Sɛlɛ 1:3 - BAEBOLO ANZƐƐ BULUKU NWUANZANWUANZA

³ Saa ɔfa ɛnlankɛ yeabɔ ɛyelalɛ azu a, ɔwɔ kɛ ɔfa nyinli mɔɔ anwo ɛnlɛ dɛne la. Ɔwɔ kɛ ɔfa ɔbagyinla Ɛdɛnkɛma Ndanlɛ Sua ne anuhɔlɛ ne, amaa Ɛdɛnkɛma alie ɔdaye mumua ne ado nu.

Sɛlɛ 1:3 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 22:13

Na Ebileham manle ɔ nye zo na ɔnwunle kɛ, ɔ nzi ɛkɛ ne ala, boane nyinli kpole ko mɔɔ ye mɛne ne mɔ ɛmaa yetosa aziakɛ bie anu la gyi ɛkɛ. Ebileham hɔyele boane nyinli ne, ɔgyakyile ɔ ra ne na ɔvale boane ne ɔyelale ye, ɔbɔle azu ne.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 22:2

Ɔzele ye kɛ, “Fa ɛ ra nrenya ne, ɛ ra kokye Ayezeke, mɔɔ la wɔ ahonle nwo la, na kɔ Molaya azɛlɛ zo kɔyela ye bɔ azu wɔ awoka ne mɔ ko mɔɔ mebahile wɔ la azo maa me.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 22:8

Ebileham buale kɛ, “Me ra nrenya, Nyamenle ɔdaye ɔbava boane ralɛ holɛ ko mɔɔ yɛbayela yɛabɔ azu ne la yeamaa yɛ.” Na bɛ mu nwiɔ bɛluale nwolɛ bɛhɔle.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 8:20

Nowa zile azukponle manle Ɛdɛnkɛma. Akee ɔhyele nane nee nloma ne mɔ mɔɔ anwo te la biala anu ko, ɔhunle bɛ na ɔyelale bɛ ɔbɔle azu wɔ azukponle ne azo ɔmanle Nyamenle.

2 Edk 29:32

Ɛyelalɛ azubɔlɛ ninyɛne mɔɔ menli mɔɔ rayiale ɛkɛ ne la vale manle la le nlankɛ nyinli abulasuu, mboane nyinli ɛya ko, yɛɛ mboane mralɛ ɛya nwiɔ. Ɛhye mɔ amuala le azubɔlɛ ninyɛne mɔɔ bɛyelale bɛbɔle azu bɛmanle Ɛdɛnkɛma a.

2 Edk 35:12

Akee bɛhyɛle nane ne mɔ mɔɔ bɛfa bɛabɔ ɛyelalɛ azu ne la bɛmanle menli ne, kɛmɔ bɛ mbusua ekpulike ekpulike ne mɔ de la, amaa bɛava bɛabɔ azu bɛamaa Ɛdɛnkɛma, kɛmɔ bɛhɛlɛ wɔ Mosisi Mɛla buluku ne anu la. Zɔhane ala noko yɛɛ bɛyɛle nlankɛ ne mɔ a.

Edwɛndolɛ Buluku ne 110:3

Wɔ menli ne mɔ bava bɛ nwo amaa wɔ, wɔ mekɛ mɔɔ ɛkɛze kɛ ɛdi wɔ ɛlɔnema ati wɔ boka nwuanzanwuanza ne azo la. Wɔ mgbavolɛ ne mɔ bara ɛ nwo nwonlomɔ mangyee ne, kɛ nwonlomɔ ɛbɔlɛ mɔɔ ɛlɛtɔ la.

Edwɛndolɛ Buluku ne 40:8

O me Nyamenle, mekulo kɛ meyɛ wɔ ɛhulolɛdeɛ; wɔ mɛla ne wɔ me ahonle nu.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 12:5

Ɔwɔ kɛ boane ne anzɛɛ abɔnkye ne yɛ nyinli mɔɔ anwo ɛnlɛ dɛne na yeli ɛvolɛ ko ala la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 24:5

Na ɔzoanle Yizilayɛ mgbavolɛ ɔmanle bɛhɔbɔle ɛyelalɛ azu na bɛvale nlankɛ nyinli bɛbɔle anzonudwolɛ azu bɛmanle Ɛdɛnkɛma.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 29:18

Yela boane ne mumua wɔ azukponle ne azo bɔ azu maa medame Ɛdɛnkɛma. Azubɔlɛ ɛhye mɔɔ bɛfa senle bɛbɔ bɛmaa Ɛdɛnkɛma la sɔ me nye.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 29:4

“Ɛbava Aalɔn nee ɔ mra mrenya ne mɔ wɔara Ɛdɛnkɛma Ndanlɛ Sua ne anuhɔlɛ ne na wɔava nzule wɔabia bɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 29:42

Ɛyelalɛ azubɔdeɛ azu ɛhye, ɔwɔ kɛ bɛbɔ ye me nyunlu wɔ Ndanlɛ Sua ne anuhɔlɛ ɛke dahuu wɔ awolɛndoazo kɔsɔɔti anu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 32:6

Aleɛ hyenle nwonlomɔ mangyee ne la bɛbɔle ɛyelalɛ azu na bɛvale anzonudwolɛ azubɔdeɛ bɛrale. Akee menli ne dɛnlanle aze lile nlonle na bɛzile agole.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 35:21

Bɛdabɛ mɔɔ bɛ sunsum manle bɛ anwosesebɛ la, yeyele bɛ ahonle nu vale bɛ azubɔdeɛ ne mɔ rɛlɛle Ɛdɛnkɛma kɛ bɛva bɛzi Nyianu Ndanlɛ Sua ne. Bɛvale debie biala mɔɔ hyia wɔ ye ɛzonlenlɛ nu nee ninyɛne mɔɔ bɛfa bɛnwo sɛlɛvolɛma adɛladeɛ ne mɔ la bɛrale.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 35:29

Yizilayɛma kɔsɔɔti, mraalɛ nee mrenya mɔɔ lɛ ɛhulolɛ la yeyele bɛ ahonle nu vale bɛ azubɔdeɛ rɛlɛle Ɛdɛnkɛma manle bɛvale bɛyɛle gyima ne mɔɔ ɔzele Mosisi kɛ ɔyɛ la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 35:5

Awie biala ɛbɔ azu ɛmaa Ɛdɛnkɛma. Awie biala mɔɔ ɔdaye ɔkulo la ɛva azubɔdeɛ ɛrɛlɛ Ɛdɛnkɛma: azubɔdeɛ mɔɔ le kɛ ezukoa nvutuke, dwɛtɛ fufule, yɛɛ kɔbele;

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 36:3

Mosisi vale azubɔdeɛ ne mɔ mɔɔ Yizilayɛma ɛva ɛra kɛ bɛva bɛzi Ndanlɛ Sua nwuanzanwuanza ne la kɔsɔɔti manle bɛ. Menli ne hɔle zolɛ vale azubɔdeɛ ninyɛne rɛlɛle Mosisi nwonlomɔ biala.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 38:1

Ɔvale akasea ndaboa ɔbobɔle azukponle mɔɔ bɛyela azubɔdeɛ wɔ zolɛ la. Ye tɛbanu ne mɔ amuala sɛ. Ye tendenle le mita nwiɔ nee ekyi, ye tɛtɛlɛ le mita nwiɔ nee ekyi, yɛɛ ye anwumahɔlɛ le mita ko nee ekyi.

Ayezaya Buluku ne 1:11

Ɔse, “Bɛ azubɔlɛ bebelebe ne ɛnzɔ me nye. Bɛ mboane ɛyelalɛ azubɔdeɛ ne mɔ nee bɛ nane mɔɔ ɛlɔ la anu ɛnlome azubɔdeɛ ne mɔɔ bɛfa bɛmaa me la ɛyɛ boɛ. Me nye ɛnlie nlankɛ, mboane mralɛ anzɛɛ mbɔnkye nyinli mogya nwo bieko.

Yizikeɛle Buluku ne 20:40

Ɔluakɛ medame Awulae Nyamenle ne, mese, wɔ me boka nwuanzanwuanza ne azo, wɔ Yizilayɛ azɛlɛ zo awoka ne mɔ anu, ɛkɛ ne yɛɛ Yizilayɛma kɔsɔɔti bazonle me a. Ɛkɛ ne yɛɛ mebalie bɛ meado nu a, yɛɛ ɛkɛ ne a mebalie bɛ ahyɛlɛ ninyɛne kpalɛ ne nee bɛ azubɔlɛ ninyɛne nwuanzanwuanza ne mɔ a.

Yizikeɛle Buluku ne 40:39

Anlenkɛ kpole ne sua kpandaanwo ne anu, ɛkponle nna gyigyi ɛkɛ, nwiɔ wɔ ye tɛbanu yɛɛ nwiɔ noko wɔ ye tɛbanu. Ɛkponle ɛhye mɔ azo a bɛku ɛyelalɛ azubɔdeɛ, ɛtane azubɔdeɛ, nee abozozielɛ azubɔdeɛ ne mɔ a.

Sɛlɛ 1:10

“Saa sonla ne ahyɛlɛdeɛ ne le ɛyelalɛ azubɔdeɛ mɔɔ vi ɔdaye ye mboane anzɛɛ mbɔnkye nu a, ɔwɔ kɛ ɔfa nyinli mɔɔ anwo ɛnlɛ dɛne la.

Sɛlɛ 14:10

“Kenle mɔtwɛ ne azo, ɔwɔ kɛ ɔfa mboane nyinli nwiɔ mɔɔ anwo ɛnlɛ dɛne la, boane belɛ ko mɔɔ ɛli ɛvolɛ ko na ɔ nwo ɛnlɛ dɛne la, ma azubɔdeɛ mɔɔ bɛdi bɛyɛ ye esamo na bɛva ɔlivi nwole bɛfɔtɔ la kilo nsa, yɛɛ ɔlivi nwole toba foa ko ɔbɛlɛ sɛlɛvolɛ ne.

Sɛlɛ 16:7

Akee ɔbava mbɔnkye nwiɔ ne yeahɔ Ɛdɛnkɛma anyunlu wɔ Ɛdɛnkɛma Ndanlɛ Sua ne anuhɔlɛ ne.

Sɛlɛ 17:4

na yeanva yeamba Ɛdɛnkɛma Ndanlɛ Sua ne anuhɔlɛ ne, yeambɔ azu yeammaa Ɛdɛnkɛma wɔ Ɛdɛnkɛma Ɛzonlenlɛ Sua ne anyunlu a, ɛnee yedo mɛla kɛ yeha mogya yegua. Sonla zɔhane, ɔwɔ kɛ bɛye ye bɛfi Nyamenle menli ne avinli.

Sɛlɛ 17:8

“Eza ka kile bɛ kɛ: Yizilayɛnli biala, anzɛɛ ɛyɛvolɛ biala mɔɔ wɔ bɛ avinli mɔɔ kɛbɔ ɛyelalɛ azu anzɛɛ kɛbɔ azu ngakyile biala,

Sɛlɛ 17:9

na yeanva yeamba Ɛdɛnkɛma Ndanlɛ Sua ne anuhɔlɛ ne, yeambambɔ azu ne yeammaa Ɛdɛnkɛma la, sonla zɔhane, bɛbaye ye bɛavi Nyamenle menli ne avinli.

Sɛlɛ 23:12

Kenle mɔɔ bɛbɔ bɛ alumua bɛyɔba ehono azu ne la, ɔwɔ kɛ bɛfa boane nyinli mɔɔ ɛli ɛvolɛ ko na ɔ nwo ɛnlɛ dɛne biala la bɛbɔ ɛyelalɛ azu bɛmaa Ɛdɛnkɛma.

Sɛlɛ 23:18

Akee bɛva mboane nsuu mɔɔ ko biala ɛli ɛvolɛ ko na bɛ nwo ɛnlɛ dɛne la, ɛnlankɛ egyegyebaa ko, yɛɛ mboane nwiɔ bɛrɛla. Bɛbava bɛayɛ ɛyelalɛ azubɔdeɛ bɛaboka ma nee nwanye azubɔlɛ ninyɛne ne mɔ bɛayela bɛ bɛabɔ azu bɛamaa Ɛdɛnkɛma; ye evuanlɛ sɔ Ɛdɛnkɛma anye.

Sɛlɛ 3:1

“Saa awie fa ɛnlankɛ nyinli anzɛɛ belɛ azubɔdeɛ arabɔ anzonudwolɛ azu a, ɔwɔ kɛ ɔfa ɛnlankɛ mɔɔ anwo ɛnlɛ dɛne la a ɔfinde Ɛdɛnkɛma anyunlu a.

Sɛlɛ 4:15

Mgbanyima mɔɔ wɔ ezuavolɛ ne avinli la bava bɛ sa agua ɛnlankɛ nyinli ne ati zo wɔ Ɛdɛnkɛma anyunlu ɛkɛ, na akee bɛahu ɛnlankɛ ne.

Sɛlɛ 4:23

na saa bɛmaa ɔnwu ye ɛtane ne mɔɔ yeyɛ la a, ɔwɔ kɛ ɔfa abɔnkye nyinli mɔɔ anwo ɛnlɛ dɛne la ɔba kɛ ɛtane azubɔdeɛ.

Sɛlɛ 4:3

na saa ahenle le sɛlɛvolɛ mɔɔ bɛkpokpa ye nwole la yɛɛ ɛyɛ ɛtane ɛva evinli ɛha menli ne a, bɛmaa ɔva ɛnlankɛ nyinli edonraa mɔɔ anwo ɛnlɛ dɛne la ɔyɛ azubɔdeɛ ɔmaa Ɛdɛnkɛma wɔ ye ɛtane ne mɔɔ yeyɛ la anwo.

Sɛlɛ 4:32

“Saa ahenle fa boane ralɛ ara kɛ ɛtane azubɔdeɛ a, ɔwɔ kɛ ɔfa belɛ mɔɔ anwo ɛnlɛ dɛne la.

Sɛlɛ 5:15

“Saa awie anye ɛnla nwolɛ na ɔyɛ ɛtane kɛ yebu ɔ nye yegua ye diedi gyima zo, mɔɔ fane Ɛdɛnkɛma ninyɛne nwuanzanwuanza ne mɔ anwo a, ɔwɔ kɛ ɔfa fɔlɛlilɛ azubɔdeɛ ɔbɛlɛ Ɛdɛnkɛma. Ɔwɔ kɛ ɔfa boane nyinli mɔɔ anwo ɛnlɛ dɛne, na ɛdawɔ ɛkɛnlea ɛkɛpɛ ye bolɛ wɔ dwɛtɛ fufule nu, kɛmɔ bɛdi ye wɔ ɛleka nwuanzanwuanza ne la; ɔle fɔlɛlilɛ azubɔdeɛ.

Sɛlɛ 5:18

Ɔwɔ kɛ ɔfa boane nyinli mɔɔ anwo ɛnlɛ dɛne, na ɛdawɔ wɔnlea wɔpɛ ye bolɛ mɔɔ nee ɛtane azubɔdeɛ bolɛ sɛ la ɔbɛlɛ sɛlɛvolɛ ne. Na sɛlɛvolɛ ne bayɛ nzɛlɛlɛ ali ɔ ti mgbɔdalɛ amaa ye wɔ ye ɛtane ne mɔɔ ɔ nye ɛnla nwolɛ na yeyɛ la anwo, na bɛkɛva bɛkɛhyɛ ye.

Sɛlɛ 6:2

“Saa awie yɛ ɛtane na ɔbu ɔ nye ɔgua ye diedi gyima zo ɔtia Ɛdɛnkɛma na ɔbɛlɛbɛla ɔ diema wɔ agyinlanulilɛ anzɛɛ awobazielɛ nwo, anzɛɛ ɔwua ye, anzɛɛ ɔsisi ɔ diema,

Sɛlɛ 6:8

Ɛdɛnkɛma zele Mosisi kɛ,

Sɛlɛ 7:16

“Na saa azubɔdeɛ ne le ɛwɔkɛyelɛ azubɔdeɛ anzɛɛ azubɔdeɛ mɔɔ ahenle ɛyeye ɔ kunlu ɛva ɛra la a, yemɔ bɛli azubɔdeɛ ne kenle ko ne ala, na saa bie ka ɛdeɛ a, bɛkola bɛdi wɔ ye alehyenlɛ nu.

Sɛlɛ 8:18

Akee Mosisi vale boane nyinli ɛyelalɛ azubɔdeɛ ne rale, na Aalɔn nee ɔ mra ne mɔ vale bɛ sa guale ɔ ti zo.

Sɛlɛ 8:21

Akee bɛvale nzule bɛnrinzinle nane ne ndwɛlɛ ne nee ɔ kunlu ninyɛne ne mɔ anwo na Mosisi yelale boane mumua ne amuala wɔ azukponle ne azo, kɛ ɛyelalɛ azubɔdeɛ. Ɔbɔ evuanlɛ, na ɔle azu mɔɔ bɛfa senle bɛbɔ bɛmaa Ɛdɛnkɛma, kɛmɔ Ɛdɛnkɛma zele Mosisi la.

Sɛlɛ 9:2

na ɔzele Aalɔn kɛ, “Fa ɛnlankɛ nyinli edonraa ko yɛ ɛtane azubɔdeɛ na fa boane nyinli ko yɛ ɛyelalɛ azubɔdeɛ maa Ɛdɛnkɛma. Ɔnle kɛ nane nwiɔ ne biala anwo nyia dɛne.

Zɛkalaya Buluku ne 13:7

Tumivolɛ Ɛdɛnkɛma se, “Dwazo, konle dadeɛ, dwazo ku me mboaneneavolɛ ne, ku ahenle ne mɔɔ gyi me nwo ɛke la. Bɔ mboaneneavolɛ ne ku ye maa mboane ne mɔ ɛbɔ asande. Medame mebava me sa meazie ngyikyi ne mɔ anwo.

Malakae Buluku ne 1:14

Munzule ɛha nzisi sonla ne mɔɔ lɛ boane nyinli wɔ ye nyɛmoa nu, ɔkɛva ɔkɛbɔ ɛwɔkɛ, na akee ɔkɛva ɛtane bie ɔkɛrabɔ azu ɔkɛmaa Ɛdɛnkɛma la, ɔluakɛ mele belemgbunli kpole, yɛɛ maanle maanle kɔsɔɔti sulo me.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 15:3

na bɛfa ɛnlankɛ anzɛɛ boane kɛ bɛyela ye bɛabɔ azu, anzɛɛ bɛfa bɛaye ɛwɔkɛ, anzɛɛ bɛfa bɛayɛ ahunlunyele azubɔdeɛ, anzɛɛ ɛvoyialilɛ azubɔdeɛ bɛamaa Ɛdɛnkɛma a, amaa yeazɔ ɔ nye la,

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 15:8

Saa bɛfa ɛnlankɛ nyinli azubɔdeɛ bɛba kɛ ɛyelalɛ anzɛɛ bɛfa bɛaye ɛwɔkɛ anzɛɛ anzonudwolɛ azubɔdeɛ a,

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 19:2

“Mɛla mɔɔ medame Ɛdɛnkɛma mehyehyɛ la ɛne: Bɛha bɛhile Yizilayɛma kɛ bɛva ɛnlankɛ belɛ kɔkɔlɛ mɔɔ anwo ɛnlɛ dɛne yɛɛ bɛtɛfale bɛtɛyɛle gyima biala la

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 23:19

Nyamenle ɛnle kɛ sonla na yeabɔ adalɛ, Ɔnle kɛ dasanli mɔɔ yɛ na yeavu ɔ nwo. Ye ɛwɔkɛ biala, ɔdi zo; Ɔka, na ɔyɛ zɔ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 23:27

Beelake hanle kɛ, “Maa yɛhɔ, me nee wɔ kɔ ɛleka fofolɛ. Ɛkɛ ne, wɔannea a Nyamenle kɛmaa ɛkɛwa bɛ amonle ɛkɛmaa me.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 23:3

Akee Beelam hanle hilele Beelake kɛ, “Gyinla wɔ ɛyelalɛ azubɔdeɛ ye anwo. Mekɔ meahɔnlea saa Ɛdɛnkɛma nee me kɛyia a, na edwɛkɛ biala mɔɔ ɔkɛha la, mebaraha meahile wɔ.” Yemɔti ɔdaye ɔ ngomekye ɔhɔle boka bie azo,

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 23:30

Beelake yɛle mɔɔ Beelam hanle hilele ye la, na ɔhunle ɛnlankɛ nyinli ko nee boane nyinli ko wɔ azukponle ne mɔ ko biala azo.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 28:11

“Siane biala mɔlebɛbo, bɛbɔ ɛyelalɛ azu bɛmaa Ɛdɛnkɛma. Bɛva nlankɛ ndonrandonra nwiɔ, boane nyinli ko, mboane nyinli ndonrandonra mɔɔ ɛli ɛvolɛ ngoko mɔɔ bɛ nwo ɛnlɛ dɛne la nsuu bɛyɛ ɛyelalɛ azubɔdeɛ bɛmaa Ɛdɛnkɛma.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 28:19

Bɛva nlankɛ nyinli ndonrandonra nwiɔ, boane nyinli ko, yɛɛ mboane nyinli ndonrandonra nsuu mɔɔ ɛli ɛvolɛ ngoko na bɛ nwo ɛnlɛ dɛne la bɛbɔ ɛyelalɛ azu bɛmaa Ɛdɛnkɛma.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 28:31

Bɛyɛ ɛhye mɔ nee nwanye azubɔdeɛ ne bɛboka dahudahu ɛyelalɛ azubɔdeɛ ne nee ma azubɔdeɛ ne anwo. Bɛnlea kɛ nane ne mɔ anwo ɛnlɛ dɛne.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 29:13

Kenle ne mɔɔ lumua la bɛva ɛyelalɛ azubɔdeɛ mɔɔ sɔ Ɛdɛnkɛma anye la bɛmaa ye. Bɛva nlankɛ nyinli ndonrandonra bulu nee nsa, mboane nyinli nwiɔ, yɛɛ mboane nyinli ndonrandonra mɔɔ ɛli ɛvolɛ ngoko na bɛ nwo ɛnlɛ dɛne la bulu nee nna.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 29:2

Bɛva ɛyelalɛ azubɔdeɛ mɔɔ ye evuanlɛ sɔ Ɛdɛnkɛma anye la bɛmaa ye. Bɛva ɛnlankɛ nyinli edonraa ko, boane nyinli ko, yɛɛ mboane nyinli ndonrandonra mɔɔ ɛli ɛvolɛ ngoko na bɛ nwo ɛnlɛ dɛne la nsuu.

Edwɛkpa ne kɛmɔ Luku hɛlɛle la 1:35

Nyamenle soanvolɛ ne buale ye kɛ, “Sunsum Nwuanzanwuanza ne bara ɛ nwo zo, na Nyamenle tumi ne baheda ɛ nwo zo. Ɛhye ati bɛbavɛlɛ kakula ne Nwuanzanwuanza, yɛɛ Nyamenle Ara.

Dw 1:36

na bɛnwunle kɛ Gyisɛse ɛlɛse. Na Dwɔn hanle kɛ, “Bɛnlea, Nyamenle Boaneralɛ ne ɛne!”

Dw 10:7

Yemɔti Gyisɛse hanle ye bieko kɛ, “Meka nɔhalɛ ne meahile bɛ: Mame a mele anlenkɛ ne mɔɔ bɛfa nu bɛkɔ mboane tunli ne anu la.

Dw 10:9

Mame a mele anlenkɛ ne; mɔɔ kɛlua me nwo zo kɛhɔ nu la kɛnyia ngoane mɔɔ ɛnlɛ awieleɛ. Ɔbawolo nu na yeavinde yeahɔkpondɛ aleɛ.

2 Kɔl 8:12

Ɔluakɛ saa ɔwɔ bɛ nuhua kɛ bɛkɛmaa debie a, ɛnee mɔɔ bɛlɛ ye la azo a Nyamenle balua alie bɛ ahyɛlɛdeɛ ne a. Ɔnrɛnlea mɔɔ bɛnlɛ ye la azo ɔnrɛlie.

2 Kɔl 9:7

Awie biala ɛva mɔɔ yezuzu nwo wɔ ye ahonle nu la ɛmaa. Ɔmmatwenlehwenle ɔ bo aze anzɛɛ ɔyɛ ye kɛ asɛɛ yemia la ati ɔ, ɔluakɛ Nyamenle kulo sonla mɔɔ te ɔ nyunlu kyɛ debie la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:18

Ɔlua Gyisɛse anwo zo yɛɛ yɛ muala, Dwuuma nee bɛdabɛ mɔɔ bɛnle Dwuuma la yɛkola yɛdua Sunsum ko ne ala azo yɛkɔ Selɛ ne anyunlu a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:27

amaa yeava asɔne ne kɛnlɛma gyɛlɛɛnye yeamaa ɔ nwo, mɔɔ nwolɛ ɛtɛkpɔdele, evinli biala ɛnle nwolɛ, yɛɛ nvonleɛ biala ɛnle nwolɛ na nwolɛ te nwuanzaanwu a.

Mɛla 12:27

Ɛkɛ ne yɛɛ bɛyela nane mumua nee ye mogya ne wɔ Ɛdɛnkɛma bɛ Nyamenle ne azukponle ne azo a. Bɛwola azubɔdeɛ ne mɔɔ bɛbali la anu mogya ne bɛgua Ɛdɛnkɛma bɛ Nyamenle ne azukponle ne azo na akee bɛdo nane ne bɛli.

Mɛla 15:21

Na saa ayɛmoa zɔhane anwo lɛ dɛne, saa ye ndwɛlɛ ɛbubu anzɛɛ saa ɔ nye ɛzi a, bɛmmafa bɛbɔ azu bɛmaa Ɛdɛnkɛma bɛ Nyamenle ne.

Mɛla 17:1

“Ɔnle kɛ bɛfa ɛnlankɛ nyinli biala nee boane biala mɔɔ anwo lɛ dɛne la anzɛɛ yebubu la bɛbɔ azu bɛmaa Ɛdɛnkɛma bɛ Nyamenle ne, ɔluakɛ ɔle kyibadeɛ kpole ɔmaa Ɛdɛnkɛma bɛ Nyamenle ne.

Kɛlata mɔɔ bɛhɛlɛle bɛhɔmanle Hibuluma la 7:26

Sɛlɛvolɛ Kpanyinli mɔɔ le zɛhae la yɛɛ kola sɔ yɛ wɔ yɛ ɛhyianlɛ biala anu a, ɔluakɛ ɔle nwuanzanwuanza; ɛtane biala ɛnle ɔ nwo anzɛɛ ye nu. Bɛye ye bɛzie ahane bɛvi ɛtanevolɛma anu na bɛmaa ye zo bɛhɔ anwuma.

Kɛlata mɔɔ bɛhɛlɛle bɛhɔmanle Hibuluma la 9:14

Kɛmɔ ɛhye le nɔhalɛ la, ɛnee ɛnea a ɛkɛnwu kɛ Kelaese mogya ne kola di gyima kpole maa ɔbo zolɛ. Yelua Sunsum ne mɔɔ ɛnwu ɛlɛ la azo yeva ɔ nwo yebɔ azu mɔɔ di munli la yemaa Nyamenle. Ye mogya ne bade yɛ adwenle nu avi nyɛleɛ mgbane mgbane mɔɔ fa yɛ kɔ ewule nu la anwo na yɛazonle tease Nyamenle ne.