Pɔɔlo Kɛlata mɔɔ ɔhɛlɛle ɔhɔmanle Faelimɔn la 1:9 - BAEBOLO ANZƐƐ BULUKU NWUANZANWUANZA

⁹ na ɛ nwo ɛhulolɛ ti, mebazɛlɛ wɔ. Mame a mele Pɔɔlo mɔɔ megyi Kelaese Gyisɛse agyakɛ anu, na kɛkala ɔlua ɔ ti mela efiade la, noko akee mebiza ɛhye.

Pɔɔlo Kɛlata mɔɔ ɔhɛlɛle ɔhɔmanle Faelimɔn la 1:9 ပူးပေါင်းရင်းမြစ်များ

Edwɛndolɛ Buluku ne 71:18

Yemɔti saa menyi, na me ti zo ɛyɛ nwohyee a, O Nyamenle, mmakpo me, kɔkpula kɛ menwɔbɔ wɔ tumi kpole ne nolo menwɔmaa awolɛndoazo mɔɔ bara la kɛde bie.

Edwɛndolɛ Buluku ne 71:9

Mmakpo me wɔ me mrelera nu; saa me anwosesebɛ wie a, mmakpo me.

Mrɛlɛbulɛ Buluku ne 16:31

Mgbanyinli egyɛne le anyunlunyia abɔtile maa mɔɔ lɛ ye la; ɛbɛla kpalɛ ɛbɔlɛ a maa bɛnyia ye a.

Ayezaya Buluku ne 46:4

Kɛkala bɔbɔ mɔɔ bɛwie nyi la, medame ala yɛɛ mebazɔ bɛ toonwo bɛabɔ egyɛne a. Medame a mebɔ bɛ a, mebanlea bɛ nwo zo kpalɛ; mebaboa bɛ na mealie bɛ ngoane.

Wulo 12:1

Zɔhane ati me mediema, Nyamenle anwunvɔnezelɛ bebelebe ne mɔɔ ɔse yɛ la ati, mesɛlɛ bɛ, bɛva bɛ sonlabaka ne mɔ bɛbɔ azu mɔɔ anwo te na ɔsɔ ɛnyelɛ la bɛmaa Nyamenle. Ɛhye a le sunsum nu ɛzonlenlɛ kpalɛ mɔɔ ɔwɔ kɛ bɛfa bɛsonle ye a.

2 Kɔl 5:20

Yɛle Kelaese agyakɛ anu gyinlavolɛma, na ɔlua yɛ nwo zo Nyamenle ɛlɛtu folɛ. Zɔhane ati yɛgyi Kelaese agyakɛ anu yɛbodo yɛsɛlɛ bɛ kɛ bɛmaa Nyamenle adenle bɛmaa ɔhakyi bɛ kɛ bɛnle agbɔvolɛ na bɛle ɔ gɔnwo mɔ.

2 Kɔl 6:1

Kɛmɔ yɛ nee Kelaese bɔ nu yɛ gyima la, yɛbodo yɛsɛlɛ bɛ kɛ bɛmmamaa Nyamenle ɛlolɛ ne mɔɔ bɛ sa ɛha ye la yɛ mgbane.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:26

Bɛhakye ɛhye: Bɛlie Gyisɛse bɛli la ati bɛ kɔsɔɔti bɛ nee Gyisɛse Kelaese ɛbɔ nu ɛyɛ Nyamenle amra.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:1

Ɔlua ɛhye ati medame Pɔɔlo, mɔɔ bɛmɛ mɔɔ bɛnle Dwuuma la ati bɛhye me nuokɛ bɛmaa Kelaese Gyisɛse la, mesɛlɛ dahuu memaa bɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:1

Zɔhane ati, mesɛlɛ bɛ, meze kɛ Awulae ɛzonlenlɛ ne ati mela efiade bɔbɔ ɛdeɛ, noko bɛbɔ ɛbɛla mɔɔ fɛta Nyamenle ɛvɛlɛlɛ ne mɔɔ yemɔti yevɛlɛ bɛ la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:20

Edwɛkpa ne ati a mela efiade a, noko mele nwolɛ ɛbɔfoɔ. Bɛzɛlɛ kɛ menwɔva akɛnrasesebɛ menwɔha Edwɛkpa ne kɛmɔ ɔfɛta la.

1 Tem 1:12

Meyɛ yɛ Awulae Kelaese Gyisɛse mɔɔ ɛmaa me anwosesebɛ wɔ me gyima ne anwo la mo. Meyɛ ye mo kɛ yebu me bie na yeva me wɔ ye gyima nu a.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:2

Kilehile mrenya mgbanyinli ne mɔ maa bɛyɛ bɛ nye gyɛlɛmgbɛɛnye, bɛdwenle, bɛzie bɛ nwo diinyi, bɛmaa bɛ diedi ɛyɛ nla, na bɛnyia ɛhulolɛ nee abotane.

Kɛlata mɔɔ bɛhɛlɛle bɛhɔmanle Hibuluma la 13:19

Mesɛlɛ bɛ kɛ anrɛɛ bɛyɛ nzɛlɛlɛ kɛ Nyamenle kɛmaa menwɔzia menwɔra bɛ nwo lɔ bieko ndɛndɛ.

1 Pit 2:11

Ayi mɔ, mesɛlɛ bɛ, bɛle nyɛvolɛ nee adendulɛma wɔ ewiade! Bɛmmadi nwonane atiakunluwɔzo ne mɔ mɔɔ dahuu nee bɛ ɛkɛla ko la anzi fee.

Maanlebuvolɛma Buluku ne 21:22

Na saa bɛ ze mɔ anzɛɛ bɛ mediema mrenya babiza nwolɛ edwɛkɛ a, bɛbaze bɛ kɛ, ‘Bɛkponle zolɛ bɛmaa yɛ. Ɔluakɛ yɛangye bɛ donvula wɔ konle nu, yɛɛ tɛ bɛdabɛ noko yɛɛ bɛvale bɛ bɛmanle yɛ a, yemɔti bɛnli fɔlɛ.’ ”