Sɛlɛ 10:1 - BAEBOLO ANZƐƐ BULUKU NWUANZANWUANZA

¹ Na Aalɔn amra mrenya ne mɔ nwiɔ, Needabe nee Abaehu vale bɛ dwora ne mɔ mɔɔ bɛfa bɛkpu ɛyɛlɛ la na bɛguale senle nu, bɛvulale ɛyɛlɛ bɛguale nu, na bɛvale senle mɔɔ ɛnle nwuanzanwuanza la bɛvindele Ɛdɛnkɛma anyunlu, wɔ mekɛ mɔɔ bɛanze bɛ zɔhane la.

Sɛlɛ 10:1 ပူးပေါင်းရင်းမြစ်များ

1 Arl 18:38

Na ɛkɛ ne ala Ɛdɛnkɛma manle senle vi anwuma radɔle azubɔdeɛ ne anu yelale nane ne, ɛyɛne ne, awolɛ ne mɔ nee azɛlɛ ne manle nzule ne mɔɔ gyi kuma ne anu la sesanle bɔkɔɔ.

Edwɛndolɛ Buluku ne 141:2

Maa me nzɛlɛlɛ ɛyɛ kɛ ɛyɛlɛ evuanlɛ wɔ ɛ nyunlu, na fa me sa mɔɔ memaa ye zo la kɛ nɔsolɛ azubɔlɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 24:1

Akee Ɛdɛnkɛma zele Mosisi kɛ, “Ɛ nee Aalɔn, Needabe, yɛɛ Abaehu, nee Yizilayɛ mgbanyima abulasuu ɛrɛla me nwo ɛke wɔ boka ye azo. Bɛgyinla moa ekyii na bɛzonle me.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 24:9

Akee Mosisi nee Aalɔn, Needabe, Abaehu, yɛɛ Yizilayɛ mgbanyima abulasuu hɔle boka ne azo,

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 27:3

Yɛ nwolɛ mbuakɛ na bɛava nzonle bɛagua nu. Eza yɛ azofi nee ahyɛnze nee faka nee senlevalɛ ahyɛnze; fa kɔbele a yɛ ninyɛne ɛhye mɔ kɔsɔɔti a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 28:1

“Akee maa ɛ diema Aalɔn nee ɔ mra mrenya ne mɔ, Needabe, Abaehu, Ɛlieza, yɛɛ Yetamaa ɛbikye wɔ na ye bɛ fi Yizilayɛma avinli sie ahane, amaa bɛanyia adenle bɛazonle me kɛ me sɛlɛvolɛma.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 31:11

ɛkpokpalɛ nwole ne, yɛɛ Ɛleka Nwuanzanwuanza ne ɛyɛlɛ evuanlɛ ne; ninyɛne ɛhye mɔ kɔsɔɔti, ɔwɔ kɛ bɛyɛ bɛ kɛ mɔɔ meze wɔ la.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 37:29

Ɔyɛle ɛkpokpalɛ nwole nwuanzanwuanza ne nee ɛyɛlɛ evuanlɛ ne kɛnlɛma kpalɛ kɛ mɔɔ menli mɔɔ yɛ ninyɛne evuanlɛ la kɛyɛ ala la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 38:3

Eza ɔyɛle azukponle ne anwo ninyɛne kɔsɔɔti: mbuakɛ, azofi, ahyɛnze, faka, nee senlevalɛ ahyɛnze. Ɔvale kɔbele a ɔyɛle ninyɛne ɛhye mɔ kɔsɔɔti a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 40:27

na ɔyelale ɛyɛlɛ evuanlɛ wɔ zolɛ, kɛmɔ Ɛdɛnkɛma zele ye ala la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 6:23

Aalɔn gyale Amenadabe ara raalɛ Yilaehyɛba mɔɔ ɔ diema raalɛ a le Nahyɔn la. Yilaehyɛba wole Needabe, Abaehu, Ɛlieza, yɛɛ Yetamaa.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 8:27

Ɔwɔ kɛ yɛtia kenle nsa adenle yɛkɔ fienemgbole ne anu yɛkɔbɔ azu yɛmaa Ɛdɛnkɛma yɛ Nyamenle ne, kɛmɔ ɔdaye ɔkɛhile yɛ la.”

Gyɛlɛmaya Buluku ne 19:5

bɛzi azukponle bɛmaa bɛ bozonle Beeyale ne na bɛyela bɛ mra ɛke bɛbɔ ɛyelalɛ azu bɛmaa ye. Nyɛleɛ zɛhae, tɛ me yɛɛ menzele bɛ anzɛɛ menlile ye mɛla memanle bɛ a, yɛɛ nwolɛ adwenle amba me ti anu bɔbɔ.

Gyɛlɛmaya Buluku ne 32:35

Bɛzile azukponle wɔ Henɔm Bɔnza bɛmanle bozonle Beeyale, bɛvale bɛ mra mrenya nee bɛ mra mraalɛ bɛbɔle azu zolɛ bɛmanle bɛ bozonle Molɛke. Meanzoa bɛ kɛ bɛyɛ ɛhye, yɛɛ meanga nwolɛ ɛlalɛ bɔbɔ ɛlɛ kɛ memaa bɛayɛ bɛkyi debie zɔhane na Dwudama alua zolɛ ayɛ ɛtane.”

Gyɛlɛmaya Buluku ne 44:15

Na mrenya mɔɔ ze kɛ bɛ ye mɔ ɛkpu ɛyɛlɛ ɛmaa nyamenle gyɛne gyɛne, nee mraalɛ mɔɔ ɛnee gyigyi ɛkɛ ne la amuala, menli dɔɔnwo kpalɛ, boka Yizilayɛma mɔɔ de Yigyibiti nyiakɛ la hanle hilele Gyɛlɛmaya kɛ,

Gyɛlɛmaya Buluku ne 44:8

Duzu ati a bɛfa bɛ sa anloa gyima bɛka me ɛya, bɛkpu ɛyɛlɛ bɛmaa Yigyibiti ɛke mɔɔ bɛradɛnla la nyamenle ne mɔ na bɛsonle bɛ, amaa meazɛkye bɛ na bɛayɛ amowa nee agolobɛnwo menli wɔ maanle maanle mɔɔ wɔ ewiade la avinli ɛ?

Gyɛlɛmaya Buluku ne 7:31

Wɔ Henɛm Bɔnza ne anu, bɛzi azukponle na bɛdo ye Tofɛte, amaa bɛayela bɛ mra mrenya nee bɛ mra mraalɛ bɛabɔ azu wɔ senle ne anu. Meanze bɛ kɛ bɛyɛ ɛhye, yɛɛ yeamba me adwenle nu bɔbɔ.

Sɛlɛ 16:1

Aalɔn amra mrenya nwiɔ ne ewule ne anzi, Ɛdɛnkɛma dendɛle hilele Mosisi. Aalɔn amra mrenya nwiɔ ne wule, ɔboalekɛ bɛhwenle bɛbikyele Ɛdɛnkɛma somaa.

Sɛlɛ 16:12

Akee ɔbava kyɛnze mɔɔ bɛfa bɛkpu ɛyɛlɛ la yeavula samɛnlankɛ wɔ Ɛdɛnkɛma azukponle ne azo, na eza yeavula ɛyɛlɛ evuanlɛ mɔɔ bɛnlu ye ekyii la ɔ sa nwiɔ yeara mgbɛnu ɛdanlɛ ne akunlu wɔ Nwuanzanwuanza nu Nwuanzaanwu Ɛleka ne.

Sɛlɛ 22:9

“Yemɔti bɛli me mɛla zo na anrɛɛ bɛkɛli ɛzonle na bɛkɛwu kɛ bɛvonle me mɛla ne a; medame a mele Ɛdɛnkɛma mɔɔ maa bɛ nwo te a.

Sɛlɛ 9:24

Na senle vi Ɛdɛnkɛma ɛkɛ ne rayelale ɛyelalɛ azubɔdeɛ ne nee nane ɛnlome ne mɔɔ wɔ azukponle ne azo la. Menli ne amuala nwunle ye la, bɛdeɛdeanle nuhua na bɛbutubutule bɛ nye aze.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 16:46

na Mosisi hanle hilele Aalɔn kɛ, “Fa wɔ ɛyɛlɛkpunlɛ kyɛnze ne, fa senle wɔ azukponle ne azo gua nuhua, na fa ɛyɛlɛ gua senle ne anu. Akee ka ɛ nwo ndɛndɛ fa kɔ menli ne anwo lɔ na kɔyɛ mgbɔdalɛ nzɛlɛlɛ maa bɛ. Maa ɔyɛ ndɛ! Ɛdɛnkɛma ɛya ne ɛdwu aze, yɛɛ ewulenzane ɛbɔ ɔ bo.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 26:61

Needabe nee Abaehu vale senle mɔɔ ɛnle nwuanzanwuanza la bɔle azu manle Ɛdɛnkɛma, yemɔti bɛwule.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 4:18

“Bɛmmamaa Kohate abusua ekpulike ne anu amra abo zo bɔ wɔ Livae abusua ekpunli ne anu.

Mɛla 12:32

“Bɛli mɔɔ meha mehile bɛ la azo kpalɛ. Bɛmmafa bie bɛboka nwolɛ yɛɛ bɛmmaye bie bɛfi nuhua.

Mɛla 17:3

yehɔzonle awozonle na yebɔ ɔ ti aze yemaa bɛ, anzɛɛ sɛnzɛne ne, siane ne anzɛɛ anwumaneamra ne mɔ biala a,

Mɛla 4:2

Bɛmmafa edwɛkɛ kpɔkɛ ko bɔbɔ bɛboka mɔɔ melɛfa meamaa bɛ la anwo, yɛɛ bɛmmaye bie bɛfi nu, amaa bɛahola bɛali Ɛdɛnkɛma bɛ Nyamenle ne mɛla ne mɔ mɔɔ melɛfa meamaa bɛ la azo.

Kɛlata mɔɔ bɛhɛlɛle bɛhɔmanle Hibuluma la 9:4

Ɛke yɛɛ ezukoa azukponle ne mɔɔ bɛkpu ɛyɛlɛ zo yɛɛ Ngyekyeleɛ Ɛlɛka ne mɔɔ bɛva ezukoa nvutuke bɛyɛ ye sɔɔnwo la wɔ a. Ezukoa dwora ne mɔɔ mana wɔ nu la gyi Ɛlɛka ne anu. Aalɔn baka ne mɔɔ kpakyele nya, nee awolɛ ndɛbandɛba nwiɔ ne mɔɔ bɛhɛlɛ mɛla ne zolɛ la wɔ Ɛlɛka ne anu.