Sɛlɛ 10:10 - BAEBOLO ANZƐƐ BULUKU NWUANZANWUANZA

¹⁰ Ɔwɔ kɛ bɛnwu mɔɔ le nwuanzanwuanza la na bɛnwu mɔɔ anwo ɛngyia la; ɔwɔ kɛ bɛnwu mɔɔ anwo te la na bɛnwu mɔɔ anwo ɛnde la.

Sɛlɛ 10:10 ပူးပေါင်းရင်းမြစ်များ

Gyɛlɛmaya Buluku ne 15:19

Yemɔti Ɛdɛnkɛma buale kɛ, “Saa ɛsia ɛ nzi a, mebalie wɔ na wɔazia wɔayɛ me sonvolɛ. Saa wɔanva ɛ nloa wɔanga mgbane mgbane, na ɛfa ɛka nrɛlɛbɛ edwɛkɛ a, mebayɛ wɔ me kpɔmanvolɛ. Menli ne bazia aradoa wɔ na tɛ wɔmɔ yɛɛ ɛbahɔdoa bɛ a.

Yizikeɛle Buluku ne 22:26

Bɛ sɛlɛvolɛma ɛvuandi me mɛla ne ɛdo na bɛgua me ninyɛne nwuanzanwuanza ne mɔ anwo evinli. Bɛammaa ngakyile anla ninyɛne mɔɔ le nwuanzanwuanza nee mɔɔ ɛnle nwuanzanwuanza la avinli, yɛɛ bɛangile ngakyile mɔɔ la ninyɛne mɔɔ anwo te nee mɔɔ anwo ɛnde la avinli. Bɛambu me Ɛnwomenlelielɛ Kenle ne mɔ, yemɔti bɛgua me nwo evinli wɔ bɛ avinli.

Yizikeɛle Buluku ne 44:23

“Ɔwɔ kɛ bɛkilehile me menli ne ngakyile mɔɔ wɔ debie mɔɔ le nwuanzanwuanza nee debie mɔɔ ɛnle nwuanzanwuanza la anu, na bɛkilehile bɛ bɛmaa bɛnwu debie mɔɔ anwo te nee debie mɔɔ anwo ɛnde la.

Sɛlɛ 11:47

Mɛla ne kile ninyɛne mɔɔ anwo te nee mɔɔ anwo ɛnde, nee debie biala mɔɔ lɛ ngoane mɔɔ ɔwɔ kɛ bɛdi nee mɔɔ ɔnle kɛ bɛdi la.

Sɛlɛ 13:43

Sɛlɛvolɛ ne banleɛnlea, na saa ewule ne mɔɔ ɛvinde ɔ ti zo ɛleka mɔɔ ɛdu anzɛɛ ɔ nwoma azo ɛleka mɔɔ ɛdu la le kɔkɔlɛ nee fufule kɛ asɛɛ kokobɛ ɛlɛfinde ɔ nwo la a,

Sɛlɛ 14:57

Ɛhye a bahile kɛ ahenle anzɛɛ deɛ ne mɔɔ ewule ɛhye mɔ bie ɛha ye la anwo te anzɛɛ anwo ɛnde a. Ewule kokobɛ nwo mɛla ɛne.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:15

Debie biala anwo te maa menli mɔɔ anwo te la, na ɛtanevolɛma nee menli mɔɔ ɛnlɛ diedi la, debie biala anwo ɛnde, ɔboalekɛ bɛ adwenle nee bɛ ti anu kɛkɛba ne ɛkpɔlɔ.