Pɔɔlo Kɛlata mɔɔ ɔhɛlɛle ɔhɔmanle Faelimɔn la 1:7 - BAEBOLO ANZƐƐ BULUKU NWUANZANWUANZA

⁷ Adiema kulovolɛ, medi fɛlɛko kpole wɔ wɔ ɛhulolɛ mɔɔ ɛlɛ ye la anwo, na yemaa me akɛnrazilɛ! Wɔmaa Nyamenle menli muala anye ɛlie.

Pɔɔlo Kɛlata mɔɔ ɔhɛlɛle ɔhɔmanle Faelimɔn la 1:7 ပူးပေါင်းရင်းမြစ်များ

1 Kɔl 16:18

ɔluakɛ bɛmaa me nye ɛlie, kɛmɔ bɛ nye liele la. Menli mɔɔ le zɛhae la anwo hyia, anrɛɛ bɛnlea bɛ boɛ.

2 Kɔl 7:13

Zɔhane ati yɛ rɛle ɛkyekye. Tɛ yɛ rɛle mɔɔ ɛkyekye la angome, na yɛ nye liele kpole wɔ Taetɛse anyelielɛ mɔɔ ɔnyianle ye, nee ɔ rɛle mɔɔ bɛ muala bɛboale bɛkyekyele la anwo.

2 Kɔl 7:4

Medie bɛ medi, mefa bɛ metu me nwo! Me nwo tɔ me, yɛɛ wɔ yɛ anwongyelelɛ muala anu medi fɛlɛko kpole.

1 Tɛs 1:3

Ɔluakɛ saa yɛkɔ yɛ Nyamenle ne nee yɛ Ze ne anyunlu a, yɛkakye kɛ bɛzile bɛhilele bɛ diedi na bɛ ɛhulolɛ manle bɛyɛle gyima ɛsesebɛ, nee kɛ bɛ anyelazo mɔɔ wɔ yɛ Awulae Gyisɛse Kelaese anu la si gyi kpundii la.

1 Tɛs 2:13

Debie bieko mɔɔ yemɔti dahuu yɛyɛ Nyamenle mo la a le kɛ, mɔɔ yɛvale Nyamenle nrɛlaleɛ ne yɛrɛlɛle bɛ la, bɛdiele na bɛzɔle nu kɛ ɔnle edwɛkɛ mɔɔ vi sonla ɛkɛ a, na ɔvi Nyamenle ɛkɛ, yɛɛ ɔle zɔhane noko. Ɔluakɛ Nyamenle ɛlɛyɛ ye gyima wɔ bɛdabɛ mɔɔ bɛdie bɛdi la anu.

1 Tɛs 2:19

Na ɛnee yɛ anyelazo, yɛ anyelielɛ anzɛɛ abɔtile mɔɔ yɛfa yɛtu yɛ nloa anu wɔ mekɛ mɔɔ yɛ Awulae kɛra la a le boni? Tɛ yemɔ a le bɛdabɛ ɔ?

1 Tɛs 3:9

Kɛkala yɛkola yɛyɛ Nyamenle mo wɔ bɛ ti. Yɛyɛ Nyamenle mo wɔ anyelielɛ mɔɔ bɛmɛ bɛ ti yɛlɛ ye wɔ ɔ nyunlu la.

2 Tem 1:16

Awulae ɛnwu Onɛsefɔlɛse awuke nu amra anwunvɔne, ɔboalekɛ ɔkyekyele me rɛle mekɛ dɔɔnwo ne ala. Yeanyɛ ye nyiane kɛ mela efiade a.

Pɔɔlo Kɛlata mɔɔ ɔhɛlɛle ɔhɔmanle Faelimɔn la 1:20

Yemɔti, me diema, ɔlua Awulae ati, gyakyi ɛhye anu maa me, kɛmɔ Kelaese ati ɛle me diema la, na maa me nye ɛlie.

2 Dw 1:4

Ɔyɛle me fɛ kpole kɛ menwunle kɛ ɛ mra ne mɔ bie mɔ li nɔhalɛ ne anzi, kɛmɔ Nyamenle Selɛ ne zele yɛ la.