Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 6:3 - BAEBOLO ANZƐƐ BULUKU NWUANZANWUANZA

³ ɔnle kɛ ɔno nwanye nee nza ɛsesebɛ biala. Ɔnle kɛ ɔno nzanvinli anzɛɛ nza biala mɔɔ bo la, anzɛɛ debie mɔɔ bɛva vanye ma nzule bɛyɛ la, yɛɛ ɔmmadi vanye ma amolɛ anzɛɛ welera.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 6:3 ပူးပေါင်းရင်းမြစ်များ

Sɛlɛ 10:9

“Mmano nza nwanye anzɛɛ nza ɛsesebɛ. Ɛdawɔ o, anzɛɛ ɛ mra mrenya ne mɔ o, bɛmmano nza kolaa na bɛahɔ Ɛdɛnkɛma Ndanlɛ Sua ne anu, anrɛɛ bɛkɛwu. Ɛhye bayɛ mɛla ala ɛkɛ dahuu amaa wɔ awolɛndoazo kɔsɔɔti.

Emɔzo Buluku ne 2:11

Menyele bɛ mra mrenya ne bie mɔ menyɛle bɛ Nyamenle kpɔmanvolɛma, na memanle bɛ mgbavolɛ ne bie mɔ dule bɛ nwo ziele ahane manle Nyamenle na bɛbɔle ɛwɔkɛ kɛ bɛnrɛnlo nwanye, bɛnrɛpepɛ bɛ ti, yɛɛ bɛnrɛva bɛ sa bɛnrɛha funli. O Yizilayɛma, asoo ɛhye ɛnle nɔhalɛ? Medame Ɛdɛnkɛma a mebiza bɛ a.

Emɔzo Buluku ne 2:12

“Noko bɛmanle menli mɔɔ dule bɛ nwo manle Nyamenle la nlonle nwanye, na bɛduale Nyamenle kpɔmanvolɛma kɛ bɛmmaka me nrɛlaleɛ ne.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 6:4

Melɛ tendenle biala mɔɔ ɔkɛdu ɔ nwo ɔkɛmaa Ɛdɛnkɛma la, ɔmmadi debie biala mɔɔ bɛva vanye ma bɛyɛ la, ɔmmadi ye ma yɛɛ ye abonle mgbane bɔbɔ, ɔmmafufo bie anu.

Edwɛkpa ne kɛmɔ Luku hɛlɛle la 1:15

Ɔbayɛ sonlakpole wɔ Awulae anyunlu. Ɔnle kɛ ɔno nwanye anzɛɛ nza ɛsesebɛ biala. Sunsum Nwuanzanwuanza ne bawolo ye, bɔbɔ, wɔ mekɛ mɔɔ ɔla ɔ nli akunlu la.

Edwɛkpa ne kɛmɔ Luku hɛlɛle la 21:34

“Bɛnlea bɛ nwo boɛ! Bɛmmamaa anyelielɛ dɔɔnwo, nza ɛbolɛ nee ɛbɛla ye anu ɛvɛlɛvɛlɛ di bɛ adwenle somaa, anrɛɛ Ndɛnebualɛ Kenle ne ɛralɛ kɛli bɛ nvunu kɛhye bɛ kɛ ɛhane;

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:18

Bɛgyakyi nza ɛbolɛ na ɔsɛkye bɛ; bɛmaa Sunsum ne ɛyi bɛ tɛkɛɛ.

1 Tɛs 5:22

na bɛhyi ɛtane ngakyile biala.

1 Tem 5:23

Mmano nzule ngome ala, ɛ ko ne nee ɛ nwo ne mɔɔ toto wɔ wazowazo la ati, anrɛɛ no nwanye ekyi.

Kɛlata mɔɔ bɛhɛlɛle bɛhɔmanle Hibuluma la 9:10

Aleɛ nee nza nee bɛ nwo ɛnluanlɛ ngakyile nwo nyɛleɛ yɛɛ bɛyɛ a. Na ɛhye noko le ɛnyelɛ zo debie mɔɔ wɔ ɛkɛ a, kɔkpula mekɛ mɔɔ Nyamenle kɛhakyi ninyɛne kɔsɔɔti fofolɛ la.

Maanlebuvolɛma Buluku ne 13:14

Debie biala mɔɔ bɛva vanye ma bɛyɛ la, ɔmmafa bie ɔka ɔ nloa. Eza ɔmmano nwanye anzɛɛ nza ɛsesebɛ biala, yɛɛ ɔmmadi debie biala mɔɔ nwolɛ ɛnde la. Ɛhye mɔ kɔsɔɔti mɔɔ meha la ɔwɔ kɛ ɔdi zolɛ.”

Maanlebuvolɛma Buluku ne 13:4

Yemɔti nea boɛ. Mmano nwanye anzɛɛ nza ɛsesebɛ biala.