Sɛlɛ 1:10 - BAEBOLO ANZƐƐ BULUKU NWUANZANWUANZA

¹⁰ “Saa sonla ne ahyɛlɛdeɛ ne le ɛyelalɛ azubɔdeɛ mɔɔ vi ɔdaye ye mboane anzɛɛ mbɔnkye nu a, ɔwɔ kɛ ɔfa nyinli mɔɔ anwo ɛnlɛ dɛne la.

Sɛlɛ 1:10 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 4:4

Ebɛle noko hyele mboane mralɛ mɔɔ ye mboane ne mɔ bie lumuale wole bɛ la, na ɔvale bɛ nee bɛ ɛleka mɔɔ ɛlɔ kpalɛ la ɔbɔle azu ɔmanle Ɛdɛnkɛma. Ɛdɛnkɛma anye zɔle Ebɛle azubɔdeɛ ne,

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 8:20

Nowa zile azukponle manle Ɛdɛnkɛma. Akee ɔhyele nane nee nloma ne mɔ mɔɔ anwo te la biala anu ko, ɔhunle bɛ na ɔyelale bɛ ɔbɔle azu wɔ azukponle ne azo ɔmanle Nyamenle.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 12:5

Ɔwɔ kɛ boane ne anzɛɛ abɔnkye ne yɛ nyinli mɔɔ anwo ɛnlɛ dɛne na yeli ɛvolɛ ko ala la.

Yizikeɛle Buluku ne 43:22

Ye alehyenlɛ nu bɛva abɔnkye mɔɔ ɔ nwo ɛnlɛ dɛne la bɛyɛ ɛtane azubɔdeɛ, bɛva bɛde azukponle ne anwo, kɛmɔ bɛvale ɛnlankɛ nyinli ne bɛyɛle la.

Sɛlɛ 14:10

“Kenle mɔtwɛ ne azo, ɔwɔ kɛ ɔfa mboane nyinli nwiɔ mɔɔ anwo ɛnlɛ dɛne la, boane belɛ ko mɔɔ ɛli ɛvolɛ ko na ɔ nwo ɛnlɛ dɛne la, ma azubɔdeɛ mɔɔ bɛdi bɛyɛ ye esamo na bɛva ɔlivi nwole bɛfɔtɔ la kilo nsa, yɛɛ ɔlivi nwole toba foa ko ɔbɛlɛ sɛlɛvolɛ ne.

Sɛlɛ 16:3

Kɛ ɔwɔ kɛ Aalɔn si ba Nwuanzanwuanza Ɛleka ne la ɛne: Mekɛ biala mɔɔ ɔba la, ɔva ɛnlankɛ nyinli ko ɔyɛ ɛtane azubɔdeɛ yɛɛ boane nyinli ko ɔyɛ ɛyelalɛ azubɔdeɛ ɔrabɔ azu.

Sɛlɛ 16:5

“Akee Yizilayɛ maanlema ne bava mbɔnkye nyinli nwiɔ bɛamaa yeava yeayɛ ɛtane azubɔdeɛ yɛɛ boane nyinli ko bɛamaa yeava yeayɛ ɛyelalɛ azubɔdeɛ.

Sɛlɛ 22:19

ɛnee ɔva ɛnlankɛ, anzɛɛ boane anzɛɛ abɔnkye nyinli mɔɔ anwo ɛnlɛ dɛne la.

Sɛlɛ 23:12

Kenle mɔɔ bɛbɔ bɛ alumua bɛyɔba ehono azu ne la, ɔwɔ kɛ bɛfa boane nyinli mɔɔ ɛli ɛvolɛ ko na ɔ nwo ɛnlɛ dɛne biala la bɛbɔ ɛyelalɛ azu bɛmaa Ɛdɛnkɛma.

Sɛlɛ 3:1

“Saa awie fa ɛnlankɛ nyinli anzɛɛ belɛ azubɔdeɛ arabɔ anzonudwolɛ azu a, ɔwɔ kɛ ɔfa ɛnlankɛ mɔɔ anwo ɛnlɛ dɛne la a ɔfinde Ɛdɛnkɛma anyunlu a.

Sɛlɛ 4:23

na saa bɛmaa ɔnwu ye ɛtane ne mɔɔ yeyɛ la a, ɔwɔ kɛ ɔfa abɔnkye nyinli mɔɔ anwo ɛnlɛ dɛne la ɔba kɛ ɛtane azubɔdeɛ.

Sɛlɛ 4:3

na saa ahenle le sɛlɛvolɛ mɔɔ bɛkpokpa ye nwole la yɛɛ ɛyɛ ɛtane ɛva evinli ɛha menli ne a, bɛmaa ɔva ɛnlankɛ nyinli edonraa mɔɔ anwo ɛnlɛ dɛne la ɔyɛ azubɔdeɛ ɔmaa Ɛdɛnkɛma wɔ ye ɛtane ne mɔɔ yeyɛ la anwo.

Sɛlɛ 5:15

“Saa awie anye ɛnla nwolɛ na ɔyɛ ɛtane kɛ yebu ɔ nye yegua ye diedi gyima zo, mɔɔ fane Ɛdɛnkɛma ninyɛne nwuanzanwuanza ne mɔ anwo a, ɔwɔ kɛ ɔfa fɔlɛlilɛ azubɔdeɛ ɔbɛlɛ Ɛdɛnkɛma. Ɔwɔ kɛ ɔfa boane nyinli mɔɔ anwo ɛnlɛ dɛne, na ɛdawɔ ɛkɛnlea ɛkɛpɛ ye bolɛ wɔ dwɛtɛ fufule nu, kɛmɔ bɛdi ye wɔ ɛleka nwuanzanwuanza ne la; ɔle fɔlɛlilɛ azubɔdeɛ.

Sɛlɛ 9:2

na ɔzele Aalɔn kɛ, “Fa ɛnlankɛ nyinli edonraa ko yɛ ɛtane azubɔdeɛ na fa boane nyinli ko yɛ ɛyelalɛ azubɔdeɛ maa Ɛdɛnkɛma. Ɔnle kɛ nane nwiɔ ne biala anwo nyia dɛne.

Malakae Buluku ne 1:14

Munzule ɛha nzisi sonla ne mɔɔ lɛ boane nyinli wɔ ye nyɛmoa nu, ɔkɛva ɔkɛbɔ ɛwɔkɛ, na akee ɔkɛva ɛtane bie ɔkɛrabɔ azu ɔkɛmaa Ɛdɛnkɛma la, ɔluakɛ mele belemgbunli kpole, yɛɛ maanle maanle kɔsɔɔti sulo me.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 19:2

“Mɛla mɔɔ medame Ɛdɛnkɛma mehyehyɛ la ɛne: Bɛha bɛhile Yizilayɛma kɛ bɛva ɛnlankɛ belɛ kɔkɔlɛ mɔɔ anwo ɛnlɛ dɛne yɛɛ bɛtɛfale bɛtɛyɛle gyima biala la

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 6:14

ɔfa ahyɛlɛ ninyɛne ɛhye mɔ ɔmaa Ɛdɛnkɛma: boane ralɛ nyinli ko mɔɔ ɛli ɛvolɛ ko, mɔɔ anwo ɛnlɛ dɛne la bɛyɛ ɛyelalɛ azubɔdeɛ, boane ralɛ belɛ mɔɔ ɛli ɛvolɛ ko mɔɔ anwo ɛnlɛ dɛne la bɛyɛ ɛtane azubɔdeɛ, na bɛava boane nyinli kpole ko mɔɔ anwo ɛnlɛ dɛne la bɛayɛ anzonudwolɛ azubɔdeɛ.

Dw 1:29

Aleɛ hyenle la Dwɔn nwunle kɛ Gyisɛse ɛlɛba ɛleka mɔɔ ɔwɔ la na ɔhanle kɛ, “Bɛnlea, Nyamenle Boaneralɛ ne mɔɔ ɔbava yeabɔ azu yeaye ewiade amra ɛtane yeahɔ la ɛne!

1 Pit 1:19

bɛvale Gyisɛse, mɔɔ le boaneralɛ mɔɔ anwo ɛnlɛ dɛne biala la mogya ne mɔɔ sonle bolɛ la a bɛkpɔnenle bɛ a.