Sɛlɛ 1:17 - BAEBOLO ANZƐƐ BULUKU NWUANZANWUANZA

¹⁷ Ɔwɔ kɛ sɛlɛvolɛ ne sɔ anloma ne andɛba ne mɔ na ɔsua anloma ne anu nwiɔ, ɔngyia kɛ ɔkɛhyɛ nu nwiɔ sɛsɛ. Akee ɔyela ye wɔ azukponle ne azo wɔ ɛyɛne ne mɔɔ wɔ senle ne anu la azo. Ɔle ɛyelalɛ azubɔdeɛ mɔɔ bɛfa senle a bɛbɔ a, na ye evuanlɛ sɔ Ɛdɛnkɛma anye.

Sɛlɛ 1:17 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 15:10

Ebilam sesale bɛ rale, ɔhunle bɛ ɔkpukekpukele bɛ nu nwiɔ nwiɔ, na ɔvale ko biala ebule ɔdole ye ebule ko ne anwo. Nloma ne mɔ ɛdeɛ, yeamkpukekpuke bɛ nu nwiɔ nwiɔ.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 8:21

Nowa azu ne zɔle Ɛdɛnkɛma anye, na ɔzele kɛ, “Ɔvi ɛnɛ mɔɔ kɔ la menrɛdoa sonla nyɛleɛ menrɛmaa munzule mɔɔ le zɛhae la ɛnrɛha azɛlɛ ye bieko; menrɛzɛkye ewiade abɔdeɛ muala, kɛmɔ meyɛ la bieko. Meze kɛ sonla yemɔ, ye ngakula nu amuala ɛnee ye adwenle nee ye ahonle nu le bile.

Edwɛndolɛ Buluku ne 16:10

Ɔluakɛ wɔanye me wɔammaa Ɛbolɔ, yɛɛ wɔammaa wɔ Nwuanzanwuanza Ko ne amkpɔlɔ.

Sɛlɛ 1:13

Akee ɔva nzule ɔnrinzi nane ne akunlu ne nee ye ndwɛlɛ ne mɔ anwo. Sɛlɛvolɛ ne ɛva bɛ muala na ɔyela bɛ wɔ azukponle ne azo. Ɛhye le ɛyelalɛ azubɔdeɛ mɔɔ bɛfa senle a bɛbɔ a, na ye evuanlɛ sɔ Ɛdɛnkɛma anye.

Sɛlɛ 2:2

na ɔfa ɔbɛlɛ Aalɔn amra sɛlɛvolɛma ne. Akee ɔwɔ kɛ sɛlɛvolɛ ne fula esamo ne mɔɔ nwole nee ɛyɛlɛ evuanlɛ ne bie wɔ nu la ɔ sa ko, kɛ ɔle ahenle ne afoa nu ɛdeɛ, na ɔyela yemɔ wɔ azukponle ne azo. Ɔle azubɔdeɛ mɔɔ bɛfa senle a bɛbɔ a, na ye evuanlɛ sɔ Ɛdɛnkɛma anye.

Sɛlɛ 3:5

Aalɔn amra mrenya ne mɔ bayela bɛ wɔ ɛyɛne ne mɔɔ wɔ azukponle ne azo la azo. Ɔle azubɔdeɛ mɔɔ bɛfa senle a bɛbɔ a, na ye evuanlɛ sɔ Ɛdɛnkɛma anye.

Sɛlɛ 5:8

Ɔwɔ kɛ ɔfa ɔbɛlɛ sɛlɛvolɛ ne na sɛlɛvolɛ ne alumua ava ɛtane azubɔdeɛ ne abɔ azu; ɔbahyiba anloma ne ati yeabu ɔ kɔme noko ɔnrɛde ye ɔnrɛvi zolɛ.

Sɛlɛ 6:14

“Mɛla mɔɔ wɔ ma azubɔdeɛ nwo noko la ɛne. Aalɔn amra ne mɔ bava azubɔdeɛ ne amaa Ɛdɛnkɛma wɔ azukponle ne anyunlu ɛkɛ.

Sɛlɛ 8:21

Akee bɛvale nzule bɛnrinzinle nane ne ndwɛlɛ ne nee ɔ kunlu ninyɛne ne mɔ anwo na Mosisi yelale boane mumua ne amuala wɔ azukponle ne azo, kɛ ɛyelalɛ azubɔdeɛ. Ɔbɔ evuanlɛ, na ɔle azu mɔɔ bɛfa senle bɛbɔ bɛmaa Ɛdɛnkɛma, kɛmɔ Ɛdɛnkɛma zele Mosisi la.

Sɛlɛ 9:13

Bɛvale ɛyelalɛ azubɔdeɛ ne azinli azinli ne mɔɔ bɛpepɛ la nee ɔ ti ne bɛrɛlɛle ye, na ɔyelale bɛ wɔ azukponle ne azo.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 15:3

na bɛfa ɛnlankɛ anzɛɛ boane kɛ bɛyela ye bɛabɔ azu, anzɛɛ bɛfa bɛaye ɛwɔkɛ, anzɛɛ bɛfa bɛayɛ ahunlunyele azubɔdeɛ, anzɛɛ ɛvoyialilɛ azubɔdeɛ bɛamaa Ɛdɛnkɛma a, amaa yeazɔ ɔ nye la,

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 28:8

Nɔsolɛ nu noko fa boane ko ne nee nwolɛ nza azubɔdeɛ ne bɔ azu, kɛmɔ ɛyɛle ye nwonlomɔ ne ala la. Eza ɔle ɛyelalɛ azubɔdeɛ mɔɔ ye evuanlɛ sɔ Ɛdɛnkɛma anye a.

Edwɛkpa ne kɛmɔ Mateyu hɛlɛle la 27:50

Na Gyisɛse deanle nu kpole bieko na ɔwule.

Dw 19:30

Gyisɛse liele nwanye ne na ɔhanle kɛ, “Yewie!” Akee ɔbɔle ɔ ti aze na ɔwule.

Wulo 4:25

Bɛyele Gyisɛse bɛmanle ɔwule wɔ yɛ ɛtane ti na bɛdwazole ye bɛrale ngoane nu, amaa bɛalie yɛ kɛ yɛsɔ Nyamenle anye.

1 Pit 3:18

Ɔluakɛ Kelaese mumua ne wule kokye wɔ awie biala ɛtane ti. Ɔle sonlakpalɛ, noko ɔwule ɔmanle ɛtanevolɛma, amaa yealie yɛ yeahɔmaa Nyamenle. Bɛhunle ye wɔ nwonane nu, noko bɛdwazole ye wɔ sunsum nu,