Sɛlɛ 10:12 - BAEBOLO ANZƐƐ BULUKU NWUANZANWUANZA

¹² Mosisi zele Aalɔn nee ɔ mra mrenya nwiɔ ne mɔɔ ɛha la, Ɛlieza nee Yetamaa kɛ, “Bɛva ma azubɔdeɛ ne mɔɔ bɛyelale bɛbɔle azu bɛmanle Ɛdɛnkɛma la abo ne mɔɔ ɛha la, bɛmmafa mgbɔvonle bɛwula nu, na bɛli wɔ azukponle ne anwo ɛkɛ, ɔluakɛ ɔle nwuanzanwuanza kpalɛ kpalɛ.

Sɛlɛ 10:12 ပူးပေါင်းရင်းမြစ်များ

2 Edk 31:14

Livaenli Yemena mɔɔ sinza Aduduleɛ Anlenkɛ Kpole ne la ara Kɔli a nea azubɔlɛ ninyɛne ne mɔ mɔɔ bɛyeyele bɛ ahonle nu bɛvale bɛrɛlɛle Nyamenle la azo a, na ɔnea ɔfa mɔɔ bɛva bɛzie ahane bɛmaa Ɛdɛnkɛma la ɔsie, na ɔfa mɔɔ bɛfa bɛabɔ azu nwuanzanwuanza la ɔmaa.

Ɛzela Buluku ne 7:5

Bɛkae ɔ ze a le Abaehyua, Abaehyua ɔ ze a le Fenɛhase, yɛɛ Fenɛhase ɔ ze a le Ɛlieza, Ɛlieza ɔ ze a le Sɛlɛvolɛma Kpanyinli Aalɔn.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 29:2

kpanwo mɔɔ mgbɔvonle ɛnle nu, keeki mɔɔ mgbɔvonle ɛnle nu mɔɔ bɛva nwole bɛfete la, yɛɛ belɛde mɔɔ mgbɔvonle ɛnle nu na bɛva nwole bɛvɔ ɔ nyunlu la. Ɛbava esamo kpalɛ a wɔayɛ ɛhye mɔ amuala a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 29:33

Bɛbali ninyɛne mɔɔ bɛvale bɛyɛle mgbɔdalɛ nzɛlɛlɛ ne wɔ bɛ sɛlɛvolɛ ɛwulalɛ ne anu la. Awie mɔɔ ɛnle sɛlɛvolɛ la ɛnle kɛ di aleɛ ne bie, ɔboalekɛ ɔle nwuanzanwuanza.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 6:23

Aalɔn gyale Amenadabe ara raalɛ Yilaehyɛba mɔɔ ɔ diema raalɛ a le Nahyɔn la. Yilaehyɛba wole Needabe, Abaehu, Ɛlieza, yɛɛ Yetamaa.

Yizikeɛle Buluku ne 44:29

Bɛbali ma azubɔdeɛ, ɛtane azubɔdeɛ, nee abozozielɛ azubɔdeɛ ne mɔ; debie biala noko mɔɔ bɛdu bɛmaa Nyamenle wɔ Yizilayɛ maanle ne anu la le bɛ ɛdeɛ.

Sɛlɛ 10:13

Ɔwɔ kɛ bɛdi ye wɔ ɛleka mɔɔ te la, ɔboalekɛ ɔle ɛdawɔ nee ɛ mra mrenya ne mɔ afoa nu ɛdeɛ, mɔɔ vi ɛyelalɛ azubɔdeɛ ne mɔɔ bɛvale bɛmanle Ɛdɛnkɛma la anu. Ɔluakɛ zɔhane yɛɛ bɛze me a.

Sɛlɛ 21:22

Ɔkola ɔdi ye Nyamenle ne aleɛ nwuanzanwuanza nee aleɛ nwuanzanwuanza kpalɛ ne bie,

Sɛlɛ 24:9

Kpanwo zɔhane mɔ le Aalɔn nee ɔ mra mrenya ne mɔ ɛdeɛ, yɛɛ ɔwɔ kɛ bɛdi ye wɔ ɛleka mɔɔ le nwuanzanwuanza la, ɔboalekɛ ɔle azubɔdeɛ mɔɔ bɛyela bɛmaa Ɛdɛnkɛma la anu bie Ɔle nwuanzanwuanza kpalɛ kpalɛ na dahuu ɔle sɛlɛvolɛma ne mɔ ɛdeɛ.”

Sɛlɛ 7:9

Ma azubɔdeɛ biala mɔɔ bɛdo ye fonlomo nu nee mɔɔ bɛloa ye kyɛnze anzɛɛ fulonvule nu la le sɛlɛvolɛ ne mɔɔ kɛva kɛbɔ azu ne la ɛdeɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 3:2

Aalɔn wole mralɛ mrenya nna. Bɛ aluma ɛne: Needabe, yemɔ a ɔle awolɛ kpanyinli a, Abaehu, Ɛlieza, yɛɛ Yetamaa.