Pɔɔlo Kɛlata mɔɔ ɔhɛlɛle ɔhɔmanle Faelimɔn la 1:10 - BAEBOLO ANZƐƐ BULUKU NWUANZANWUANZA

¹⁰ Mesɛlɛ wɔ meamaa me ra Onɛsemɛse. Ɔlua Kelaese ati, Onɛsemɛse ɛrayɛ me ra wɔ mekɛ mɔɔ mela efiade ye ala la.

Pɔɔlo Kɛlata mɔɔ ɔhɛlɛle ɔhɔmanle Faelimɔn la 1:10 ပူးပေါင်းရင်းမြစ်များ

2 Sam 18:5

Na ɔzele Dwowabe, Abehyae nee Yetae kɛ, “Bɛnlea me ti na bɛ nee kakula Abesalɛm ɛli ye bɛtɛɛ.” Na mɔɔ belemgbunli ne hanle wɔ Abesalɛm anwo hilele safohyenlema ne la, menli ne kɔsɔɔti dele.

Edwɛkpa ne kɛmɔ Maake hɛlɛle la 9:17

Nrenya ko mɔɔ wɔ menli ne anu la zele kɛ, “Kilehilevolɛ, menvale me ra nrenya membale, ɔluakɛ sunsum ɛtane mɔɔ ɔmmaa ɔngola tendɛ la wɔ ɔ nwo.

Wulo 12:1

Zɔhane ati me mediema, Nyamenle anwunvɔnezelɛ bebelebe ne mɔɔ ɔse yɛ la ati, mesɛlɛ bɛ, bɛva bɛ sonlabaka ne mɔ bɛbɔ azu mɔɔ anwo te na ɔsɔ ɛnyelɛ la bɛmaa Nyamenle. Ɛhye a le sunsum nu ɛzonlenlɛ kpalɛ mɔɔ ɔwɔ kɛ bɛfa bɛsonle ye a.

1 Kɔl 4:14

Mengɛlɛ ɛhye kɛ megua bɛ nyunlu aze; mefa meadu bɛ folɛ kɛ bɛle me mra mɔɔ mekulo bɛ edwɛkɛ a.

1 Kɔl 4:15

Saa Kelaese ati bɛlɛ adanedivolɛma apenle bulu bɔbɔ a, bɛnwu ye kɛ bɛ ze kokye. Ɔlua Edwɛkpa ne mɔɔ menvale membɛlɛle bɛ la ati, merayɛ bɛ ze wɔ Kelaese ati.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:19

O me mra ngakula, medi bɛ nwo nyane, na mete ye wɔ me nwonane nu kɛ raalɛ mɔɔ ɛvo awolɛ zo la, na ɔbahɔ zo zɔhane kɔkpula mekɛ mɔɔ bɛkɛnyia Kelaese su ne wɔ bɛ nu la.

Kɔlɔ 4:9

Ɔ nee Onɛsemɛse mɔɔ le yɛ diema kulovolɛ nɔhalɛ ne, mɔɔ le bɛdabɛ bɛ nuhua bie la a bara a. Bɛbaha debie biala mɔɔ ɛlɛkɔ zolɛ wɔ ɛke la bɛahile bɛ.

1 Tem 1:2

Mefa meahɔmaa Temɔte, mɔɔ le me ra kpalɛ wɔ diedi ne anu la. Nyamenle Selɛ ne nee Kelaese Gyisɛse yɛ Awulae ne ɛlo wɔ, ɛnwu wɔ anwunvɔne na ɔmaa wɔ anzonudwolɛ.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:4

Melɛkɛlɛ wɔ, Taetɛse, mɔɔ ɛle me ra kpalɛ la wɔ diedi ne mɔɔ yɛlɛ nu la ati. Egya Nyamenle nee Kelaese Gyisɛse, yɛ Ngoanedievolɛ ne ɛlo wɔ na ɔmaa wɔ anzonudwolɛ.

Pɔɔlo Kɛlata mɔɔ ɔhɛlɛle ɔhɔmanle Faelimɔn la 1:11

Mekɛ bie mɔɔ ɛraze ɛhɔ la ɛnee ɔ nwo ɛnlɛ nvasoɛ ɛmmaa wɔ; na kɛkala, ɔ nwo lɛ nvasoɛ maa wɔ nee medame.

Pɔɔlo Kɛlata mɔɔ ɔhɛlɛle ɔhɔmanle Faelimɔn la 1:13

Anrɛɛ menwɔhulo kɛ ɔkɛdɛnla me nwo ɛke, na yeagyinla ɛ gyakɛ anu yeaboa me wɔ Edwɛkpa ne ɛkpondenlɛ nu, kɛmɔ mela efiade la.

3 Dw 1:4

Debie biala ɛnyɛ me anyelielɛ ɛndɛla kɛ menwɔde kɛ me mra ne mɔ lua nɔhalɛ adenle ne anu a.