Pɔɔlo Kɛlata mɔɔ ɔhɛlɛle ɔhɔmanle Faelimɔn la 1:16 - BAEBOLO ANZƐƐ BULUKU NWUANZANWUANZA

¹⁶ tɛ kɛ ɔle wɔ kanranli angome ɔ, na kɛ Kelaese ati ɔle adiema kulovolɛ mɔɔ anwo hyia me kpole a. Na wɔ wɔ afoa nu, kɛmɔ ɔle kanranli nee adiema wɔ Kelaese ati la, wɔ ɛhulolɛ ɛdeɛ ne bo zolɛ.

Pɔɔlo Kɛlata mɔɔ ɔhɛlɛle ɔhɔmanle Faelimɔn la 1:16 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 23:8

Na bɛmɛ, bɛmmamaa awie fɛlɛ bɛ ‘Kilehilevolɛ’, ɔluakɛ bɛ muala bɛle mediema yɛɛ bɛ Kilehilevolɛ kokye.

Ɛzoanvolɛma Gyima ne 9:17

Yemɔti Ananayase hɔle sua nu ɛkɛ, ɔvale ɔ sa ɔguale Sɔɔlo ati zo na ɔzele ye kɛ, “Adiema Sɔɔlo, Awulae Gyisɛse, mɔɔ ɛlua adenle zo ɛlɛba ɛke mɔɔ ɔyele ɔ nwo ɔhilele wɔ la ɛzoa me ɛ nwo ɛke, amaa wɔanwu debie bieko na Sunsum Nwuanzanwuanza ne ara ɛ nwo zo.”

1 Kɔl 7:22

Ɔluakɛ akɛlɛ mɔɔ Awulae ɛvɛlɛ ye la ɛyɛ dehelɛ wɔ Awulae anu; zɔhane ala yɛɛ mɔɔ le dehelɛ na bɛvɛlɛ ye la, le akɛlɛ maa Kelaese a.

Kɔlɔ 3:22

Ngɛkɛlɛ, bɛdie bɛ ewiade ye anu menlenlɛma edwɛkɛ wɔ debie biala anu, bɛmmayɛ ye wɔ ɛnyelɛ zo kɛ bɛyɛ bɛahile ala na bɛayɛ bɛ mo; bɛva Nyamenle ɛzulolɛ bɛyeye bɛ ahonle nu bɛyɛ.

1 Tem 6:2

Ahanra mɔɔ bɛ menle mɔ le diedima la mmakpo kɛ bɛnrɛli bɛ menle mɔ eni, kɛmɔ bɛle bɛ mediema la ati. Ɔwɔ kɛ bɛsonle bɛ kpalɛ, ɔboalekɛ bɛ gyimayɛlɛ nwo nvasoɛ ne kɔ diedima mɔɔ bɛkulo bɛ edwɛkɛ la lɔ. Kilehile na bɔ ninyɛne ɛhye mɔ nolo.

Kɛlata mɔɔ bɛhɛlɛle bɛhɔmanle Hibuluma la 3:1

Me mediema Keleseɛnema, mɔɔ bɛdabɛ noko Nyamenle ɛvɛlɛ bɛ a! Bɛdwenle Gyisɛse, mɔɔ Nyamenle ɛzoa ye kɛ ɔrayɛ Sɛlɛvolɛ Kpanyinli wɔ diedi ye mɔɔ yɛlɛ nu la anwo.

1 Dw 5:1

Awie biala mɔɔ die di kɛ Gyisɛse a le Mɛzaya ne la le Nyamenle ara, yɛɛ mɔɔ kulo wovolɛ ne la kulo ɔ ra ne noko.