Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 8:12 - BAEBOLO ANZƐƐ BULUKU NWUANZANWUANZA

¹² Akee Livaema bava bɛ sa agugua nlankɛ nyinli ne mɔ ati zo na wɔava ko wɔayɛ ɛtane azubɔdeɛ na wɔava ko noko wɔayɛ ɛyelalɛ azubɔdeɛ wɔamaa Ɛdɛnkɛma, wɔava wɔayɛ mgbɔdalɛ nzɛlɛlɛ wɔ Livaema ne ati.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 8:12 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 29:10

“Akee ɛbava ɛnlankɛ nyinli ne wɔara me nyunlu wɔ Ndanlɛ Sua ne anyunlu na wɔamaa Aalɔn nee ɔ mra mrenya ne mɔ ava bɛ sa agua ɔ ti zo.

Sɛlɛ 1:4

Ɔwɔ kɛ ɔfa ɔ sa ɔto ɛyelalɛ azubɔdeɛ ne ati zo, na bɛkɛlie bɛkɛdo nu kɛ ɔle ahenle ne ati mgbɔdalɛ.

Sɛlɛ 14:22

Eza ɔwɔ kɛ ɔfa abubule nwiɔ anzɛɛ mɔlɔnoma nwiɔ, nuhua biala mɔɔ ɔkɛhola ye fa la; bɛbava ko bɛayɛ ɛtane azubɔdeɛ na bɛava ko bɛayɛ ɛyelalɛ azubɔdeɛ.

Sɛlɛ 16:11

“Saa Aalɔn fa ɛnlankɛ nyinli ɛtane azubɔdeɛ ne bɔ azu maa ɔ nwo, na ɔyɛ mgbɔdalɛ nzɛlɛlɛ ɔmaa ɔ nwo nee ye sua nu amra ɔwie a, ɔbahu ɛnlankɛ nyinli ne yeabɔ ɛtane azu yeamaa ɔ nwo.

Sɛlɛ 16:21

Ɔbava ɔ sa nwiɔ yeagua abɔnkye ne ati zo, na yeaha Yizilayɛma amumuyɛ ne mɔ mɔɔ bɛyɛ, bɛ mɛladonlɛ nee ɛtane mɔɔ bɛyɛ la amuala yeagua abɔnkye ne ati zo, na yeagyakyi ye yeamaa awie mɔɔ bɛboa bɛye ye la ava ye ahɔ fienemgbole ne anu lɔ.

Sɛlɛ 16:6

Aalɔn bava ɛnlankɛ nyinli ne abɔ ɔdaye ye ɛtane nwo azu, na yeayɛ mgbɔdalɛ nzɛlɛlɛ yeamaa ɔ nwo nee ye sua nu amra.

Sɛlɛ 4:15

Mgbanyima mɔɔ wɔ ezuavolɛ ne avinli la bava bɛ sa agua ɛnlankɛ nyinli ne ati zo wɔ Ɛdɛnkɛma anyunlu ɛkɛ, na akee bɛahu ɛnlankɛ ne.

Sɛlɛ 4:20

Kɛ bɛzile bɛyɛle ɛnlankɛ ne mɔɔ bɛvale bɛyɛle ɛtane azubɔdeɛ ne la, zɔhane ala yɛɛ ɔwɔ kɛ bɛyɛ ɛhye noko a. Akee sɛlɛvolɛ ne bayɛ nzɛlɛlɛ ali bɛ ti mgbɔdalɛ, na bɛbava bɛ ɛtane ne mɔ bɛahyɛ bɛ.

Sɛlɛ 4:35

Ɔbayeye azubɔdeɛ ne akunlu ɛnlome ne amuala, kɛmɔ bɛyeye boane ralɛ ne mɔɔ bɛfa bɛyɛ anzonudwolɛ azubɔlɛ azubɔdeɛ ne mɔ ɛdeɛ ne la. Sɛlɛvolɛ ne bayela ye wɔ azukponle ne azo yeaboka azubɔlɛ ninyɛne mɔɔ bɛyela bɛamaa Ɛdɛnkɛma la anwo. Akee sɛlɛvolɛ ne bayɛ nzɛlɛlɛ ali mgbɔdalɛ amaa ahenle ne wɔ ye ɛtane ne mɔɔ yeyɛ la anwo, na bɛkɛva bɛkɛhyɛ ye.

Sɛlɛ 4:4

Ɔwɔ kɛ ɔfa ɛnlankɛ ne ɔba Ɛdɛnkɛma anyunlu wɔ Ɛdɛnkɛma Ndanlɛ Sua ne anuhɔlɛ ne, ɔfa ɔ sa ɔto ɛnlankɛ ne ati zo, na ɔku ye wɔ Ɛdɛnkɛma anyunlu.

Sɛlɛ 5:7

“Na saa ahenle ne ɛnlɛ bie la ati ɔnrɛhola boane anzɛɛ abɔnkye fa a, ɔwɔ kɛ ɔfa abubule anzɛɛ mɔlɔnoma nwiɔ ɔyɛ fɔlɛlilɛ azubɔdeɛ ɔmaa Ɛdɛnkɛma. Nloma nwiɔ ne ko bayɛ ɛtane azubɔdeɛ na ko ayɛ ɛyelalɛ azubɔdeɛ.

Sɛlɛ 8:14

Akee ɔvale ɛnlankɛ nyinli ɛtane azubɔdeɛ ne ɔrale, na Aalɔn nee ɔ mra ne mɔ vale bɛ sa guale ɛnlankɛ ne ati zo.

Sɛlɛ 8:15

Mosisi hunle ye na ɔvale mogya ne, ɔvale ɔ sa. ɛrɛlɛsɛka ɔbɔle nu na ɔvale ɔpepenle azukponle ne abati kpokpɔkoo ne mɔ mɔɔ gyigyi zolɛ la azo ɔyiale, ɔvale ɔnluanle azukponle ne, na akee ɔwolale mogya ne mɔɔ hale la ɔguale azukponle ne abo ne anwo, ɔdule ɔmanle Nyamenle ɔyɛle mgbɔdalɛ nzɛlɛlɛ ɔmanle ye.

Sɛlɛ 8:18

Akee Mosisi vale boane nyinli ɛyelalɛ azubɔdeɛ ne rale, na Aalɔn nee ɔ mra ne mɔ vale bɛ sa guale ɔ ti zo.

Sɛlɛ 8:34

Kɛmɔ yɛyɛ ye ɛnɛ la, zɔhane ala yɛɛ Ɛdɛnkɛma ɛhyehyɛ kɛ bɛyɛ mgbɔdalɛ nzɛlɛlɛ bɛmaa bɛ a.

Sɛlɛ 9:7

Mosisi zele Aalɔn kɛ, “Kɔ azukponle ne anwo, fa wɔ ɛtane azubɔdeɛ ne nee wɔ ɛyelalɛ azubɔdeɛ ne mɔ kɔ, na bɔ mgbɔdalɛ nzɛlɛlɛ azu maa ɛ nwo nee menli ne, kɛmɔ Ɛdɛnkɛma ɛze wɔ la. Na fa menli ne mɔ azubɔdeɛ ne bɔ mgbɔdalɛ azu maa bɛ.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 6:14

ɔfa ahyɛlɛ ninyɛne ɛhye mɔ ɔmaa Ɛdɛnkɛma: boane ralɛ nyinli ko mɔɔ ɛli ɛvolɛ ko, mɔɔ anwo ɛnlɛ dɛne la bɛyɛ ɛyelalɛ azubɔdeɛ, boane ralɛ belɛ mɔɔ ɛli ɛvolɛ ko mɔɔ anwo ɛnlɛ dɛne la bɛyɛ ɛtane azubɔdeɛ, na bɛava boane nyinli kpole ko mɔɔ anwo ɛnlɛ dɛne la bɛayɛ anzonudwolɛ azubɔdeɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 6:16

“Sɛlɛvolɛ ne tu ɛhye mɔ kɔsɔɔti maa Ɛdɛnkɛma na yeabɔ ɛtane nee ɛyelalɛ azu ne mɔ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 8:13

“Fa Livaema ne yɛ ehono azubɔdeɛ maa Ɛdɛnkɛma na maa bɛzonle Aalɔn nee ɔ mra mrenya ne mɔ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 8:8

Akee maa bɛva ɛnlankɛ nyinli edonraa ko nee ma azubɔdeɛ mɔɔ bɛhakyi ye esamo na bɛva nwole bɛfɔtɔ la na bɛva ɛnlankɛ nyinli ko noko bɛyɛ ɛtane azubɔdeɛ.

Kɛlata mɔɔ bɛhɛlɛle bɛhɔmanle Hibuluma la 9:22

Nɔhalɛ, mɛla ne kile kɛ mogya ala a bɛfa bɛte debie biala anwo a, yɛɛ ɔwɔ kɛ bɛtwi mogya na bɛava bɛali ɛtane nwo mgbɔdalɛ.