛ a.

Sɛlɛ 6:16

Aalɔn nee ɔ mra mrenya ne mɔ bali mɔɔ kɛha la. Ɔnle kɛ bɛfa mgbɔvonle bɛwula nu na bɛali, yɛɛ ɔwɔ kɛ bɛdi ye ɛleka mɔɔ te la. Ɛdɛnkɛma Ndanlɛ Sua ne alie ne anwo a ɔwɔ kɛ bɛdi zɔhane aleɛ ne a.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 18:10

Nwu ye kɛ bɛle nwuanzanwuanza, yemɔti ɔwɔ kɛ bɛdi ɛhye mɔ wɔ ɛleka mɔɔ le nwuanzanwuanza la, yɛɛ mrenya ala a ɔwɔ kɛ di bie a.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 5:10

Debie biala mɔɔ awie biala kɛva kɛrɛlɛ sɛlɛvolɛ ne la le ye ɛdeɛ.”