Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 9:22 - BAEBOLO ANZƐƐ BULUKU NWUANZANWUANZA

²² Saa kenle nwiɔ o, siane ko o, ɛvolɛ ko anzɛɛ ɔbo o, sumunli kenle ala mɔɔ amungu ne wɔ Ɛdɛnkɛma Ndanlɛ Sua ne azo anwuma la, bɛndu bɛ bo; na kɛ ɔye ɔ nwo zolɛ la, ɛnee bɛdu bɛ bo.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 9:22 ပူးပေါင်းရင်းမြစ်များ

Edwɛndolɛ Buluku ne 107:7

Ɔvale bɛ ɔluale adenle fɔɔnwo zo, toonwo bɛdwule suakpole zo na bɛdɛnlanle ɛkɛ.

Edwɛndolɛ Buluku ne 143:10

Kilehile me maa menyɛ mɔɔ ɛkulo la, ɔluakɛ wɔmɔ a ɛle me Nyamenle a! Maa wɔ Sunsum kpalɛ ne ɛli me nyunlu, wɔ munzule adenle zo.

Edwɛndolɛ Buluku ne 32:8

Mebadu wɔ folɛ, mebahilehile wɔ adenle mɔɔ ɔwɔ kɛ ɛfa nu la; mebamaa me nye ara ɛ nwo zo na meadu wɔ folɛ.

Edwɛndolɛ Buluku ne 48:14

“Nyamenle ne ɛne, ɔle yɛ Nyamenle dahuu. Ɔbahile yɛ adenle mekɛ biala.”

Edwɛndolɛ Buluku ne 73:24

Ɛfa wɔ ngilehilelɛ ne ɛsinza me, na nzinlii ɛbalie me anyunlunyia nu.

Edwɛndolɛ Buluku ne 77:20

Ɛhanle wɔ menli ne kɛ mboane na ɛlile bɛ nyunlu, Mosisi nee Aalɔn a nleanle bɛ nwo zo a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 39:42

Yizilayɛma yɛle gyima ne amuala, kɛmɔ Ɛdɛnkɛma hanle hilele Mosisi ala la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 40:16

Mosisi yɛle debie biala, kɛmɔ Ɛdɛnkɛma zele ye la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 1:54

Yemɔti Yizilayɛma yɛle debie biala, kɛmɔ Ɛdɛnkɛma zele Mosisi la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 8:20

Yemɔti Mosisi, Aalɔn, nee Yizilayɛma kɔsɔɔti dule Livaema ne manle Nyamenle, kɛmɔ Ɛdɛnkɛma zele Mosisi la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 9:17

Kenle biala mɔɔ amungu ne vi Ɛdɛnkɛma Ndanlɛ Sua ne azo kɛdu ɔ bo la, ɛnee Yizilayɛma ne bɛdabɛ bɛdu bɛ bo bɛlɛkɔ. Ɛleka biala mɔɔ amungu ne kɛgyinla la, ɛnee Yizilayɛma ne ɛkyekye azokoɛleɛ ɛkɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 9:21

Ɔdwu mekɛ ne bie a amungu ne gyinla, ɔvi nɔsolɛ ɔkɔdwu nwonlomɔ ala, noko saa ɔye ɔ nwo Ɛdɛnkɛma Ndanlɛ Sua ne azo alehyenlɛ ne anu ala a, ɛnee bɛdabɛ noko bɛdu bɛ bo. Saa amungu ne twe ɔ nwo fi Ndanlɛ Sua ne azo ala a, ɔwɔ kɛ bɛtu bɛ bo.

Ɛzoanvolɛma Gyima ne 1:4

Mekɛ mɔɔ ɔ nee bɛ yiale la ɔhanle ɔhilele bɛ kɛ, “Bɛmmatu bɛ bo bɛfi Gyɛlusalɛm, na bɛhendɛ Egya ahyɛlɛdeɛ ne mɔɔ yeva yebɔ bɛ ɛwɔkɛ na meha nwolɛ edwɛkɛ mehile bɛ la.