Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 6:26 - BAEBOLO ANZƐƐ BULUKU NWUANZANWUANZA

²⁶ Ɛdɛnkɛma ɛkpogya ɔ nye zo ɛnlea bɛ na ɔmaa bɛ anzonudwolɛ.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 6:26 ပူးပေါင်းရင်းမြစ်များ

Edwɛndolɛ Buluku ne 29:11

Ɛdɛnkɛma ɛmaa ye menli ne anwosesebɛ, na ɔva anzonudwolɛ ɔyila ye menli ne.

Edwɛndolɛ Buluku ne 37:37

Nea sonla ne mɔɔ di boɛ, na nea tenlenenli ne, ɔluakɛ anzonudwolɛ sonla lɛ ɔ bo zo amra.

Edwɛndolɛ Buluku ne 4:6

Menli dɔɔnwo ka kɛ, “O Ɛdɛnkɛma, kpogya ɛ nye zo nea yɛ, na maa saleɛ ɛdo yɛ.”

Edwɛndolɛ Buluku ne 42:5

O me ɛkɛla, duzu ati a nyane ɛha wɔ zɛhae ɛ, duzu ati a ɛ nwo mɔra ɛdu zɛhae ɛ? Nyia anyelazo wɔ Nyamenle anu, na mebaye ye ayɛlɛ bieko kɛ, ɔle me boavolɛ nee me Nyamenle.

Edwɛndolɛ Buluku ne 44:3

Bɛdabɛ bɛanva bɛ dadeɛ bɛango bɛanva azɛlɛ, bɛdabɛ bɛanva bɛ anwosesebɛ bɛanli konim; na ɛvale wɔ tumi kpole ne nee wɔ anwosesebɛ ne, yɛɛ ɛ nyunlu ɛdalɛ kpole ne ɛlile konim; ɔluakɛ ɛ nye die bɛ nwo.

Edwɛndolɛ Buluku ne 89:15

O Ɛdɛnkɛma, nyilalɛ ɛha bɛdabɛ mɔɔ bɛfa edwɛndolɛ bɛtea nu bɛfɛlɛ wɔ, nee bɛdabɛ mɔɔ bɛdua wɔ ahunlunyele wienyi ne anu la.

Ayezaya Buluku ne 26:12

O Ɛdɛnkɛma, ɛbamaa yɛ nzo nu adwo yɛ, wɔyɛ yɛ gyima ne kɔsɔɔti wɔmaa yɛ.

Ayezaya Buluku ne 26:3

Sonla mɔɔ ye adwenle gyi ɛ nwo zo la, ɛmaa ye anzonudwolɛ mɔɔ di munli, ɔboalekɛ ɔ rɛle wɔ wɔ nu.

Ayezaya Buluku ne 57:19

Anzonudwolɛ, anzonudwolɛ ɛha bɛdabɛ mɔɔ bɛwɔ moa moa nee bɛdabɛ mɔɔ bɛbikye la, medame Ɛdɛnkɛma a mese a; yɛɛ mebayɛ bɛ ayile.

Maeka Buluku ne 5:5

Na ɛhye bava anzonudwolɛ ara. Saa Aseleama fa konle batoa yɛ wɔ yɛ maanle ye anu na bɛfa bɛ gyakɛ bɛtia yɛ azɛlɛ ye azo a, yɛbava mboaneneavolɛma kɛyɛ nsuu nee mgbanyima kɛyɛ mɔtwɛ a yɛaho yɛatia bɛ a.

Edwɛkpa ne kɛmɔ Luku hɛlɛle la 2:14

“Anyunlunyia ɛha Nyamenle wɔ anwuma anwuma, anzonudwolɛ ɛha bɛdabɛ mɔɔ ɔ nye die bɛ nwo wɔ ewiade ye la.”

Dw 14:27

“Anzonudwolɛ a mefa megyakyi bɛ a; medame me anzonudwolɛ a mefa megyakyi bɛ a. Menva memmaa bɛ kɛmɔ ewiade fa maa la. Bɛmmamaa bɛ rɛle bɔ na bɛdi nyane; bɛmmasulo noko.

Dw 16:33

Meha ɛhye mehile bɛ amaa saa bɛmeta me nwo a bɛanyia anzonudwolɛ. Ɛtane ewiade ɛhye bamaa bɛali nyane, noko bɛgyinla kpundii. Meli ɛtane ewiade ɛhye anwo zo konim!”

Dw 20:21

Na Gyisɛse zele bɛ bieko kɛ, “Anzonudwolɛ ɛha bɛ. Kɛmɔ Selɛ ne zoanle me la, zɔhane ala yɛɛ medame noko mesoa bɛ a.”

Dw 20:26

Ɔlile dapɛne ko la ɛdoavolɛma ne mɔ eza huohuanle bɛ nloa na bɛdole bɛ nwo anlenkɛ nu bieko, mekɛ ne anu ɛnee Tɔmase boka bɛ nwo. Bɛtotole nlenkɛ ne mɔ anu ɛdeɛ, noko Gyisɛse ragyinlanle bɛ avinli na ɔzele bɛ kɛ, “Anzonudwolɛ ɛha bɛ.”

Ɛzoanvolɛma Gyima ne 10:36

Bɛdabɛ bɛze kɛ ɔzile mɔɔ ɔlua Gyisɛse Kelaese, mɔɔ le menli kɔsɔɔti Awulae la anwo zo Nyamenle vale anzonudwolɛ nwo Edwɛkpa ne rɛlɛle Yizilayɛma la.

Ɛzoanvolɛma Gyima ne 2:28

Wɔhile me ngoane adenle ne, na medi fɛlɛko kɛ ɛ nee me lua.’

Wulo 15:13

Nyamenle mɔɔ le yɛ nzuzuguazo la ɛmaa bɛ anyelielɛ nee anzonudwolɛ wɔ bɛ diedi mɔɔ wɔ ye nu la ati, amaa bɛalua Sunsum Nwuanzanwuanza ne tumi zo bɛ anyelazo anyi.

Wulo 15:33

Nyamenle mɔɔ maa anzonudwolɛ la nee bɛ muala ɛdɛnla. Amen.

Wulo 5:1

Kɛmɔ ɔlua diedi zo yɛzɔ Nyamenle anye la, yɛlua Awulae Gyisɛse Kelaese anwo zo yɛnyia yɛ ti wɔ Nyamenle ɛkɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:23

Nyamenle Selɛ ne, nee Awulae Gyisɛse Kelaese ɛmaa mediema ne mɔ amuala anzonudwolɛ nee diedi nu ɛhulolɛ.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:7

Na Nyamenle anzonudwolɛ ne mɔɔ bo sonla ndelebɛbo muala azo la bazie bɛ ahonle nee bɛ adwenle gyɛlɛɛnye wɔ Kelaese ati.

2 Tɛs 3:16

Yɛsɛlɛ kɛ Awulae mumua ne, mɔɔ le anzonudwolɛ maavolɛ la ɛmaa bɛ nzo nu ɛdwo bɛ mekɛ biala nee adenle biala anu. Awulae nee bɛ ɛdɛnla.