Pɔɔlo Kɛlata mɔɔ ɔhɛlɛle ɔhɔmanle Faelimɔn la 1:6 - BAEBOLO ANZƐƐ BULUKU NWUANZANWUANZA

⁶ Me nzɛlɛlɛ a le kɛ, wɔ diedi nu mediemayɛlɛ ne kɛva ndelebɛbo mɔɔ nuhua pi wɔ debie kpalɛ biala mɔɔ Kelaese ati ɔle yɛ ɛdeɛ la kɛra.

Pɔɔlo Kɛlata mɔɔ ɔhɛlɛle ɔhɔmanle Faelimɔn la 1:6 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 25:16

Sonvolɛ ne mɔɔ bɛmanle ye nzunza apenle nnu ne la vale ye ɛdeɛ ne hɔlile gua na ɔnyianle nzunza apenle nnu nvasoɛ wɔ nwolɛ.

Edwɛkpa ne kɛmɔ Mateyu hɛlɛle la 5:16

Zɔhane ala yɛɛ bɛmaa bɛ ɛbɛla kpalɛ ne ɛyɛ kɛ kɛnlaneɛ na ɔda wɔ menli nu a, amaa bɛanwu bɛ gyima kpalɛ ne mɔɔ bɛyɛ la na bɛaye bɛ Ze mɔɔ wɔ anwuma la ayɛlɛ.

1 Kɔl 14:25

aye ɔ ti anu edwɛkɛ ahile ye, na yeamaa yeabɔ ɔ ti aze yeazonle Nyamenle, na yeaha yeado gua kɛ, “Amgba Nyamenle nee bɛ de!”

1 Kɔl 16:9

Agbɔvolɛ zonle ɛke bɔbɔ ɛdeɛ, noko gyima bedevinli bie mɔɔ anwo hyia la anye ɛrala ɛkɛ ne ɛmaa me kɛ ɔwɔ kɛ medi.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:8

Me mediema, mɔɔ meka meadwula me edwɛkɛ ne la a le kɛ, bɛdwenle ninyɛne mɔɔ le nɔhalɛ, mɔɔ lɛ duma, ninyɛne mɔɔ le fɔɔnwo, mɔɔ anwo te, mɔɔ le kɛnlɛma, mɔɔ sɔ ɛnyelɛ, nee mɔɔ di munli na ayɛlɛyelɛ wɔ nwolɛ la anwo.

Kɔlɔ 1:9

Ɔlua ɛhye ati, sumunli kɛ yɛdele bɛ nganeɛ la, dahuu yɛsɛlɛ yɛmaa bɛ. Yɛsɛlɛ Nyamenle kɛ ɔva sunsum nu nrɛlɛbɛ nee ndelebɛbo muala ɔyi bɛ tɛkɛɛ, amaa bɛanyia Nyamenle ɛhulolɛdeɛ ne anwo ndelebɛbo,

Kɔlɔ 3:10

Bɛva su fofolɛ ne, mɔɔ Nyamenle ne mɔɔ bɔle ye la nea ye ɛsaso zo kakyihakyi ye dahuu la bɛwula, amaa bɛanwu kɛ ɔdaye mumua ne ɔsi ɔde la.

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:14

Maa yɛ menli ne mɔ ɛzukoa ɛyɛ gyima kpalɛ, amaa saa edwɛkɛ bie mɔɔ hyia la si a bɛahola bɛaboa. Ɔnle kɛ bɛbɔ ɛbɛla mɔɔ nvasoɛ biala ɛnle zolɛ la.

Kɛlata mɔɔ bɛhɛlɛle bɛhɔmanle Hibuluma la 6:10

Nyamenle ɛnli nzisi. Ɔ rɛle ɛnrɛvi gyima mɔɔ bɛyɛle nee ɛhulolɛ mɔɔ bɛhile wɔ ɔ nwo nee nyele mɔɔ kɛkala bɛtɛbɔ nwo bɛtɛkile bɛtɛmaa bɛ mediema mɔɔ doa Kelaese abo zo la.

Gyemise Kɛlata ne 2:14

Me mediema, saa awie ka ye kɛ, “Melɛ diedi” na ye nyɛleɛ ɛngile zɔhane a, ɛnee duzu nvasoɛ yɛɛ ɔnyia a? Asoo ye diedi zɔhane kɛhola kɛlie ye ngoane?

Gyemise Kɛlata ne 2:17

Zɔhane ati diedi mɔɔ gyimayɛlɛ ɛmboka nwo la le wulera.

1 Pit 2:12

Ɔwɔ kɛ bɛmaa bɛ nyɛleɛ wɔ maanlema avinli yɛ kɛnlɛma, amaa saa bɛsi bɛ amgbu kɛ bɛnle kpalɛ bɔbɔ a, ɛnee kɛmɔ bɛnwu bɛ nyɛleɛ kpalɛ ne la ati bɛaye Nyamenle ayɛlɛ wɔ Kenle ne mɔɔ Awulae bara la.

1 Pit 3:1

Bɛmɛ nwuvolɛ mraalɛ, bɛbɛlɛ bɛ nwo aze bɛmaa bɛ hu mɔ, amaa nuhua mɔɔ ɔ hu ɛnlie Nyamenle Edwɛkɛ ne ɛnli la, bɛalua bɛ nyɛleɛ zo bɛahwe ye bɛarɛlɛ Nyamenle, mɔɔ ɔnrɛhyia kɛ bɛkɛha edwɛkɛ kpɔkɛ ko bɔbɔ a,

1 Pit 3:16

noko anrɛɛ bɛva bɛtɛɛyɛlɛ amaa saa awie mɔ keha bɛ nwo edwɛkɛ ɛtane ɛtane a, bɛ subane kpalɛ ne, kɛmɔ bɛle Kelaese ɛdoavolɛma na bɛdi boɛ la agua menli zɔhane mɔ anyunlu aze.

2 Pit 1:8

Ɔluakɛ saa bɛlɛ subane kpalɛ zɛhae molozo a, ɔmaa bɛ nwo kpundi bɛ na bɛyɛ nla wɔ yɛ Awulae Gyisɛse Kelaese anwo deɛnwunlɛ nu.