Sɛlɛ 1:4 - BAEBOLO ANZƐƐ BULUKU NWUANZANWUANZA

⁴ Ɔwɔ kɛ ɔfa ɔ sa ɔto ɛyelalɛ azubɔdeɛ ne ati zo, na bɛkɛlie bɛkɛdo nu kɛ ɔle ahenle ne ati mgbɔdalɛ.

Sɛlɛ 1:4 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 28:38

Aalɔn bɔ abɔtile ne a ɛnee ɔwɔ ɔ nwoma azo, amaa saa Yizilayɛma fa azubɔdeɛ nwuanzanwuanza ahyɛlɛ ninyɛne arɛlɛ me na bɛfo a yeali nwolɛ ɛzonle. Ɔwɔ kɛ ɔbɔ abɔtile ne dahuu, amaa azubɔdeɛ ne mɔ azɔ me nye na mealie.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 29:10

“Akee ɛbava ɛnlankɛ nyinli ne wɔara me nyunlu wɔ Ndanlɛ Sua ne anyunlu na wɔamaa Aalɔn nee ɔ mra mrenya ne mɔ ava bɛ sa agua ɔ ti zo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 29:15

“Akee ɛbava mboane nyinli ne mɔ ko na Aalɔn nee ɔ mra mrenya ne mɔ ava bɛ sa agua ɔ ti zo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 29:19

“Akee ɛbava boane nyinli ɛhendeɛ ne na wɔamaa Aalɔn nee ɔ mra mrenya ne mɔ ava bɛ sa agua ɔ ti zo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 29:33

Bɛbali ninyɛne mɔɔ bɛvale bɛyɛle mgbɔdalɛ nzɛlɛlɛ ne wɔ bɛ sɛlɛvolɛ ɛwulalɛ ne anu la. Awie mɔɔ ɛnle sɛlɛvolɛ la ɛnle kɛ di aleɛ ne bie, ɔboalekɛ ɔle nwuanzanwuanza.

Ayezaya Buluku ne 56:7

bɛmɛ yɛɛ mebava bɛ meahɔ me boka nwuanzanwuanza ne azo, na meamaa bɛ nye alie wɔ me nzɛlɛlɛ sua ne anu a; mebalie bɛ ɛyelalɛ azubɔdeɛ nee bɛ azubɔlɛ ne mɔ wɔ me azukponle ne azo. Ɔluakɛ bɛbavɛlɛ me sua ne, menli kɔsɔɔti nzɛlɛlɛ sua.”

Daneɛle Buluku ne 9:24

“Ɛnyelɛzodeɛnwunlɛ ne kile kɛ wɔ menli Yizilayɛma bava ɛvolɛ ɛya nna abulahɔnla (ɛvolɛ abulasuu fane nsuu) a alie bɛ nwo nee bɛ suakpole ne wɔ ɛtane nee munzule nu, bɛayɛ bɛ ɛtane nwo mgbɔdalɛ nzɛlɛlɛ na bɛali pɛlepɛle dahuu a, amaa ɛnyelɛzodeɛnwunlɛ ne nee Nyamenle nrɛlaleɛ ne ali munli, na bɛadu Ɛzonlenlɛ Sua ne bɛamaa Nyamenle bieko.

Sɛlɛ 16:21

Ɔbava ɔ sa nwiɔ yeagua abɔnkye ne ati zo, na yeaha Yizilayɛma amumuyɛ ne mɔ mɔɔ bɛyɛ, bɛ mɛladonlɛ nee ɛtane mɔɔ bɛyɛ la amuala yeagua abɔnkye ne ati zo, na yeagyakyi ye yeamaa awie mɔɔ bɛboa bɛye ye la ava ye ahɔ fienemgbole ne anu lɔ.

Sɛlɛ 16:24

na yeava nzule yeabia wɔ ɛleka mɔɔ te la, yeava ɔdaye ye adɛladeɛ ne mɔ yeawula, yeavinde na yearabɔ ye ɛyelalɛ azu ɛdeɛ ne. Ɔwie a eza ɔbɔ ɛyelalɛ azu wɔ menli ne ati na akee ɔyɛ mgbɔdalɛ nzɛlɛlɛ ɔmaa ɔ nwo, na ɔyɛ bie ɔmaa menli ne amuala.

Sɛlɛ 22:21

Saa awie babɔ anzonudwolɛ azu yeamaa Ɛdɛnkɛma, kɛ ɔfa yeaye ye ɛwɔkɛ anzɛɛ ɔfa yeabɔ ahonle fufule nu azu, na ɔlɛ nane mɔɔ vi ye nlankɛ anzɛɛ ye nyɛmoa ne mɔ anu a, ɔwɔ kɛ nane ne di munli, mɔɔ ɔ nwo ɛnlɛ dɛne biala, amaa bɛalie ye bɛado nu.

Sɛlɛ 22:27

“Saa ɛnlankɛ, boane anzɛɛ abɔnkye wo fofolɛ a, ɔwɔ kɛ ɔboa ɔ nli anwo ɛkɛ kenle nsuu. Ɔvi kenle mɔtwɛ ne azo mɔɔ kɔ la, saa bɛfa bɛbɔ ɛyelalɛ azu bɛmaa Ɛdɛnkɛma a ɔkɛlie.

Sɛlɛ 3:13

na ɔva ɔ sa ɔdo abɔnkye ne ati zo, na ɔhu ye wɔ Ɛdɛnkɛma Ndanlɛ Sua ne anyunlu. Aalɔn amra ne mɔ bado ye mogya ne agua azukponle ne anwo amuala ayia.

Sɛlɛ 3:2

Ɔwɔ kɛ ɔfa ɔ sa ɔto nane ne ati zo, na ɔku ye wɔ Ɛdɛnkɛma Ndanlɛ Sua ne anyunlu. Aalɔn amra sɛlɛvolɛma ne bado ye mogya ne agua azukponle ne anwo amuala ayia.

Sɛlɛ 3:8

ɔva ɔ sa ɔdo nane ne ati zo, ɔhu ye wɔ Ɛdɛnkɛma Ndanlɛ Sua ne anyunlu. Aalɔn amra sɛlɛvolɛma ne mɔ bado ye mogya ne agua azukponle ne anwo amuala ayia.

Sɛlɛ 4:15

Mgbanyima mɔɔ wɔ ezuavolɛ ne avinli la bava bɛ sa agua ɛnlankɛ nyinli ne ati zo wɔ Ɛdɛnkɛma anyunlu ɛkɛ, na akee bɛahu ɛnlankɛ ne.

Sɛlɛ 4:20

Kɛ bɛzile bɛyɛle ɛnlankɛ ne mɔɔ bɛvale bɛyɛle ɛtane azubɔdeɛ ne la, zɔhane ala yɛɛ ɔwɔ kɛ bɛyɛ ɛhye noko a. Akee sɛlɛvolɛ ne bayɛ nzɛlɛlɛ ali bɛ ti mgbɔdalɛ, na bɛbava bɛ ɛtane ne mɔ bɛahyɛ bɛ.

Sɛlɛ 4:24

Akee ɔfa ɔ sa ɔto abɔnkye ne ati zo, na ɔku ye wɔ ɛleka mɔɔ bɛku ɛyelalɛ azubɔdeɛ ne mɔ la wɔ Ɛdɛnkɛma anyunlu Ɔle ɛtane azubɔdeɛ.

Sɛlɛ 4:26

Ɔbayela nane ne anu ɛnlome ne amuala wɔ azukponle ne azo, kɛmɔ bɛfa anzonudwolɛ azubɔdeɛ bɛabɔ azu a bɛyɛ ye la Yemɔti sɛlɛvolɛ ne bayɛ nzɛlɛlɛ ali ye ɛtane ne anwo mgbɔdalɛ amaa ye, na bɛkɛva ye ɛtane ne bɛkɛhyɛ ye.

Sɛlɛ 4:29

Ɔwɔ kɛ ɔfa ɔ sa ɔto ɛtane azubɔdeɛ ne ati zo na ɔku ye wɔ ɛyelalɛ azubɔdeɛ ɛleka ne.

Sɛlɛ 4:31

Ɔbayeye azubɔdeɛ ne akunlu ɛnlome ne amuala, kɛmɔ bɛyɛ anzonudwolɛ azubɔdeɛ la, na akee yeayela ye wɔ azukponle ne azo. Ye evuanlɛ sɔ Ɛdɛnkɛma anye. Sɛlɛvolɛ ne bayɛ nzɛlɛlɛ ali ye ɛtane ne anwo mgbɔdalɛ amaa ye, na bɛkɛva bɛkɛhyɛ ye.

Sɛlɛ 4:33

Ɔwɔ kɛ ɔfa ɔ sa ɔto azubɔdeɛ ne ati zo na ɔku ye wɔ ɛleka mɔɔ bɛku ɛyelalɛ azubɔdeɛ ne mɔ la.

Sɛlɛ 4:35

Ɔbayeye azubɔdeɛ ne akunlu ɛnlome ne amuala, kɛmɔ bɛyeye boane ralɛ ne mɔɔ bɛfa bɛyɛ anzonudwolɛ azubɔlɛ azubɔdeɛ ne mɔ ɛdeɛ ne la. Sɛlɛvolɛ ne bayela ye wɔ azukponle ne azo yeaboka azubɔlɛ ninyɛne mɔɔ bɛyela bɛamaa Ɛdɛnkɛma la anwo. Akee sɛlɛvolɛ ne bayɛ nzɛlɛlɛ ali mgbɔdalɛ amaa ahenle ne wɔ ye ɛtane ne mɔɔ yeyɛ la anwo, na bɛkɛva bɛkɛhyɛ ye.

Sɛlɛ 4:4

Ɔwɔ kɛ ɔfa ɛnlankɛ ne ɔba Ɛdɛnkɛma anyunlu wɔ Ɛdɛnkɛma Ndanlɛ Sua ne anuhɔlɛ ne, ɔfa ɔ sa ɔto ɛnlankɛ ne ati zo, na ɔku ye wɔ Ɛdɛnkɛma anyunlu.

Sɛlɛ 5:6

na ɔfa fɔlɛlilɛ azubɔdeɛ ɔbɛlɛ Ɛdɛnkɛma wɔ ɛtane ne mɔɔ yeyɛ la anwo. Ɔwɔ kɛ ɔfa boane ralɛ belɛ anzɛɛ abɔnkye belɛ ɔyɛ ɛtane azubɔdeɛ, na sɛlɛvolɛ ne yɛ nzɛlɛlɛ di ɔ ti mgbɔdalɛ wɔ ye ɛtane ne anwo.

Sɛlɛ 6:7

Sɛlɛvolɛ ne bayɛ nzɛlɛlɛ ali ɔ ti mgbɔdalɛ wɔ Ɛdɛnkɛma ɛkɛ, na bɛkɛva debie biala mɔɔ sonla yɛ a ɔdi fɔlɛ la bɛkɛhyɛ ye.”

Sɛlɛ 8:14

Akee ɔvale ɛnlankɛ nyinli ɛtane azubɔdeɛ ne ɔrale, na Aalɔn nee ɔ mra ne mɔ vale bɛ sa guale ɛnlankɛ ne ati zo.

Sɛlɛ 8:18

Akee Mosisi vale boane nyinli ɛyelalɛ azubɔdeɛ ne rale, na Aalɔn nee ɔ mra ne mɔ vale bɛ sa guale ɔ ti zo.

Sɛlɛ 8:22

Akee Mosisi vale boane nyinli ko ne, mɔɔ le sɛlɛvolɛwulalɛ boane ne rale, na Aalɔn nee ɔ mra ne mɔ vale bɛ sa guale boane nyinli ne ati zo.

Sɛlɛ 9:7

Mosisi zele Aalɔn kɛ, “Kɔ azukponle ne anwo, fa wɔ ɛtane azubɔdeɛ ne nee wɔ ɛyelalɛ azubɔdeɛ ne mɔ kɔ, na bɔ mgbɔdalɛ nzɛlɛlɛ azu maa ɛ nwo nee menli ne, kɛmɔ Ɛdɛnkɛma ɛze wɔ la. Na fa menli ne mɔ azubɔdeɛ ne bɔ mgbɔdalɛ azu maa bɛ.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 15:25

Sɛlɛvolɛ ne bayɛ mgbɔdalɛ nzɛlɛlɛ yeamaa Yizilayɛma kɔsɔɔti, na bɛava bɛ ɛtane bɛahyɛ bɛ, ɔboalekɛ tɛ bɛ nye fuu ɔ, yɛɛ eza bɛ nvonleɛ ne ati, bɛva bɛ azubɔdeɛ mɔɔ bɛyela ye bɛabɔ azu nee bɛ ɛtane azubɔdeɛ bɛrɛlɛ Ɛdɛnkɛma.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 15:28

Sɛlɛvolɛ ne bayɛ mgbɔdalɛ nzɛlɛlɛ wɔ Ɛdɛnkɛma anyunlu yeamaa ahenle, na bɛava ye ɛtane bɛahyɛ ye.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 25:13

ɔdaye nee ɔ bo zo amra bayɛ sɛlɛvolɛma mɔɔ ɛmbɔ aze ɛlɛ a, ɔboalekɛ ɔhwenle ye Nyamenle ne ati nungule ɔvale ɔkpɔdale Yizilayɛma ati.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 8:10

Saa ɛfa Livaema ne ɛba Ɛdɛnkɛma anyunlu a, Yizilayɛma bava bɛ sa agugua Livaema ne ati zo,

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 8:12

Akee Livaema bava bɛ sa agugua nlankɛ nyinli ne mɔ ati zo na wɔava ko wɔayɛ ɛtane azubɔdeɛ na wɔava ko noko wɔayɛ ɛyelalɛ azubɔdeɛ wɔamaa Ɛdɛnkɛma, wɔava wɔayɛ mgbɔdalɛ nzɛlɛlɛ wɔ Livaema ne ati.

Wulo 12:1

Zɔhane ati me mediema, Nyamenle anwunvɔnezelɛ bebelebe ne mɔɔ ɔse yɛ la ati, mesɛlɛ bɛ, bɛva bɛ sonlabaka ne mɔ bɛbɔ azu mɔɔ anwo te na ɔsɔ ɛnyelɛ la bɛmaa Nyamenle. Ɛhye a le sunsum nu ɛzonlenlɛ kpalɛ mɔɔ ɔwɔ kɛ bɛfa bɛsonle ye a.

Wulo 3:25

Nyamenle ɔdaye ɔvale Gyisɛse ɔmanle, amaa ɔlua ye ewule ne azo yeayɛ menli ɛtane nwo mgbɔdalɛ boane, wɔ bɛ diedi mɔɔ bɛkɛnyia ye wɔ ye nu la azo. Nyamenle yɛle ɛhye vale hilele ye tenleneyɛlɛ ne. Mɔmoane, ɔzile abotane na ɔbule ɔ nye ɔguale menli ɛtane zo;

Wulo 5:11

Noko tɛ ɔ muala ɛ. Yɛdua Awulae Gyisɛse Kelaese anwo zo yɛdi fɛlɛko wɔ Nyamenle anu, ɔluakɛ yeyɛ yɛ Nyamenle agɔnwo mɔ.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:18

Ahyɛlɛdeɛ biala mɔɔ bɛva bɛnwa me la me sa ɛha ye, ɔzonle somaa! Kɛkala mɔɔ me sa ɛha bɛ nwanle mɔɔ Ɛpafulodaetɛse ɛva ɛrɛlɛ me la, mengyia debie biala anwo bieko. Bɛ ahyɛlɛdeɛ ne le kɛ azubɔlɛ evuanlɛ mɔɔ Nyamenle kulo na ɔ nye sɔ ye la.

Kɛlata mɔɔ bɛhɛlɛle bɛhɔmanle Hibuluma la 10:4

Ɔluakɛ ɔyɛ se kɛ mbɔnkye nee nlankɛ mogya kɛhola kɛnunu ɛtane mɔɔ mekɛ biala bɛyɛ la abo zo.

1 Dw 2:2

Kelaese a le sonla mɔɔ yɛlua ɔ nwo zo mɔɔ bɛva yɛ ɛtane ne mɔ bɛhyɛ yɛ a, yɛɛ tɛ yɛ ngome, na menli mɔɔ wɔ ewiade la amuala boka nwolɛ.